潘茜的口水站

Exhibitions (2)

2012-03-15T21:08:00.007+08:00

又係時候介紹下，黎緊有乜展覽好睇～（我最想睇第一個）

　　***

　　「梗有一隻喺左近」城市貓攝影展　　貓咪以生命力編織一個個動人的畫面，每天在城市的角落上演，精彩程度不亞於波瀾壯闊的湖光山色。攝影師葉漢華希望透過相片，讓大家了解城市貓的處境，反思如何在發展和保育之間取得平衡。

　　日期：３月１７至２２日
　　時間：０９００－２３００
　　地點：尖沙咀香港文化中心地下大堂
　　網址：http://www.streetcatfoto.hk/

　　***

　　「花非花」楊德銘個展　　楊德銘在花卉展捕捉的「花」與眾不同，曾經是攝影記者的他，在《花非花》系列拍下香港花卉展上遊人的裝束與活動，對他們的集體行為幽一把默之餘，又親筆題上多首有關花開花落的中國古典詩詞，藉此諷刺模仿繪畫的沙龍攝影把攝影藝術後退成傳統的作畫模式，揶揄沙龍攝影的陳腔濫調。

　　日期：即日至４月１４日
　　時間：１１００－１９００
　　地點：中環鴨巴甸街２４至２６號Ａ刺點畫廊
　　網址：http://www.blindspotgallery.com/

　　***

　　"WORTH A THOUSAND WORDS"陶傑畫展　　除了寫文章，陶傑那支筆原來還有繪畫之用，陶傑將首次以畫作與大眾分享他過去十多年的世界足跡，展出超過２５張風景油畫及素描作品，隨時勝過千言萬語。

　　日期：３月２０日至４月１日
　　時間：１１００－２１００
　　地點：海港城海洋中心二階２０７號舖「海港城‧美術館」
　　查詢：２１１８　８６６６

21:44
15 Mar 2012

笨實

2012-03-15T09:31:00.003+08:00

而我就係嗰個笨實喇，哈哈！＝＿＝”

　　我呢排幫亞哥拎佢個艾瘋手提充電器去整（琴日個手袋要咩住隻牛，重呀），有咩要情況要同佢交待，我都用Ｗｈａｔｓａｐｐ話佢知。

　　今朝亞哥問：

　「其實妳點解係公司都仲Ｗｈａｔｓａｐｐ我呢？呢排唔係ａｄｄ咗ＱＱ啦咩？做乜唔用ＱＱ，要Ｗｈａｔｓａｐｐ咁麻煩？」

　「＠＠！」

　　係喎……點解呢？點解我要咁辛苦用手機打字呢？？（明明我喜歡敲ｋｅｙｂｏｒａｄ多Ｄ）

　　我跟本就忘了有ＱＱ呢一回事……我日日返工開住個ＱＱ，但都只係擺係度，無用過架……

　　咁又其實，我要同亞哥ｔｅｘｔｉｎｇ，方法既，仲有ＳＭＳ（我地同台薯嘜通）。

　　真係豬兜囉，哈哈。

10:01
15 Mar 2012

點心

2012-03-14T23:33:00.004+08:00

嘩！近呢半年，真係食咗好多中式點心。

　　怕且成個九龍，最出名嗰五六七八間點心舖，我都食過囉。

　　今晚，食到去九龍城既譚點點心．甜品專門店。　　唔錯啦，不過無食到焦糖迷你蛋同綿花兔，唔抵姐ＸＤＤＤ

　　同埋發現九龍城有間打邊邊有泰式生蝦食，真係一次過滿足曬水草兩個願望。

　　不過唔該，千祈咪嗌我去……

　　想知係邊間？私底下問我，或留個言喇，我會解答大家。（唔幫人地賣廣告：Ｐ）

23:44
14 Mar 2012

PS again, 白色情人節快樂, 可惜我今日連半粒朱古力都未食過... 西蘭花亦都收唔到, 哈哈哈.

《每當變幻時》

2012-03-14T09:40:00.003+08:00

　　岩過去的星期日，我係屋企睇左《每當變幻時》。

　　齣戲好睇呀，但佢既內容，又真既好唏噓。

　　原來有時幸福，就係身邊，但一下子無捉住呢，咁就永遠錯過曬。（正宗擦身而過）

　　又有時，當下既決定，看似好正確，但原來長遠黎講，未必係最好既決定。

　　當下每一個決擇，都引導出下一秒，走向唔同既路。

　　同埋，「Miss」呢個字，真係玄妙。

　　一個未婚女子，好可能就係錯過左一段愛情，先至會變成單身。

　　你領唔領略到當中既意境？

　　呵呵～

10:00
14 Mar 2012

PS 噢, 原來今日係白色情人節, 祝大家節日快樂啦~

拐子佬出沒注意

2012-03-13T19:33:00.002+08:00

真倡厥！全城人心惶惶！

　　今日我好落力咁ＳＭＳ或ＭＳＮ啲父母輩朋友，提醒佢哋要快快教育下自己既小朋友，以提防不法之徒！

　　大家都問，點解係香港小朋友呢？港孩較值錢麼？靚Ｄ醒目Ｄ？Ｍａｙｂｅ啦……

　　同埋，拐咁多細路黎做乜呢？

　迪：賣器官？

　芝：唔會啦，小朋友器官又唔岩大人用；用黎醫小朋友咩？大陸人又覺得嘥錢，病死咪生過件。中國人勝在繁殖力強。

　迪：打跛手手腳腳黎行乞！

　芝：呢樣似喇……Ｄ衰人真係無好死架！

　　又慘在，我識得既人，都係剛為人父母無幾多年既咋，Ｄ小朋友全部都未上小學，最易成為目標！大過十歲既，又較無吸引力（好似貓貓狗狗咁，過一歲都賣唔去，係要ＢＢ至得人歡喜）……新聞都話，Ｄ拐子佬專拐幼童喎！

　　***

　　愁。

20:53
13 Mar 2012

PS 白色情人節啦喎?

Evil Actually (2)

2012-03-10T17:15:00.003+08:00

嗱，今次我唔關我事架，我無ｉｎｔｅｎｔｉｏｎ咁做架。＠＿＠

　　今朝係ｏｆｆｉｃｅ同死肥佬ＭＳＮ，講講下講到去小飛俠阿童木；再講講下，佢同我曬佢儲埋咗幾多隻小飛俠阿童木ｆｉｇｕｒｅ，；再講講下，佢問我送佢隻小飛俠阿童木係邊樹買？

　「Ｙａｈｏｏ！　Ａｕｃｔｉｏｎ囉～」

　　轉個頭，死肥佬就上咗Ｙａｈｏｏ！拍賣搜尋小飛俠阿童木既精品了。

　　結果，呢條粉腸就成朝乜都唔做，只掛住係拍賣網度喪落ｂｉｄ（不過佢又唔夠分ｂｉｄ，哈哈，爆笑）！

　「咪咁羞家啦，抹下你Ｄ口水先。俾下屬見到，笑死人架。」

　　佢仲口出狂言，怪我好荼毒佢！

　　喂，我又無迫你，係你自己上癮快過人，想一心破產既，唔通我要阻你吖？

　　佢仲神心到，一放工就去賣家間位於港島區既樓上舖掃小飛俠阿童木精品喎～

　　係咪呢，我一向都話呢個世界充滿美好既事物，只爭在你有無去發掘架姐。

　　願主保佑死肥佬個荷包，留返三兩千蚊黎請我食大餐，阿門。（佢話佢睇中４０件野，ｉｆ要一千蚊一件，咁我諗佢黎緊幾個月都會手頭好緊）

　　幸好，我最愛的卡通，精品少之又少，想敗身家咁儲都無得我儲姐～

17:28
10 Mar 2012

現代女性新三從四得

2012-03-10T10:17:00.003+08:00

自從係ＱＱ加入兩位阿嫂做好友後，多左好多野睇。

　　大嫂話：

　「現代女人三從四得。三從：從不溫柔，從不體貼，從不講理。四得：說不得，打不得，罵不得，惹不得。」

　　不愧為醫生，我大嫂真係太～有才華了，哈！哈！哈！

　　***

　　水草講得岩，我不該替別人想太多，尤其係我唔在乎既無謂人。

　　做好人，無著數架。

　　***

　　皮膚差到不能再忍，究竟係咪關我食避孕藥既事呢？

　　但人地唔係話輕劑量既荷爾蒙可以改善皮膚咩？但點解我好似越食越衰咁既＝＿＝？

　　好！我決定……停一排藥，當做係ｃｏｎｔｒｏｌ　ｔｅｓｔ，睇下究竟係咩影響到我自己先至得。

10:28
10 Mar 2012

PS 好忙好忙, 好多野...

