夏天的氣味

　　臭到我想死，唉……

　　唔知係咪近年熱左太多，我覺得搭公共交通工具個陣，比以前難受左好多……我既嗅覺就死啦！

　　搭巴士都還好，搭ＭＴＲ真係臭到想死！車一開，Ｄ空氣一流動起上黎，所有男人味都湧曬埋黎，避無可避，企邊個位都臭到冤！睇怕都要自備氧氣罩至好上車……

　　講真，有時自己出過汗，都頂唔順自己陣除，有乜理由Ｄ男人咁臭都仲四圍走架？污染環境……(一"一)

　　***

　　有晚洗完頭，等頭髮乾……

　　我突然驚覺，原來我Ｄ頭髮又是好鬼長嚕，哈哈哈哈哈……

　　平日人地講，我真係唔為意。加上屋企Ｄ鏡都好細塊，照唔曬個上半身；出到街又唔鍾意照鏡（都怪自己太樣衰），ｓｏ真係唔知自己Ｄ頭髮長得有幾誇。

　　好啦，家陣熱辣辣，辛苦自己喇……真係好想搵靚仔Ｗａｌｌａｃｅ（我個髮型師）幫我搞搞佢……

　　但我依家窮到褲穿窿，剪乜鬼頭髮呀，ｓｉｇｈ……

　　***

　　唔覺唔覺，原來下星期三就開學嚕……

　　依家岩好月中，我係時候ｗｏｒｒｙ一下我餘下的半個月，生計要點算。真係返學的話，唔可以一日只食一餐，至少要兩餐，同埋交通會多一程……但現時份糧，只夠我咬多一個禮拜……

　　或者我可以試下餐餐吔面包，咁話唔定會瘦得仲快。

　　哈哈哈哈哈～～～

22:41
15 Jul 2009

想東想西

　　呢排有好多野想想想想想想想……

　　想買一件牛仔ｊａｃｋｅｔ、一條長及腳踝既印花連身裙、一對ｃｏｌｏｒｆｕｌ既ｈｉｇｈ　ｈｅｅｌｓ……

　　想食ＫＦＣ、想去廟街食風味野……

　　想遊車河、想去沙灘、想去流浮山睇日落、想去馬灣探一探挪亞方舟（８月可能有機）……

　　ＪＨ聽完我咁講，話我咁咪會好鬼忙囉？

　　車～諗下之嘛，邊有錢做均咁多樣野吖……而且諗多兩諗，就乜都唔使再諗架啦，哈哈哈～（即係齋諗唔使做）

　　***

　　我呢排痴左線，一日食足兩餐，ｌｏｓｅ　ｃｏｎｔｒｏｌ……

　　再咁落去，未到月中就會糧盡而死……（嚇到面青中＝＿＝＂）

　　唉～一日比一日難做人。

01:07
14 Jul 2009

PS 親愛既JH就生日啦~

Superwoman

　　痴線架！

　　我呢兩日（其實只係今晚，哈哈）係樹做翻譯囉！將ａｕｄｉｔ野由英文翻譯做中文，俾大陸Ｄ同事睇喎。（明明玩具廠係做鬼佬生意，但就請埋曬Ｄ唔多曉英文既人……好醒囉！）

　　咪住，我……我做ａｄｍｉｎ既咋喎？乜咁搞法呀……（週末功課，ｓｏ　ｇｏｏｄ）

　　我最憎做英翻中，一個英文字有咁多唔同意思，模稜兩可，想我點喎！例如一句「pricing and return policies」，咁係指ｓａｌｅｓ　ｒｅｔｕｒｎ定ｒｅｔｕｒｎ　ｏｆ　ｇｏｏｄｓ先？倒係中翻英就手到拿來……

