Yo~ 時間過得好很快，而我仍然好很懶。
🙈🙈🙈
我總覺得自己懶，若然戒甩懶呢樣陋習，我應該做飛機大炮都可以。
😆😆😆
***
Recall一下，我上篇blog entry係講年度目標嘅。而隨住時間嘅推移，無論你/妳/祢想唔想變都好，所有事情都會自不然地出現大大小小嘅變化，所以我嘅年度目標就梗係唔使問阿貴，變咗好L多⋯⋯
首先，做公務員啦喎，ACO同CA都全軍覆沒，所以我仍在努力嘅道路上，想今年達標，真係殊不簡單。正當我愁到不行，諗緊係咪堅要apply紀律部隊之際，上天又待我不薄咁開咗一扇窗，我竟然收到ASO嘅written test通知。所以，我又要努力一番了，fighting！！！（補充一點，我上年有apply SSII，但無份筆試，所以今年ASO反而有筆試，奇了怪了，明明ASO高過SSII好很多㗎喎🙉）
綠表居屋唔使指望了，點都唔會發生，我自己心裡有數就夠了。不過我有用個人白表抽今年嘅居屋，昨日入咗表，報名費又加咗價，丁頁，根本就係搶錢⋯⋯
大阪閨蜜友愛之旅completed~ 堅好感受到水草有幾咁愛我😘。其實我自己對於體唔體驗，真係唔多志在，我真係嗰種離遠望下就好嘅人。但水草為了我第一次去日本要有最多嘅體驗，佢真係出盡力推我去試多啲唔同嘅嘢😂。草呀，我真係好愛妳㗎，愛妳一萬年💖。
經過兩年嘅觀察期，我啲LSIL終於消褪，(暫時)唔使做手術啦，總算有一樣目標accomplished，yeah~✌
MacBook嘅自學成長計劃，呃⋯⋯ 零進展。😩
爛面問題，仍無咩改善⋯⋯ 我也快麻木無感覺了⋯⋯😭
減肥&操體能係一體過嘅目標，咁我去完日本都無肥到，目前係有從體重高峰回落咗dur dur嘅，而體能真係有提升，但去唔去得返30歲前嘅顛峰狀態，真係任務艱巨⋯⋯
斷舍離，屋企最近裝修，想唔想都焗住掉嘢，所以呢樣係有進展嘅，不過同志仍需努力。
其實我今年2月起，仲開始咗一樣長命功夫，係為父母做嘅，不累贅了。
***
我真嘅好感恩。
雖然我成日運氣都好背，雖然我一啲橫財都無，雖然我屋企人好西，但我仍感恩我有的。
我成日都覺得我在外，遇到好多人都對我好好㗎，就好似在彌補家人嘅不足。
反正呢，就好似係上天關咗度門，仍給我留一扇窗，總算會畀條生路我行下。
又所以啦喎，今日屋企收到一封信，係有關過渡性房屋嘅，似乎我哋合資格申請，就好似可憐我住得勁屈質勁唔自在一樣⋯⋯又儘管，實情我窮到真係拎唔出每月4千蚊租金，倘若有幸畀我申請又咁好彩抽中，我都恐怕無能力去住⋯⋯
前幾日，水草想問我借一兩千蚊週轉下還咭數，我話我好窮無錢呀，我每個月嘅咭數都唔夠錢還，個個月都好頭痕，我都要搵人借⋯⋯唉⋯⋯
我今年本應快樂一點，但一想到咭數，就快樂不起來了⋯⋯ 好鬼折墮⋯⋯
撐住，過多一排就好㗎啦、就好㗎啦⋯⋯
***
其實我成日都想打blog，但又同時好懶得打blog，所以想講嘅嘢，拖兩拖就無曬嚕。
😂😂😂
希望好快有下一篇blog entry。
(finger cross)
23:13
2 Aug 2023