天生一對

2012-03-09T09:29:00.003+08:00

潘師奶經常嫌棄潘老爺，但其佢地兩個既惡習都不相伯仲，絕對係天生一對。

　　今日神咁早，潘師奶煮落野就同潘老爺出左去食早餐。

　　＠＠”

　　當時我同亞哥都仲未起身，分分鐘一鑊熟，咁就一屋發現四具屍體了：兩人同兩龜。

　　女：叻啦妳，潘老爺就鐘意唔閂水喉，妳就鐘意唔熄火。

　　母：乜我有煲野咩？（又詐傻扮懵了……）

　　＝＿＝”

09:35
9 Mar 2012

Greenbox

2012-03-08T14:07:00.003+08:00

我唔係講緊以前唱Ｋ既Ｋ房，而係開有限公司既綠盒。

　　我今朝係Ｄｏｚｙ兄個ｂｌｏｇ度見佢講綠盒，我至知世上原來有樣咁既野，真算小妹孤陋寡聞喇，哈哈～

　　轉個頭，我走去問死肥佬，好彩佢答到我既無聊問題。（佢幫公司開過幾間公司，實知卦，Ｉ　ｇｕｅｓｓ）

　　話時話，我做野咁多年，真係未見過又未聽過人地講起綠盒。Ｅｖｅｎ係田氏多年，又間唔中幫手影印Ｄ機密文件，都仲真既唔知世上有此一種盒子，嘿嘿。（我又唔見田氏立法律文件會有用鐵印，倒係大陸公司會用權威既紅色公章黎立稅務文件；而大陸田氏個公章，以前係我ｋｅｅｐ架，哈哈）

　　好啦，今日又增長左Ｄ知識，呵呵～

14:15
8 Mar 2012

PS 祝各位八婆節快樂~

PS2 祝mic mic生日快樂~

PS3 艾Pat3出啦~ 心思思添~ 不過無銀都係唔使諗, 係要諗都係換手機先啦, 屋企人對我部電話充滿冤氣了~ 重要關頭硬係搵唔到我~ XDDD

6個月

2012-03-07T17:17:00.004+08:00

原來我係瑞榮已做左半年，時間過得真係快。

　　***

　　我近來將ＭＳＮ個ｓｔａｔｕｓ改做「Ｓｗｉｎｇ來～Ｓｗｉｎｇ去～」。

　　網友們都話好得意，但其實除左得意之外，都仲有意思架。

　　我公司英文名叫Ｓｗｉｎｇ嘛，咁我每日勞勞碌碌咁返工放工，屋企公司兩邊走，咪就係「Ｓｗｉｎｇ來～Ｓｗｉｎｇ去～」囉～

　　***

　　吓，搞乜鬼呢，今星期都過左半啦，我又晚晚都１２點前上床覺覺豬，但都仲日日ｄａｍｎ　ｓｌｅｅｐｙ！＠＠”幸好返工夠忙，都仲撐得住，否則係公司訓著左就唔係咁好啦。

　　一個週末無訓好姐，睡眠債都唔使拖咁多日卦！Ｔｈｉｓ　ｗｅｅｋｅｎｄ仲要係長週，又少個機會補眠了……

　　咁睇黎，我不適宜係星期日編排早上有活動，呵呵。

　　***

　　好嬲，屋企已超過３日上唔到網啦！！！

　　以前用ＰＣＣＷ又係成日斷線，依家用和記又係咁，無間供應商係掂既！

　　月費又識得收足，但服務又唔俾足，真想叫佢回水！哼！哼哼！！哼哼哼！！！

　　不能上網的電腦，形同廢鐵。＝＿＝”

17:28
7 Mar 2012

PS 水草今個月生日呀~ 記得要痴下佢D membership生日月優惠先~ XD (明明窮, 有錢買咩? 無架... 咁借住先囉, 趁平買必需既野嘛.)

斷線 (Updated)

2012-03-06T09:40:00.003+08:00

激死人啦！屋企上唔到網兩日啦！

　　仲搞到我上一篇ｂｌｏｇ，打打下窒左係度，岩岩先ｐｏｓｔ到出黎。＝＿＝”

　　***

　　行完山既腳痛，果然同跑完步既痛唔同，ｔｈｏｕｇｈ兩者都只係用腳（笑）。

　　行完山隔日，近後膝位置既小腿肌肉痛；跑完步則係近腳踝位置既小腿肌肉痛，哈哈。

　　***

　　哎呀，要買過對運動鞋，大家有無好介紹？

　　唔要Ｎｅｗ　Ｂａｌａｎｃｅ啦，想轉牌子，嘿～

　　***

　　忙真係好，再乞眼訓都會變得好精神，呵呵～

09:54
6 Mar 2012

行山後記

2012-03-04T19:11:00.005+08:00

　　無囉無囉，我對運動鞋無囉。

　　估唔到行一次山姐，竟然要報銷一對鞋，未免太誇張了吧。＝＿＝＂

　　雖則我係好想換過對跑鞋，但都唔該唔好係我咁死窮既日子，黎迫我買野至得架！！！我仲想要跑步架！但無鞋跑了……（淚）

　　***

　　我今日真係好眼訓，都怪琴日無訓晏覺，而呢兩朝又要早起喎，結果ｐａｔ　ｐａｔ一掂到張凳就釣魚，行路就腳浮浮。

　　我地先由大埔烏蛟騰村出街，行３公里到沙頭角三椏村，ｔｈｅｎ繞過座唔知咩山回程，終點去返烏蛟騰村。

　　的確，唔落雨又無太陽係氣溫宜人既，但可惜濕度好高，山路好很爛，跣腳到爆。明明只係三粒星（最高五粒）難度既路線，當堂難行了。

　　死人小春（同我最熟的消防總隊目，係我以前考消防安全大使既導師）仲係上山嗰陣問我做乜唔講野？

　芝：仲講野，抖唔到氣啦！（樹林內好鬼焗）

　春：哎呀，咁講下野分散注意力，無咁辛苦架～

　芝（斜睨住佢，粒聲唔出，真係無氣了。）……

　　痴鬼線！仲要分散注意力，唔該俾我集中精神仲好過……＠＠＂要小心腳下就真，泥濘同牛屎都一樣咁多！行三呎見一陀牛屎，行六呎就一片泥濘路，跣到人攤攤腰。

　　所以一路上有咩風光，我都唔得閒睇，結果一張相都無影過。我無跣落地，已阿彌吉帝啦。

　　最後５點鐘去食盆菜～（我好似次次食盆菜都係同消防員去……＠＠）

　　總結：好後悔今日參加咗呢個運動。仲俾我再一次見識到Ｄ九十後Ｚ世代，有幾咁不知所謂，ｗｏｒｓｅ　ｔｈａｎ八十後，認真犀利兼誇啦啦。

　　***

　　唔……腳踭好痛，果然唔習慣著平底鞋。

20:04
4 Mar 2012

PS 正確黎講, 消防員唔係"行山", 係"跑山"至岩!!!