　　痴膠花架……要個外行人黎翻譯行內野，我邊識呀大佬！我讀ｍａｒｋｅｔｉｎｇ既咋，邊鬼識Ｄ核數既專用名詞呀！咁我要點譯至好呀？最後決定搬字過紙，哈哈！

　　結果用左兩個幾鐘，翻譯完一版半紙共１７條摘要既文件。

　　我真係好佩服我自己囉，簡直係ｓｕｐｅｒｗｏｍａｎ，ＷＡＫＡＫＡＫＡＫＡ！

　　***

　　好熱呀……早抖。

02:38
13 Jul 2009

虛風

　　車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車車

　　掛乜鬼３號風球吖，呃人既，虛驚一場……

　　今日既葵涌區，９成時間陽光普照，曬到我暈得一陣車。雨只落得一兩分鐘，係咁易整濕Ｄ地方，但眨眼又曬到乾曬。

　　早知咁好天，就去游水啦……講笑，仲邊有閒錢……

　　不過我今日真係走左去萬寧買日用品，全日使左二百大元，係四五日既ｑｕｏｔａ，哈哈哈哈……

　　雖然好鬼窮，日日愁眉苦臉可以使幾多錢，但仍未至於好似三年前咁難過日辰。可能係人大左，得到自主權，可以做既事同可以行既路多左，覺得自己仲有好多選擇，仲有Ｄ希望。以前細個，跟本就咩機會都無，下下等人施捨……

　　Ａｎｙｗａｙ，多謝關心我既朋友。＞３＜

　　***

　　汗，不停流……好‧熱‧呀‧！

　　深夜兩點幾啦，但我仲未覺得眼訓囉……但又無野想做喎……＝＿＝＂

　　我發覺呢排多左人係我個ｂｌｏｇ度留言，但又不留名喎，究竟係邊個咁無聊呢？嗰Ｄ留言睇到我有大巴大巴車人既衝動……：Ｐ

　　好喇，噏完～收工～早抖～

02:36
12 Jul 2009

PS 係咪我變左呢? 定係年紀漸大既人都會有咁既問題? 我發覺我變得無以前咁鍾意入戲院睇戲...

PS2 唔... 我好似好耐無做閱讀報告... 啊... Scanner俾亞哥搞傻左, 以致我... 哎哎哎! 要手打黎上載文章的話, 我會好懶... 算~ 呢排睇緊攝影既書同埋textbook, 我真係乖, 呵呵~

PS3 我希望快D學識影相, 然後想去流浮山影日落.

PS4 仲有24日, 死肥佬就可以做番司機. 到時真係要夾佢搵埋靚雪糕入西貢食飯先至得! 拖左就黎成年啦!

一個人

　　今日呢篇野ｂｌｏｇ，無乜特別野好講。Ｓｏ大家睇到呢度時，已可以唔使再睇落去，呵呵～

　　***

　　好囉，Ｄ老人家又返曬大陸，我又開始一個人住既生活喇。

　　表面上就好似好開心，查實，一個人住係間爛屋度，都幾多野要煩。

　　全棟樓既水管，用左三四十年都無換過。倘若得番我一個人，用水量實在太少喇！因為Ｄ水停留係舊水管中太耐，放出黎既水都好黃好ｄｉｒｔｙ……

　　兩隻臭龜，又唔識自己照顧自己，仲要我幫佢地沖涼換水同餵食，好麻煩呀！

　　一個唔好彩落起大雨上黎，屋企個騎樓會漏水架，咁我要點做至好呀？唉……

　　***

　　一號風球掛左成晚，但聞風不動喎。

　　又話會落大雨，結果都無，搞到我擔心左成晚，玩野吖！

　　不過唔落雨就太陽高高掛，好死熱呀……

　　Ｈｅｒｅ　ｉｓ　ａ　ｍｅｌｔｉｎｇ　ｃａｔ……＝＿＝＂

　　***

　　呢幾日改變策略，唔食飯盒，食叮叮飯仲平～

　　無法啦，每日既支出，無可能齋係食同交通架嘛，仲要買日用品架……

　　屋企無人，就會想自己煮野食。但其實，自己煮一人份量仲貴過買，咁……我可以冠冕堂皇地繼繼懶懶懶，呵呵～

　　***

　　雖則我係一條大懶蟲，但每個星期六日都無節目，留係屋企會心情惡劣，寧願返工多Ｄ……（無錢去街玩）

　　講到大懶蟲呢樣野，同事們好好呀，為左就我，會係我返工個陣ｔｕｒｎ　ｏｆｆ個驅蟲器。

　　Ｙｅａｈ～

13:08
11 Jul 2009

PS 既然今日唔使返工, 不如索性咪鬼食野... 慳黎買日用品... =.="

疲倦

　　好攰……

　　ＭＳＮ啲人好煩，好似烏蠅咁，嬲黎嬲去嬲住曬。

　　你理得我心情好唔好姐？唔好煩我得唔得吖？我都唔應人架啦，你可唔可以識趣Ｄ呀？我ＭＳＮ開住擺係度，唔代表我一定要應酬你囉！你以為你係邊個呀？網友咋！我使能你打救吖！你估你邊個呀？偉人？我吥！你連老鼠都不如呀！我唔係咩都要同你分享卦？？？

　　拜托！你出少句聲，煩少我一陣，當幫忙ＯＫ？

　　你講咁多廢話，你估我唔知、唔識諗咩？好心你就咪懶醒啦，自以為是，有你講無人講，死o靚仔！

　　你呢Ｄ舉動叫做火上加油！係咪我開ＭＳＮ係我既錯呢？我開黎又唔係ｓｅｒｖｅ你一個，正一丟拿星！

　　我唔開心，使鬼人陪呀！我亦都無錢日日出門搵人陪喎！我有咩困難你又唔知，講咁多做乜姐，都唔到題！係咪你煩住人，令人發火就係你既快樂呀？

　　女夭！

　　***

　　好攰……晚晚都訓得唔好。

　　夜晚一個人靜左落黎，個腦就會不期然咁ｐｌａｙ　ｂａｃｋ番以前唔開心既事，跟住就會喊喊喊……

　　好難受呀，好想一死了之。死無乜可怕，活著至辛苦。

　　不過，暫時仲頂得住呢Ｄ辛苦。

21:29
8 Jul 2009

燥

　　唉……

　　男人真係一種好乞人憎既生物！

　　我個ＭＳＮ，成日都俾男人誤會！明明就只係普通既英文名ｉｎｉｔｉａｌ，但就偏偏鍾意對號入座。在我黎講，感覺好難受，就好似俾人屈咁！我明明就無做過！亦從來都無咁既意圖！