NATIO (Updated)

2012-03-03T22:17:00.034+08:00

　　其實呢，呢個牌子既ｓｋｉｎｃａｒｅ，係莎莎有得賣架，係香港唔算罕有。

　　呢個牌子一向都好經濟實惠，豬多金都有佢既ＳＨＥ　Ｃｒｉｔｉｑｕｅｓ：http://critiques.she.com/beauty/tags-products.php?tag_id=239&tag=natio&page=0

　　不過我未開黎用既ｓｋｉｎｃａｒｅ存貨太多，暫時都用唔到去，無法寫用家報告……住。

　　其實，我用緊既ｓｋｉｎｃａｒｅ牌子又何其多呢……至少用緊３　ｓｅｔｓ。 ^ ^"

　　反正都係，不如談談我近來用緊Ｄ乜護膚產品。（只講塊面既日常護理好喇，特別護理同全身既話，幾日幾夜都講唔完）

　（我一再強調，雖則我既野多，但我肯俾既錢都好少，我只會係鞋上面花大錢，衫同護膚品都好平價既咋。）

　　***

　‧＠Ｎｉｇｈｔ‧

　　夜晚洗面我比較濫，用緊既產品有四枝：　　最常用係呢枝Ｏ’ｓｌｅｅ既Ｒｏｓｅｈｉｐ　Ｃｌｅａｎｓｉｎｇ　Ｐｏｗｄｅｒ。其實佢係贈品黎既咋，有成３０ｇ咁多，好鬼禁用，用咗幾個月都仲有四分三係度。我幾鐘意呢隻ｒｏｓｅｈｉｐ既香味。　　第二常用，係我擁護咗好多年既牌子：英國ｓｉｍｐｌｅ！又係好廉價既牌子，但佢無色無味防敏，好多人會覺得用咗佢好似無用過咁，其實咁正係佢有效既現象，即佢好溫和，好配合到人既膚質狀況，最適宜肌膚唔穩定既日子用佢。而且佢真真真既好平，仲想有幾大期望呢？不過可惜香港好少有佢既產品，係佢既祖國就產品種類好豐富。　　　　貪新鮮買黎試下既產品（其實凡開架品牌有新野推出，我都會做白老鼠買黎試下，反正開架品牌都好平，ｏｋ啦），Ｐｏｎｄ’ｓ潔面泡面。又係無乜大不了既野，不過適宜我偷懶或好攰嗰日，唔想花時間係起泡上，會偷雞用佢囉，一唧出黎就係ｆｏａｍ，方便嘛～（我平日洗面會用ｆａｃｉａｌ　ｓｐｏｎｇｅ黎將Ｄ　ｃｌｅａｎｓｅｒ起泡，齋用手起出黎既泡泡無咁ｒｉｃｈ，感覺上ｒｉｃｈ一Ｄ會洗得乾淨Ｄ）　　最後，又係Ｐｏｎｄ’ｓ，都係ｓａｍｐｌｅ，ｄｅｅｐ　ｃｌｅａｎ效果可期（洗完會好ｄｒｙ，咁仲唔係夠曬ｄｅｅｐ　ｃｌｅａｎ？哈哈）。　　洗完面，ｔｏｎｅｒ會用ＺＡ抗衰老系列既Ｆｕｔｕｒｅ　Ｄｅｆｅｎｓｅ　Ｐｒｉｓｍｉｚｅｒ。年幾前開始驚自己踏入二十中，皮膚會開始衰老，ｓｏ開始係日常護膚當中加入一Ｄ　ａｎｔｉ－ａｇｉｎｇ既ｐｒｏｄｕｃｔｓ。又之前試過呢隻野既ｓａｍｐｌｅ效果好唔錯，於是乎買咗枝大既返黎用。不過長期用開，用到依家就黎用完，我又覺得無乜出色，睇黎都差不多係時候另覓一枝心水ｔｏｎｅｒ。　　眼霜都係ＺＡ既產品，係Ｆｕｔｕｒｅ　Ｄｅｆｅｎｓｅ　Ｗｒｉｎｋｌｅ　Ｍｉｎｉｍｉｚｅｒ，好驚對眼最先出賣我既年齡秘密，所以都係用抗衰老既ｌｉｎｅ。不過我成世人大大話話用咗Ｎ咁多隻眼霜，都唔覺有邊隻係令我覺得滿意架。可能我一向無眼袋，故收袋既功效對我黎講係多鬼餘既，我只希望淡化我既黑眼圈姐。又唔知係咪我既眼黑眼問題唔夠嚴重，所以用乜產品都無乜效呢？＿？　　粗華就用緊美國野，ｓｅｌｌ無色無香防過敏，Ｃｌｉｎｅｌｌｅ既Ｂｒｉｇｈｔｅｎｉｎｇ　Ｓｅｒｕｍ。其實我又唔係好恨要美白，又唔知點解會買美白精華黎用，哈哈哈。不過我記得好似係貪佢買ｓｅｔ裝平，連埋枝ｍｏｉｓｔｕｒｉｚｅｒ只係二百零蚊。　　Ｍｏｉｓｔｕｒｉｚｅｒ？知唔就係Ｃｌｉｎｅｌｌｅ架囉，補濕效果普普通通，ｎｏｔ　ｂａｄ　ｎｏｔ　ｇｒｅａｓｙ。　　搽完補濕，我仲會係鼻翼兩側，重點搽收毛孔既精華（Ｏｒｂｉｓ既ｐｏｒｅ　ｚｏｎｅ　ｃｏｎｔｒｏｌ　ｅｓｓｅｎｃｅ，Ｏｒｂｉｓ係我繼Ｌ’Ｏｒｅａｌ　Ｐａｒｉｓ後一個絕對唔會再買既牌子，又貴又廢，仲衰過Ｆａｎｃｌ .\/.）。可能係我細個唔識野，用得碧柔既黑頭鼻貼多，扯傷曬鼻翼既皮膚，搞到毛孔好粗大，所以要諗辦法收返佢。但可惜，暫時都唔知有乜產品可以幫到我。目前呢枝係買左返黎，明知無效但又唔想嘥錢而ｋｅｅｐ住用，要用曬為止。　　咪以為晚間護理咁就完結，仲有頸霜！無錯，就係頸霜喇～頸部真係好易出賣年齡，而且鬆馳既頸部會好易有雙下巴，俾人感覺好肥，所以頸霜係絕對唔少得，搽頸霜有助收緊同去頸紋。其實我之前係用泰國Ｇｉｆｆａｒｉｎｅ既頸霜（頗貴），唔知係咪我成日唔記得搽，有一日用無一日用咁，見唔到咩效果。用咗Ｌ’Ｏｒｅａｌ呢枝兩個星期左右（其他搽上面既Ｌ’Ｏｒｅａｌ野，就真係唔敢再用，太多酒精，用得多會過敏，好驚），幫我收咗雙下巴，成個下顎ｆｉｒｍ曬。（其實都唔肯定係佢有效定我自己既按摩手勢有效，呵～）

　‧＠Ｄａｙ‧

　　朝早用既ｓｋｉｎｃａｒｅ，同夜晚完全唔同。　　查實我Ｄ皮膚並唔係咁中性，自問有Ｄ偏乾。所以朝早唔會用ｃｌｅａｎｓｅｒ洗面，齋用清水。又雖則無用ｃｌｅａｎｓｅｒ，但依然會用ｔｏｎｅｒ，諗住咁樣保濕好Ｄ，亦有助吸收之後搽上面既野。呢枝係韓國既Ｐｕｒｅ　Ｂｅａｕｔｙ　Ｓｕｐｅｒ　Ｂｒｉｇｈｔｅｎｉｎｇ　Ｔｏｎｅｒ（嗯，又係美白，明明我唔需要，但又偏偏係佢！無法啦，市面上所有既護膚品，基本上必有幾條ｌｉｎｅｓ：１）補濕；２）美白；３）抗衰老，頭兩樣己係護膚品既鐵膽。然而，其實所有護膚品都有油性，或多或少都有補濕既效果，ｓｏ同樣價錢只單買一樣保濕功效既產品，係好唔抵既事情！數口精如我，又點會咁做呢，梗係買多Ｄ功能既產品啦ＸＤ），由屈人寺獨家代理。連我呢類喜歡ｓｋｉｎｃａｒｅ有Ｄ香味既人，都覺得佢香味濃烈得滯，咁怕且都無乜人接受得到佢。又係無乜特別囉，用完就算，唔會追買。　　Ｅｙｅ　ｃａｒｅ用Ｔｈｅ　Ｂｏｄｙ　Ｓｈｏｐ既Ｎａｔｒｕｌｉｆｔ　Ｒｅｆｒｅｓｈｉｎｇ　Ｅｙｅ　Ｒｏｌｌ－Ｏｎ。雖已用就黎幾個月，但真係無ｃｏｍｍｅｎｔ俾佢，無乜特別，只係貴囉，成３００蚊枝。　　　　精華：Ｏ’ｓｌｅｅ架囉，話收毛孔，咁咪買黎一試囉（又係開架品牌，好平）。但其實毛孔唔清乾淨，收乜都無用。而世上唯一有效清除毛孔入邊Ｄ污糟野既方法，並非化學性，而係物理性，即係針清……Ａｎｙｗａｙ，用住先囉，遲下再搵第二Ｄ產品再試過，呵呵。　　日間補濕係屈人寺既自家品牌，骨膠原系列，ｇｅｌ狀。日頭喜歡用清爽Ｄ既產品，明知ｇｅｌ既補濕力不足，但都依然ｐｒｅｆｅｒ用ｇｅｌ。而何解會係屈人寺牌？買野時為了湊夠數有折，隨便買架囉，哈哈。　　最後，係Ｔ　ｚｏｎｅ搽Ｏｒｂｉｓ既控油精華。唔使問亞貴，佢梗係廢溜溜架啦，Ｏｒｂｉｓ喎，邊有好野。又係買咗唔用覺得嘥，唯有死死地氣用曬佢為止。

　　***

　　上述講既只係比較常用既野，仲有好多ｃｒｅａｍ開咗擺係度，突然心血來潮至會用一用，呵呵。

　　其實呢兩日夜晚改用法國Ｖｉｃｈｙ既油脂調護系列ｓａｍｐｌｅｓ。回南天好ｌｕｐ，連皮膚都變得不穩定，開始冒緊Ｄ粒粒出黎，就想試下用Ｖｉｃｈｙ喇。

　　我以前都有段時間係用Ｖｉｃｈｙ既溫泉礦物保濕系列，覺得呢個牌子唔錯，但同時佢亦唔算平（最貴既產品會去到四至六百蚊咁既水平），係開架品牌既一線產品呢！

　　或者大家都已察覺，我用既野雜亂無章。係呀，但都無法啦，都怪自己成日手痕，行過萬寧屈臣氏會忍唔住買護膚品，結果搞到乜都有Ｄ，全部唔係同一個牌子、唔係同一條ｌｉｎｅ……

　　希望等到我清曬目前既ｓｋｉｎｃａｒｅ儲備後，可以集中用同一個牌子既野啦。（但目前儲備，夠我用成年＝＿＝＂）

　　***

　　其實近來好煩惱面上既一撻傷痕，一直唔埋口；好難結到既焦，會係洗個面時浸軟咗塊蕉而甩，又或唔一個唔小心揩到，就會痛苦地捽咗塊焦……

　　肉酸就不在話下，傷口已因多次甩焦而變到好紅，好深，好痕，好痛，有時仲滲膿添……！！＠＠＂

　　我已可以肯定，ｅｖｅｎ他朝邊日埋到口，塊焦可以捱到自動甩為止，都絕對會留低疤痕，唉唉唉……

　　天呀……有乜計解救呢……

00:33
4 Mar 2012

百四蚊一碗牛腩粉 (Updated)

2012-03-03T17:50:00.012+08:00

九記牛腩，我真係未聽過。（九記係港島區喎，真咪使旨意我會特登過海覓食，有專車接送又唔同ＸＤ）

　　可能我唔係特別鐘意食牛腩，所以無留意啦。（鳥燒我會留意多Ｄ，哈哈）

　　不過食三碗河粉，除咗埋單要９０蚊外，另加牛肉乾一張盛惠＄３２０。

　　果然名不虛傳，成百四蚊一碗牛腩粉，係咪特別好味我就唔知，但就肯定係特別貴，哈哈哈。

　　***

　　我今日做乜走去中環？

　　大鄉里出省囉，係香港住咗十幾年，第一次踏足歌賦街嗰頭。

　　其實係同死肥佬去睇ｅｘｈｉｂｉｔｉｏｎ。（全場最吸引我既，除咗嗰成個「凸」咁既「四」字之外，就真係嗰狗仔剪影呢，哈哈哈）

　　睇睇下，從玻璃倒影中見到個人走咗入黎，身影熟口熟面，我即刻全身僵硬！

　　慢慢擰一擰個頭，用眼尾瞄過去……

　　呼，好彩，認錯人姐。＝＿＝＂（仇家太多，哎哎哎。）

　　離開ｇａｌｌｅｒｙ時，見到架Alfa Romeo Giulietta Spider（ｏｐｅｎ　ｔｏｐ　ｇａ　ｌｅｉ）！！！仲係紅色添！！！！！＠＠＂

　　照片同模型就見得多，真車真係第一次見～！！不過我唔知佢係邊一年既款，呵呵呵。（我離開田氏嗰陣，公司搞緊Giulietta Spider既ｐｒｏｊｅｃｔ，所以認識呢一款車。）

　　***

　　今日九龍比港島區還塞車。困係架Ａｕｄｉ　Ｑ７入邊足足粒幾鐘。

　　不過，明明車身咁高，點解一Ｄ都唔好坐既，我坐到有Ｄ腰骨痛…… ~"~

　　真係要講一句：占占老爺架福士好坐Ｄ。

　　一"一

　　***

　　一出糧，扣呢扣路、還呢還路之後，又糧尾……

　　黎緊要一千蚊使３０日，唉唉唉。

　　政府嗰六千蚊，我仲未攞。但要攞，亦唔係即時到手，ｓｉｇｈ。

　　不過，購物既慾望，永不熄滅，ｗａｋａｋａｋａｋａ！　　嘻嘻～天氣都未回暖，但我今日已手痕，哈哈哈～

　　Ｙｅａｈ～Ｒｏｘｙ既ｂｉｋｉｎｉ～上身可以雙面著架～好抵呀～

　　無可否認，除咗鞋、手袋、衫、香水之外，我仲好鐘意買泳衣（近年新興既嗜好），呵呵呵～

　　***

　　有人問我聽日去邊行山？

　　答：大埔烏蛟騰

18:35
3 Mar 2012

PS 懶呀, 泳衣既另一邊唔影啦.