　　女夭……真係好忟！成日解釋，講到口臭……

　　當我唔岩囉，開個咁令人誤會既ｈｏｔｍａｉｌ，仲用左十年咁耐。

　　丟拿星……

　　***

　　今日係公司，話題依然圍繞係電子驅蟲器上……

　　全公司既同事都話聽唔到部機有聲囉，但我真係聽到喎，仲好鬼煩添！

　　查過啦，部機所發出既係超聲波，音頻比人類既聽覺範圍還高，ｓｏ人係理應聽唔到有聲既。

　　好啦，咁我確實係一條蟲囉，大懶蟲～

　　咦？咁部機咪好ｗｏｒｋ囉？有效驅到我喎！哈哈哈～

　　***

　ＪＨ：咦？妳今日著牛仔褲喎～少有喎～咁ｃａｓｕａｌ～

　ＰＰ：我琴日都係Ｔ恤牛仔褲喎，但條褲深色囉～鞋就係著Ｃｏｎｖｅｒｓｅ～

　ＪＨ：咦！對鞋同我情侶裝喎～

　ＰＰ：Ｏｒ母女裝～

　ＪＨ：我叉住妳把口吖！

　　哈哈哈～幾時都好，千祈咪同女人開與年齡有關既玩笑！哈哈～

　　***

　　呢排一直心情唔好，睇任何事都好唔順眼，亦都特別易發火。尤其唔如意嗰陣，特別容易眼火爆。我知我ｓｏ　ｆａｒ講左好多難聽既說話，難為我班朋友嚕……

　　但又奇喎，係公司既心情會輕鬆Ｄ，可能做野時會分散注意力啦……總之就好正常，一如以往般好可愛。

　　唔係ｗｏｒｋｉｎｇ　ｍｏｄｅ啦喎，直頭係燥狂症發作。

　　＝＿＝＂

　　***

　　琴晚聽電台，訪問抑鬱病患者……

　　唔……我好似有Ｄ病徵，哈……

　　算，講乜都嘥氣。

22:01
7 Jul 2009

PS 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 好想買野. 越窮越唔開心越想買...

驅蟲 (Updated)

　　今日下晝６點鐘……

　ＰＰ：Ｅｒ……乜原來開左驅蟲器呀？

　ＪＨ：係呀，免得有小小強出現啦～

　ＰＰ：難怪我成個下晝都聽到ＶｉＶｉ聲，仲煩過Ｄ蟬，搞到我有Ｄ頭痛……

　ＪＨ：唔係化？！我乜都聽唔到喎……

　ＰＰ：好似話小朋友會聽到某Ｄ高頻率既聲音架～

　ＪＨ：（射厘眼睥住我）吓？妳仲叫小朋友？咪扮野喎……(一_一)

　ＰＰ：咁唔通……我係一條蟲？呢Ｄ聲係要驅我走既？？？

　ＪＨ：無聊！

　　哈哈哈～咁係吖嘛～唔係我點會討厭嗰Ｄ驅蟲聲喎～

　　但查實，我又真係一條蟲喎！係大懶蟲呀！

　　ＸＤ

　　***

　　今日返工時，係ａｐｍ入面，見到個著粉紅色恤衫既男人（ｏｆｆｉｃｅ　ｌｏｏｋ）。

　　就咁聽，大家係咪覺得無乜特別？但佢畸呢在，恤衫下無打底，個件薄如蟬翼既衫著左上身，咪變左做透視裝囉……

　　Ｏ…Ｍ…Ｇ…！我唔係咁想見到男人透視Ｌｉｎ囉……個男人仲要係頗大Ｌｉｎ……問你死未……（ＰＰ死左＝＿＝＂）

　　所以話，唔止女人要打底，好心Ｄ男人都學下啦！

　　***

　　今日Ｓａｌｅｓ　ｇｅｒｇｅｒ話我個袋好鬼重。

　「係架～我日日都擔泥架～」

　　我個袋又真係塞左好多野入去……磅下？重達１１磅！

　　嘩～好標準喎～學童書包既重量指標，就係唔超過自己體重既十分之一～

　　其實我不嬲都覺得女人既體能係比男人好既。

　　論據一：手袋重如鉉鐵，但負左上身，依然面不改容。

　　論據二：腳踏４吋斗零高踭鞋，依然箭步如飛。

　　論據三：每日食無三兩米，都仲有ｅｎｅｒｇｙ應付日常活動。

　　大家話喇，有無男人可以咁把炮，勁過女人，做足以上三樣野先？

　　呵～

　　***

　　嘻哈完，又係時候面對殘酷既現實……

　　今日報左名啦，應該無問題既。

　　ＢＵＴ！岩出糧咋，己荷包乾塘，仲窮過月尾，唉……

　　其實琴晚已計緊，我今個月有幾錢可以使，但估唔到，會少得咁可憐……

　　月入三千二，戶口有五千，問水草借左一千（驚出唔切糧至暫時問佢借住黎交學費），總共有九千二。

　　過去的週末使左３００，今日報名用左六千，買書４００，又要還水草一千。黎緊仲要交寬頻２００，電話費１００，保險４００……結果剩番８００大元……

　　篤兩篤計數機，我黎緊每日只可以用２７蚊……咁我要搭車定食飯好呀？聽餓死都似……若然開埋學，交通費既支出會仲大……（過年時既利是錢已用曬啦，無曬儲備嚕……）

　　真折墮……

　　***

　　其實……我係一個偏執狂。

21:28
6 Jul 2009

PS 今日買書時, 又見到白貓啦~ 佢真係超級乖! 今次難得影到佢open eyes既樣. 係俾錢個陣, 我仲見到花貓呢左係收銀機後面, 一直眯眼睥住我! 果然係惡貓, 毫不friendly...