PS2 蝕咗! 「海岸線」——張曉個展仲加好睇, 大國海岸攝影展呢! 係鴨巴甸街24-26A, 好近太平山街既咋...

重慶無森林

2012-03-02T10:04:00.002+08:00

我知我知，《重慶森林》係王家衛既電影，講既係尖咀重慶大廈……

　　我搞下ｇａｇ唔得既。＝＿＝

　　咁我鄉下班親友，年年都係大地回春既４月去旅行架啦，今年話去重慶嘛。

　　４月，我又諗起Ａｕｎｔｉｅ鳳儀……嗚嗚……（參考：《人生無常》

　　***

　　好眼訓……

　　呢兩晚都掛住用手機打機（低能ｇａｍｅ），玩到成１點至訓，真～唔健康。

10:18
2 Mar 2012

PS Yeah~! 今星期短週~

每日一電

2012-03-01T22:21:00.002+08:00

自後手機上網後，每日用一舊電，消耗量激增７倍！！！

　　哎呀，以前一舊電，用足成個禮拜架，哈哈哈。

　　***

　　ＭＳＮ神神地，有人見唔到我ｏｎｌｉｎｅ，又有人見我ｏｎ足２４小時……

　　神經病！

　　***

　　今個星期日同消防員去行山～Ｙｅａｈ～

　　我好似……從未行過山……

　　噢，其實我無鞋適宜行山，怎辦？＿？

　　有時間買，但我又無錢買。而且，無理由為左一次而買對平日絕少會著既運動鞋架？

　　同埋，波鞋真係貴過高踭鞋好多好多囉。一對好Ｄ既波鞋要成千蚊，買到對真皮長ｂｏｏｔｓ啦！

　　嗯，我只識計呢Ｄ數，哈哈哈。

22:27
1 Mar 2012

無聊Whatsapp

2012-02-29T21:43:00.005+08:00

　　白痴！

　　***

　　唔……４月去唔成宿霧，咁不如去重慶睇森林呀～ ^ ^

　　之不過，琴日有單新聞，話重慶有架旅遊巴衝咗落山，二十幾死傷……

　兄：嘩！咁唔去嚕～

　　＝＿＝＂

　　***

　　不如意，雖係十常八九，但呢Ｄ不如意多係人為既，我條氣就好唔順！

　　成班柴娃娃，不知所謂。

　　***

　　哎呀！好掛住田氏班舊同事呀！

　　同以前班同事好好傾、好鬼ｆｄ，依家真係搵唔返呢種關係，嗚嗚嗚……

　　不過我都要感恩，至少都叫擁有過，有過好寶貴難忘既經驗。

　　無所謂啦，Ｉ　ｃａｎ　ｓｕｒｖｉｖｅ，做好本份咪算。

　（其實無感情仲好，唔使留戀；之前係田氏話要走，都不知幾掙扎，因為好喜歡班同事呢！我知第日未必搵得返咁融洽既同事關係。Ｔｈａｎｋｓ　Ｇｏｄ　ｌｏｒ～）

22:09
29 Feb 2012

PS 四年一次, 拜拜~

PS 好)) 窮))) 呀)))) 今星期日日中午都要自己俾錢開飯... (淚)

黑爆

2012-02-27T11:24:00.004+08:00

今日好難做人……

　　***

　‧４：４１ａｍ‧

　　大廈警鐘響起。頭一次長響了兩分鐘，然後間歇再響左６次，每次１０秒至１分鐘。

　　警鐘響了第四次之後，就聽到消防車聲越黎越近。

　　全家只得我爬起身開大門望望發生咩事，而其實，走廊又好鬼平靜，除左個警鐘嘈冤巴閉之外。

　　隨後，梗係爬返上床大覺訓啦，好攰呀，大佬！

　　直到今朝，潘師奶向看更打聽，話數小時前無事發生，只係有人搞事打爛塊警鐘玻璃……

　　＆＊︿＄＆％＊︿（＃％＊（

　　都唔知Ｄ看更做乜既，清晨時分都幾無幾多人出入架啦，咁都認唔出Ｄ生寶人？

　　唉！

　　***

　‧８：４０ａｍ‧

　　上左地鐵，但係深水ＰＯ與太子站之間塞左５分鐘……

　　挑！早出門反而仲弊！雖則未入閘時已聽到廣播話荃灣線向荃灣方向既訊號發生故障；但大佬呀，我唔係去荃灣，我係去中環方向姐，你俾我走啦。＠＠”

　　塞係ｏｎ　ｔｈｅ　ｗａｙ　ｔｏ太子站時，廣播又話：尖沙咀站訊號發生故障……

　　＆＊︿＄＆％＊︿（＃％＊（

　　搞搞下，我成９ａｍ至可以係太子站轉線往觀塘方向。

　‧９：２２ａｍ‧

　「Ｊｉｐ…」

　「Ｊｉｐ……Ｊｉｐ……」

　　整個車廂都充斥住乘客們不耐煩既「Ｊｉｐ」「Ｊｉｐ」聲。

　　天呀！我地係鑽石山站塞左差不多３個字啦！！！而車站廣播又只一味話唔好意思要延誤，但又無解釋原因，令人更加火滾！

　‧９：２５ａｍ‧

　　好囉，終於開車啦，ｂｕｔ……真係好景不常。

　　點會有Ｄ咁既人架，係鑽石山停咁耐唔講唔舒服，班車一開出就禁鐘話唔舒服，結果就要係彩虹站塞多５分鐘。

　　亞大佬呀，你唔舒服唔係0.000000001秒間發生卦？早半秒講使死咩！成車人陪你等，好啦，個個都遲大到！！！

　‧９：３７ａｍ‧

　　千辛萬苦地到左牛頭角站，準備出閘，啪咭……

　　妖！我前面個人個背囊條帶ｋｉｃｋ到枝轉閘棍，我岩好啪左咭架啦，變相佢一個人出左兩張八達通咭既份，我要去客務服務中心求救。

　　＆＊︿＄＆％＊︿（＃％＊（

　　咁樣俾佢搞一搞，我又唔見１０分鐘。＞”＜

　　***

　　Ａｆｔｅｒ　ａｌｌ，恭喜ＰＰ，最終趕及１０ａｍ前返到公司。

　　都比同樣搭地鐵既ＪＣ早４分鐘返到去。

　　今日黑仔既程度，無野好講，ｎｏ　ｃｏｍｍｅｎｔ。

　　我投降就係啦，嗚嗚嗚嗚））））））

11:57
27 Feb 2012

OT的日子

2012-02-26T00:46:00.004+08:00

ＯＴ都無乜問題姐。

　　今星期，返工６日，６日都ＯＴ，仲每日Ｏ至少一粒鐘。

　　咁忙都幾好吖，時間過得特別快，事關都唔夠用至要Ｏ姐，係咪？哈哈～

　　琴晚做到８點幾都仲勁ｓｅｎｄ　ｅｍａｉｌｓ出去，做到太子女ＳＭＳ我：夠鐘收工啦！

　　哎呀，咁我放工係屋企都無所事事，不如處理公事～（我當然唔會用呢句黎覆人，免得嚇親人）

　　ＸＤＤＤＤ

　　***

　　喔～潘師奶知道咗亞哥有女朋友啦。

　　佢既反應，一如我所料，所以我知都唔想早講。況且，梗係由當事人把口講出黎至最恰當。

　　今晚，唔使問亞貴，我哥又係例牌返咗深圳啦，已係第四個週末啦！真替佢肉赤……

　　***

　　早排同屋企人閒話家常之際，潘師奶興高采烈的話有好野益我。

　　嗯哼？我聞到點不詳既氣味……

　母：喂，記唔記得廣熙呀？

　女：嗯……（編按：我細個係大陸既家庭醫生個細仔）

　母：我前幾日去探珍姨時，講起仔女有無拍拖，廣熙都係度，仲話可以諗得過掇合你地。

　女：吓……（ｌｏｏｋ大對眼）

　哥：佢依家做咩架？

　母：人地大學讀電腦，依家做ＩＴ囉，都搵成六七千蚊人仔一個月架。

　哥：嘩！！！係深圳黎講，好多啦喎！

　母：點止，人又靚仔，又幾高大。

　女：有幾高先？（唔知點解，我總係不其然地在乎身高問題，可能我矮人自卑）

　母：哎呀，都幾高架！Ｅｒ……都有亞凡（我哥係香港既頭號好友）咁高。

　女：噗！咁都叫高！亞凡都無亞哥咁高，佢頂多高我兩吋咋喎！我著高踭鞋都一定高過佢啦！亞哥得168cm都矮模模啦，若然好似亞凡咁，高個屁！

　哥：哈哈哈哈哈哈哈哈哈！（笑得人仰馬翻）

　母：啊……乜係咁咩……（潘師奶絕招：扮傻）

　　真係俾佢激死。＝＿＝＂

　　***

　　珍姨係我救命恩人黎架，無佢，我根本就出唔到世。（編按：無聊芝係超生兒童，如欲了解更多，請看《三‧三不盡》及《金田三》）

　　廣熙就好多年都無見過佢啦。都係細個時，跟住亞媽尾去探珍姨時，至會見到廣熙。計落，我地都可算係青梅捉馬既，小朋友玩起上黎，梗係埋曬堆。但又其實唔係見得多，亦唔係熟。

　　不過我都記得，廣熙細細個都好靚仔，唔知大個咗會變成點呢？呵呵。

　　既然講到廣熙係細仔，佢對上當然仲有人啦。佢有一個哥，叫廣俊（唔ｓｕｒｅ係咪呢個「俊」）。

　　嗱嗱嗱，大家咪咁快將韓劇既劇情擺係我身上，絕對無機會發生兄弟爭女既情況。

　　真係講到要結婚既話（當然目前係無咁既可能），佢哥哥係需要ｔａｋｅ　ｉｎｔｏ　ｃｏｎｓｉｄｅｒａｔｉｏｎ。

　　廣俊細細個有小兒麻痺症，好彩醫得返，肢體無乜受到大影響，但腦部受損，有輕度智障。

　　咁唔使我多講，大家都明啦。廣俊會係廣熙既包袱，佢要照顧佢亞哥過世架。做王家新抱，邊有咁易。

　　***

　　為咗捍衛個髮型，除咗髮廊用既專業風筒之後，我連風罩都買埋。＝＿＝ｖ

　　其實我個頭呢，耳仔對上既頭髮做咗負離子，耳仔以下既就電攣。Ｓｏ，吹唔同部位既頭髮，要用不同風力既風筒……

　　風力太強會吹直Ｄ頭髮，最好配風罩，咁有助ｋｅｅｐ住頭髮攣攣。髮尾解決，但頭頂呢？咪用風力弱既舊風筒囉。

　　搞咁多野，洗完頭我要吹３０至４０分鐘咁耐囉！都唔明Ｄ人邊可能朝早洗頭出門架，朝早時間都唔夠用架啦，仲吹到頭咩？我寧願夜晚洗頭，最多第二日個髮型無咁好睇，但可以訓多Ｄ。

　　有Ｄ懷念直髮既日子，吹頭好簡單快捷。

　　***

　　我個大風筒配埋個風罩，買咗差不多四百蚊。

　　為了靚靚，我唔化妝都要使唔少錢，真唔敢諗ｉｆ我要化妝既，每個月開支會多幾多！

　　又查實，我雖然愛靚，但又仲未開始去美容院做ｆａｃｉａｌ喎～

　　但又眼見身邊Ｄ八十後女生，個個都有幫襯美容院，咁我係太ｏｕｔ、太窮、定太孤寒了？

02:00
26 Feb 2012

藍罐曲奇

2012-02-24T09:37:00.002+08:00

「送禮梗係要送藍罐曲奇！」

　　呢句耳熟能詳既廣告ｓｌｏｇａｎ，真係荼毒左好多香港人！

　　＞＿＜

　　但我好想問，有幾多香港人鐘意食藍罐曲奇呢？？

　　依我觀察，我身邊所認識既人，係零個人鐘意食藍罐曲奇……

　　喂！都無人會食既，咁你送黎做乜？！

　　一＿一"

　　琴日，我Ｄ同事話……

　「藍罐曲奇？唔鐘意喎～」

　「我最憎藍罐曲奇！」

　　噢！十足十我既口吻，哈哈哈。

　　統計過了：我屋企有一盒大藍罐曲奇；我公司有一盒中藍罐曲奇；我哥公司有三盒藍罐曲奇，其中最細盒既朱古力味藍罐曲奇俾人消滅左了。

　　之但係咁，會食佢，並唔係因為佢係藍罐曲奇，而只係因為佢有朱古力味。哈！哈！哈！

　　***

　　今早返工前，特意走去星巴克拎Ｍｏｃｈａ飲。多謝死肥佬（張換領卷）。

　（我見到有隻白底印綠色星巴克ｌｏｇｏ既瓦杯，好似有耳仔的外賣紙杯呢，都好睇喎～）

　　琴晚夜左訓，今朝適宜飲ｃｏｆｆｅｅ。

　　落ｏｒｄｅｒ時，我話我要Ｍｏｃｈａ　ｗｉｔｈ　ｓｋｉｍｍｅｄ　ｍｉｌｋ。服務員即刻問我「咁小姐您仲要唔要ｃｒｅａｍ？」

　「要～」諗都唔使諗就答左出黎～ＸＤＤＤＤ

　　我記得邦邦話過，我咁係自欺欺人。

　　耶～我鐘意咁呀～咪理～

　　***

　　呢排返工好忙，ＯＴ多，唔係就做唔切了！

　　＠＠”

09:56
24 Feb 2012

農曆二月

2012-02-22T09:44:00.002+08:00

噢，正月就此離我而去了……

　　嗚……我既利是……

　　***

　　電髮後，琴晚終於洗第一次頭了。

　　嘩！頭髮長度並無短太多，但髮量就少左勁多！

　　使唔使偷咁薄呀……＠＠”不再豐盈，唔鐘意！

　　***

　　嘩～背脊既泳衣褪左八九成啦～

　　原本有打算４月再曬過，但唔成事嚕～慳返～

10:07
22 Feb 2012

New Look

2012-02-18T23:16:00.004+08:00

狠下了心，電！　　咩ｎｅｗ　ｌｏｏｋ……其實又咪同我對上ｌａｓｔ一次電攣個髮型一鬼樣，了無新意，都唔知有乜唔同……上一次攣髮ｌｏｏｋ，已係２００６年既事啦……（０６年係我目前人生中第二黑暗既一年，第一黑暗係童年好細個嗰陣……）

　　我原本想３月至整頭架，事關今個月一早就糧尾。但又考慮到３月已回暖，到時電完髮，好難話幾日唔洗頭。Ｓｏ要電呢，都係要襯氣溫仲係１６度以下，咁至唔洗幾日頭都唔會頭臭失禮街坊嘛。