小學舊生會聚會後感想

　　在此之前，想插一插人先……

　　豈有此理！某條ＰＫ搞手！為左就自己返工放工！場地揀左係銅鑼灣！明明全部人都係住觀塘藍田將軍澳架嘛（得兩三個唔係，但都無人住港島區）！結果搞到要無拉拉成廿幾人特登走過海！家陣時間好多吖！乜車錢好平咩！

　　ＤＩＵ！火都黎埋！

　　***

　　鬧完人，條氣順曬～

　　不過跟住就要到我慚愧喇！＞＂＜

　　我……我唔係……唔係咁記得Ｄ舊同學既名……枉個個一黎到都嗌得出我個中英文名……＝＿＝＂（無法啦，以前既惡死女班長，Ｄ人邊敢唔記得）

　　Ｄ人樣個個都好熟口面，人名ｕｐ到咀唇邊架喇，就硬係講唔曬出黎……^ ^" 我好佩服Ｄ人（例如八婆水草），對舊事咁一清二楚，仲可以侃侃而談！＠＠＂

　　小學畢左業近十年，我真係乜鬼都唔記得曬，仿如洗過腦～其實就連中學既事，我都唔記得……試過中學畢業後第二年返去，見到Ｄ　ｍｉｓｓ，我連一個名都記唔起，就連班主任姓乜都唔記得左……＠＠＂

　　有人話我畢業相影到嬲爆爆……Ｍａｙｂｅ啦，我由細到大，校圈生活都唔開心既，成績好都只係表面風光姐……Ｓｏ，潛意識可能將過去既事ｄｅｌｅｔｅ曬，ｋａｋａ～

　　***

　　Ｗｏｗ～Ｄ男仔個個都大個仔囉～

　　Ｗａ～Ｄ女仔個樣都無變過喎～（就連身高都係……＝＿＝＂）

　　所有出席既女同學當中，只得一個人有高過，仲高左好多添，有米七呀！＠＠＂我著４吋ｈｉｇｈ　ｈｅｅｌｓ都唔夠佢高……＝＂＝

　　***

　　我仲諗起ＩＣ話，點解連小學同學都知我個英文名既？＿？

　　Ｈｅｙ～我小學時已用英文名架啦，個名係響小一個陣改既，跟左我十幾廿年啦～

　　個個都話我咁細個就用英文名，好鬼型～

　　***

　　其實Ｄ人點嗌我，ｆｏｒ　ｍｅ，有好大作用。

　　作用就係ｆｏｒ我分別Ｄ人係幾時、透過咩途徑識落既。咁樣得個知字，有助我咩話題係講得唔講得囉～呢個方法真係好有效架！

　　我Ｄ名點分類？梗係唔教你地啦，俾你地亂嗌搞亂檔咁仲得了既……

　　：Ｐ

16:59
5 Jul 2009

你係邊個?

　　琴日下晝，接近６點個陣（我仲開緊工架），收到一個非我手機內置電話簿聯絡人既來電……

　男同學：喂，係咪Ｐａｎｓｙ潘ｘｘ呀？

　Ｐ　Ｐ：係呀，咩事？

　男同學：聽晚（星期六）個ｇａｔｈｅｒｉｎｇ，妳係咪會出席架？

　Ｐ　Ｐ：係呀～

　男同學：好既。行程就有Ｄ變動，會先約七點半係ＣＷＢ地鐵站等。

　Ｐ　Ｐ：哦，好呀，我會準時出現。

　男同學：同埋想問妳呢，有無小學時影落既校園相？

　Ｐ　Ｐ：唔……無喎，不嬲都好少影相……

　男同學：咁呀，唔緊要啦……（意欲講拜拜收線）

　Ｐ　Ｐ：咪住！你係邊個呀？＠＠＂（旁邊既ＩＣ發出爆笑聲）

　男同學：Ｅｒ……我係張ｘｘ呀！

　Ｐ　Ｐ：吓……（個腦ｌｏａｄ緊）哦～～好啦，聽日見，拜拜～

　男同學：拜……

　　哈哈哈哈，呢Ｄ對話，好有ＰＰ　ｓｔｙｌｅ～

　ＩＣ：妳隻野吖，唔知人地係邊個，又可以傾咁多野既？！仲要到收線至問「你係邊個」，真係俾妳激死。

　ＰＰ：哎呀～咁佢一打黎就一輪咀咁講，又無介紹自己，點怪得我喎……（一臉無辜相）

　　轉個頭，話都無咁快，「你係邊個」由身後傳黎……

　ＣＷ：（打電話返屋企）喂，我今晚唔返黎食啦……咦？妳係邊個呀？亞媽？哦，咁呀……總之我唔返黎食啦……嗯……拜拜。

　ＩＣ：ＣＷ，輪到你啦，「你係邊個」？

　ＣＷ：咁平時我媽都唔係屋企，係我老豆接電話，咁咪認唔出囉……真係連亞媽（把聲）都唔認得，哈哈哈！

　　大家話喇，田氏請既係咩人？

　　ＨＡＨＡＨＡＨＡＨＡＨＡＨＡＨＡＨＡＨＡＨＡ！！！

12:29
4 Jul 2009

點可以咁架

　　大老闆去完台灣返黎嚕～

　（趁老闆行左去廁所，岩返到公司既ＰＰ行過零食櫃）

　ＰＰ：咦？乜解救只得一盒手信既？（打開一睇）得個幾件，點夠分呀……（順手拎左件類似鳳梨酥既糕點返埋位）老細點可以咁架……（扁咀）

　ＪＨ＆ＩＣ：哈哈哈哈！

　ＪＨ：妳講野真得意～咩叫唔可以咁吖？（老闆入門）不如妳當面同佢講啦～

　ＰＰ：哎呀～Ｄ假紙係邊呀～要做ａｔｔｅｎｄａｎｃｅ啦～（老闆岩行過，ＰＰ扮無野）

　ＩＣ：哈！妳個妹釘吖！

　　ＸＤＤＤＤＤＤＤＤ

　　嘿嘿～童言無忌啦～

　　呢就係ＰＰ本色喇！

21:36
2 Jul 2009

PS 死肥佬今日串我, 我要同佢絕交! 豬生都係! 哼! 哼!

三‧三三不盡

　　三呀三，真係好有緣喎～

　　我係星期三出世。

　　我有個乳名係叫三千妹。

　　我有網名叫三色堇、三公子……

　　今日，ｂｒｅａｋ　ａ　ｎｅｗ　ｒｅｃｏｒｄ！唔止兩次，而係一星期內，我俾人放左三次飛機！無錯！係三次！而且係三日內的第二次……唉……

　　ＢＵＴ！

　　我好人屎，唔代表可以玩我一次又一次！

　　我容忍你，唔代表我唔介意被人忽視！

　　唔做朋友咪出聲囉，使唔使咁對人呀！Ｓｏ　ｃｈｅａｐ！

　　結果，今日下晝，烈日當空，白白出左一趟尖沙咀……

　　***

　　情緒失控，好抵唔住頸添……明明荷包乾硬化都仲……

　　行過Ｐａｒｋ　Ｌａｎｅ見到ｍｉ－ｔｕ開倉，忍唔住走左入去……又一個咁好彩，執到筍野！　　ＰＡＴＲＩＺＩＡ　ＰＥＰＥ既Ｇｌａｄｉａｔｏｒ高踭涼鞋！斷碼架～岩我著喎～最緊要係真皮Ｍａｄｅ　ｉｎ　Ｉｔａｌｙ，開針死～