　　錢從何來……戶口禁穿咗啦，去到一個好耐無出現既低點，４位數變３位數，我成副身家得返５百蚊…… ~"~ 餘下日子要點過，我真係諗唔到野……（無啦無啦，唔使換電話啦，真係窮到褲穿窿！麻煩大家做下好心，未來１００日都唔好搵我出街/食飯，我真係無能力消費了。）

　　我今日真係過得好充實，全日在外跑，使左千三蚊（天呀，幾日人工呢）。先係１０ａｍ去郵局，跟住去洗牙，ａｎｄ　ｔｈｅｎ出旺角電髮，最後為咗閒車錢，由旺角行返屋企，返到屋企已係晚上７點幾……＠＠＂

　　頂唔住了，好眼訓。各位，晚安。

23:47
18 Feb 2012

2012-02-18T00:21:00.003+08:00

今晚，我終於的起心肝，係我部Ｎｏｋｉａ手機ｄｏｗｎｌｏａｄ　Ｗｈａｔｓａｐｐ。

　　Ｙｅａｈ～呵呵呵～

　　不過係用ｓ４０，唔方便囉……同埋限制要有Ｗｉｆｉ至用得……

　　我部Ｎｏｋｉａ係一咭兩號（唔係太多人知），無上網架。

　　***

　　今星期開始，返工好忙！＠＠＂

　　要接手別組的一個ｍａｉｎ　ｃｕｓｔｏｍｅｒ，好多野要由頭了解過，好煩好瑣碎。

　　同埋，我今日真係烏雅口！＞＿＜

　　呢頭同太子女講，好彩我地一向跟開個客無ｅｍａｉｌ黎……話口未完唔夠１粒鐘，即刻ｅｍａｉｌｓ到……

　　我暈啦……＠＠＂

00:28
18 Feb 2012

PS 屎屎細佬生日快樂~ 真係好大大大個仔啦~ ^3^
PS2 霞霞生日快樂~ 祝一日靚過一日, 要靚爆鏡~ ^3^

我想收禮

2012-02-15T16:05:00.003+08:00

有人送俾我就好嚕……

　　https://apps.wwf.org.hk/drtv/program/adopt.php?id=1&lang=2&paym=1&utm_campaign=drtv&utm_source=yahoo&utm_medium=banner&utm_content=tiger

20:59
15 Feb 2012

好擔心

2012-02-15T15:23:00.003+08:00

ＣＮＹ後的每個ｗｅｅｋｅｎｄ，我哥都會返深圳住一晚（星期六晚）。

　　‧有‧警‧轟‧

　　直到最近岩過去的一個週末，亞哥問我借ＤＣ，我就心裡起疑了……

　　到了星期一晚，唔記得講起咩啦，好似係我話佢無女吼，佢就ｓｈｏｗ艾瘋入面同女仔既合照俾我睇，示意佢有女朋友了……

　　大！檸！樂！真係俾我估中！

　　係女性角度黎諗，唔擔心就有鬼，對方係大陸人喎……大家可以話我戴有色眼鏡睇人，但防人之心不可無嘛！

　　點解我會起疑？好簡單姐……

　（一）我哥本身有大大部單反唔用，問我借傻瓜ＤＣ，咁即佢想輕裝上路，帶少Ｄ野，方便活動，咁怕且係約左人，有野反啦。

　（二）若果只係普通影相，其實艾瘋都夠用啦，但又要刻意帶多部ＤＣ，即係要追求一定既畫面質素；又要方便帶響身，又要畫面唔錯，咁即係有重要時刻直得影低留念啦。

　（三）仲要Ｃａｎｏｎ　ＤＣ唔揀，非要我借部Ｏｌｙｍｐｕｓ俾佢，無非貪後者既情景模式特別多，咁仲唔係有豐富節目；可能要去好多唔同既地方，仲分分要由朝玩到晚，情景模式唔多Ｄ，又邊夠影。

　（四）只係約左同性朋友既話，絕對無必要刻意影相留念啦，咁怕且都係約左異性囉……

　（五）雖則佢只係星期六一晚係深圳住，但星期日會拖到晏一晏至返香港！以前唔係咁架，星期日中午就返出黎……佢既行為模式變左……

　　Ｓｅｅ？

　　唉……唉唉唉……

　　驚佢俾人呃就固之然啦，我仲驚我哥花費多左係拍拖上，咁就無多餘錢俾我禁嘛！

　　一諗到呢度，我就好傷心了……（笑）

　　希望我既擔心係多餘架啦。

　（潘師奶未知呢件事）

15:44
15 Feb 2012

女人野

2012-02-14T20:48:00.004+08:00

男士們，呢一篇講女人野（生理），唔喜歡既，請ｓｋｉｐ勿看，謝謝。

　　***

　　唔覺唔覺，我食避孕藥，都有大半年了。

　　嗯，我食避孕藥一事，鮮有同人講，潘師奶都唔知。

　　唔係舊年上半年捱到無Ｍ黎兩個月，我都唔使ｒｅｓｉｇｎ，唔使去睇醫生，唔使配避孕藥黎食啦！＝＿＝＂（其實我都唔知係我暴瘦而無Ｍ黎，定壓力大到無Ｍ黎，又或者係壓力→暴瘦→無Ｍ黎，咁既ｃｉｒｃｕｍｓｔａｎｃｅｓ都未定）

　　醫生話咁既（無Ｍ黎）狀況，唯有食輕劑量ｈｏｒｍｏｎｅｓ，用人為方法去控制ｐｅｒｉｏｄ。

　　食藥後，有咩變化呀……

　　控制ｐｅｒｉｏｄ，就理所當然啦，２８日無多無少。但亦變相，令我既ｐｅｒｉｏｄ黎得密咗。

　　我過往既週期係平均３５日，一年只得十次（頂多十一次），依家就增加到一年十三次，都咪話個ｄｉｆｆｅｒｅｎｃｅ唔大……

　　食藥頭一個月，皮膚既變化好犀利，黑頭無曬，毛孔收曬，大大改善咗我既皮膚問題，ｕｎｂｅｌｉｅｖａｂｌｅ！但到咗第二個月，適應後，皮膚又變返以前咁……唓！

　　我係舊年８月開始食藥，同時亦係８月下旬至９月開始肥返，都唔知兩者有無關係嚕。＠＠＂（體重反彈至今，又徘徊返１２０ｌｂｓ，真係想死）

　　再露骨一點，流量方面……我原本既流量好少，食藥後就更加少，但咁又屬正常現象喎……因為有姊妹本身係多流量女生，食咗藥都變咗勁少量……

　　Ｐｅｒｉｏｄ已正常返，會唔會停藥？

　　唔……我目前手上仲有成１０排藥喎，俾咗錢，梗係食埋佢先啦……而且可以知道邊日黎Ｍ、做定準備，真係方便到不得了～唔使一到咁上下日子就心卦卦，ｖｅｒｙ　ｇｏｏｄ，ｈａｈａ～

　　Ｈｏｒｍｏｎｅｓ，真係太神奇了。

　　但又除此之外，舊年係大陸做野，仲成日飲「力保健」黎吊命……^ ^"