　　原價係＄３３５０，大家估下減到幾錢，我諗都唔諗就買左佢呢？

　　***

　　心情似乎越黎越唔好，郁Ｄ都想喊！

　　但我真既乜都唔想講呢，我唔想人地覺得我好可憐，我唔需要人地既同情……

　　由得我啦，我夠硬淨既……都咁多年，我又咪係咁捱過黎……

01:36
1 Jul 2009

PS 唔覺唔覺, 我移民香港已足12年... 紀念日係6月29日.

放飛機

　　好囉，一星期內俾人放兩次飛機，堅過石堅～

　　結果為左填補個份失落感，豪食刺生做晚餐！

　　呢個補償就貴囉，等於兩三日既伙食……＝＿＝＂餘下既日子……咪……餓死罷就～

　　***

　　見人個陣扮無野，為左以好個面示人；但當得番自己一個時，係加倍既攰……開心既面具，唔易戴得穩啦……

　　好ｄｏｗｎ呀……

　　心情唔好時，個人會更加諗埋一邊，乜野都可以炒埋一碟，平日唔諗咁多架嘛……

　　例如今日咁呀，俾人放飛機……我就會諗：點解次次都係要我等左一輪至話「Ｓｏｒｒｙ呀，我唔得閒吖」咁既？細個嗰陣，屋企人係咁對我；以前拍拖，男朋友又係咁對我；依家連Ｄ朋友都係咁對我……點解我要等完又等？我唔值得人地關顧一下？望一眼咩？

　　我明，我知人地有苦衷，工作緊要，唯有犧牲我囉。但咁唔代表我既時間唔寶貴，可以任意俾人浪費……

　　可能就係我永遠都係度等人黎陪我，我理應習慣曬，Ｄ人就更加肆意咁要我等……好，習慣咪習慣囉，練就我咁獨立……

　　但諗諗下，乖又係要等，唔乖都係要等，咁我咁努力做好為乜呢？倒不如叛逆一Ｄ……

　　唉……

　　結果個腦咪好攰囉，唔知死幾多腦細胞呢？

22:33
29 Jun 2009

Burger Day

　　好…無…聊……呀！

　　成個週末都淨係食、訓同上網，無所事事。

　　呵～欠～

　　食飽乞眼訓添……＝＿＝＂

　　***

　　琴日就勁囉，中午食麥當當，夜晚就去某酒店既Ｎｅｗ　Ｙｏｒｋ餐廳食ｂｕｒｇｅｒ……

　　係呀，咪就係食足一日漢煲包囉！但兩餐既價錢係爭個零！＠＠＂

　　原來太美式既野，我唔係咁好……

　　想食小肥羊添……(一.一)"

　　***

　　星期五仲犀利！

　　開緊工個陣，ＩＣ媽個女打電話黎求救，話有數唔識計……

　ＩＣ：吓？妳搵ｄａｄｄｙ得唔得呀……唉……（ＩＣ媽係數痴）
　ＰＰ：咩數呀？（其實我都唔好得去邊，但爛好人鍾意八卦一番）
　ＩＣ：妳等等，我搵ＰＰ姐姐幫手……

　　結果……當然唔係我解決得到架啦！仲要搵埋ＪＨ幫手，三個八婆計兩條小五既數……

　「我ＰＰ真係小兒科，仲渣過Ｄ細路哥！」

　　唉……所以我唔做補習囉……

　　***

　　好囉～星期三七一係公眾假期～又會好得閒咁係屋企吽～

　　話時話，有無人會去七一遊行？

20:19
28 Jun 2009

PS 真罪過... 我無意慾出blog呀...