21:27
14 Feb 2012

情人節

2012-02-14T20:03:00.002+08:00

祝情人節唔快樂～～～

　　***

　　一如以往，我係無花收既，連一棵西蘭花都無，嘿嘿；不過ｏｆｆｉｃｅ都出現咗一扎花。

　　唔使問亞貴，梗係送俾靚靚太子女啦。佢會無花收既，我會跌眼鏡（又ｔｈｏｕｇｈ，我副眼鏡成日都跌，哈哈）囉～而且佢該唔止收一扎至岩～

　　但佢收嗰扎粉色玫瑰（全日竟然只得一扎），令我有Ｄ意外……

　　扎花，應該唔係佢男朋友送既。

　　我從何得知？

　（一）佢睇完張心意咭，即時反應係眼都凸埋，一臉噩然，咁即係表示佢唔ｅｘｐｅｃｔ會收到呢扎花；再正確Ｄ黎講，佢唔ｅｘｐｅｃｔ送花者係呢個人。

　（二）睇完張咭，佢就問我公司有無花樽……唔打算拎返屋企喎，咁即佢唔太珍惜呢扎花，唔重視送花者。

　（三）得知公司無花樽，求其放係ｃｏｎｆｅｒｅｎｃｅ　ｒｏｏｍ就算，又一次表示佢唔太珍惜呢扎花，唔重視送花者。

　（四）[呢點直頭話左我知，我既推測無錯]約莫ｔｅａ　ｔｉｍｅ時分，佢問我放工有無街去，無既，考唔考慮拎佢扎花返屋企……＝＿＝＂可以轉贈人既，點都唔係男朋友送啦卦……Ｂｕｔ，我屋企亦都無花樽，扎花唯有今晚獨守ｏｆｆｉｃｅ了，哈哈。

　（五）送花上ｏｆｆｉｃｅ呢種咁ａｇｇｒｅｓｓｉｖｅ既行為只為係追求者既手段，或者係女朋友迫出黎既舉動，又或者係個男人既女朋友勁貪慕虛榮，為滿足咁既女友而送，而呢三種情況，都唔太符合太子女既狀況。

　（六）就算係男朋友送，都無必要咁樣送法[送到ｏｆｆｉｃｅ]黎示威姐，太子女唔係咁既人；而且我知佢今晚該會同男朋友食飯，咁男朋友係要送，都當面送啦，唔通仲要個女朋友拎住扎咁重既花出街咩？男朋友做沙僧拎住就差唔多！

　　綜合種種因素，我該無估錯既。

　　Ｂｔｗ，我一枝冷無啦啦拎住扎花搭地鐵，隔離又無個人，咁好怪姐……＝＿＝＂好似係自己送俾自己咁，直頭燶爆添，我打死都唔制……一個人ｏｎ　ｔｈｅ　ｗａｙ，拎住袋西蘭花都仲型過拎住扎花啦，ｒｉｇｈｔ？

　　哈哈哈哈哈哈哈。

20:36
14 Feb 2012

HOW RICH ARE YOU?

2012-02-11T19:52:00.001+08:00


	你幾有錢？
		星島日報　2012年1月30日星期一上午6:30 (綜合報道)(星島日報報道)你當然知自己幾有錢。但是，在全世界所有人當中，你的收入算是相當有錢還是相當窮呢？在全世界所有人當中，你的收入究竟排第幾？這你不知道了吧？　　知想？很容易，去這裏： http://www.globalrichlist.com/ 　　這個Global Rich List網就是「全球富有排行網」的意思。此網版面非常簡單，只有幾個英文字，下面有空格，你只要輸入你每年的收入（可以用美元、英鎊、歐羅等計算，如果你以港元計，先折算為美元或英鎊就可以），就即刻知道。　　我試以每年的收入三萬五千美元試試看。年入三萬五千美元約等如二十八萬港元，即約等如月入二萬三千餘港元。如果你有十三個月糧，即約等如月入二萬一千五百元。這個收入，在全世界所有人當中，原來排行第277,391,305名！即是你是全球最有錢人中排第二億七千萬個。你會以為這表示你很窮，錯了，你是非常非常有錢，因為，這表示你是全球最Top百分之四點六二有錢人！嘩，好厲害呀，是天之驕子啊！　　是的。當我們總是埋怨，總以為自己好不幸、好窮時，我們其實在全世界人當中是非常非常幸福、非常好彩的一群。此網站就是要讓大家知道自己身在福中的慈善網，在網頁中有一按即刻可捐輸做善事的按鈕，幫助世界上比我們窮好多和慘得多的人。即刻去這網看看你的有錢程度。此君曰文/圖：馮禮慈

20:01
11 Feb 2012

人地生日，就我收禮物！

2012-02-11T11:18:00.005+08:00

ＸＤＤＤＤＤ

　　我收咗個咖啡杯，係今個月生日既人送我的，嘿嘿。

　　其實我唔喜歡塑膠，呢種質感低檔既無機化合物，只會污染生態……

　　我比較喜歡大自然既元素，即係金木水火土。所以我想要瓦杯多Ｄ，好似下面Ｄ咁……

　　就因為咁，我頗喜歡我份工係日日對住Ｄ木材→木製燈，ｔｅｘｔｕｒｅ一流～（當然我不能避免要識埋電子野啦，始種燈飾都係一種小型家電）

　　近來越黎越能夠掌握燈體結構，未畫圖，我都知要點樣結構先至ｗｏｒｋ，我開竅了。＠＠”

　　***

　　總覺得對話要白痴ｆｕｎｎｙ，咁至夠ｒｅｌａｘ兼減壓。

　　‧對話一‧

　佬：我下個禮拜去澳洲。

　芝：手信。

　佬：想要咩？

　芝：（諗都唔使諗）滑浪板～

　佬：……

　佬：點拎呀，老細。

　芝：唔難為你既又使乜提出黎喎～ ^ ^v

　芝：拎住塊滑浪板行出機場，好鬼型呀～

　佬：高過我喎，妳知我幾高架喇。

　芝：咁呀，（修正）個場面又型又灰諧，正！

　佬：…… ＝＿＝＂

　　‧對話二‧

　佬：認真問，想要咩手信？

　芝：唔……樹熊公仔收過……袋鼠公仔又擁有過……鴨咀獸又唔可愛……好難諗…… ~"~

　佬：買罐奶粉俾妳算喇。（死肥佬飛去澳洲傾奶粉代理）

　芝：唔要！（斬釘截鐵）我只飲鮮奶～一係你買隻乳牛過我，我將佢養係十七樓～ ^o^（比人地矮兩層，哈哈哈）

　佬：……＠＠＂

　芝：嘿嘿～

　　***

　　今日放工後……

　　我先去咗田氏同事經常食既飯堂（轉工後首次去），食個飯兼探下可愛既事頭婆（佢越黎越瘦，我見猶憐）。

　　係飯堂撞唔到舊同事，倒係之後出旺角，係彌敦道遇到ＫｅｎＫｅｎ！＠＿＠

　　哎哎哎……除左Ｈｉ＆Ｂｙｅ，都唔知仲講咩好，就咁擦身而過算啦。

　　咁……ＫｅｎＫｅｎ都結唔成婚，我無理由同佢講「恭喜發財、利是逗來」咁架嘛……可惡……＞＿＜（笑）

19:37
11 Feb 2012

後遺症

2012-02-10T19:40:00.005+08:00

原來今個月，比我想像中既還要難過！＠＠＂

　　大家都知，我１２月使得大大大大大咗架啦。１月還咗咭數後，過得好痛苦！不過惡夢並無咁快就結束。

　　我都一早有咗心理準備，貧窮狀況係會漫延至２月，但我又低估咗我既支出……

　　原本以為有８００元捱２５日，誰不知，我計漏咗一年一次既洗牙！

　　噢！我舊年８月無去定期檢查，２月呢次走唔甩兼且要洗牙（＝洗錢）。合指一算，咁我只剩返５００元過２０日……

　　‧好‧難‧捱‧呀‧

　　仲要我班同事，食野都好貴；ｌｕｎｃｈ唔係咁大開支既，我都仲捱得過，不過依家真係……Ｓｉｇｈ。

　　咁計落，我唔到４月，荷包都未能回氣，咁我又點有錢換電話呢？？？

　　我部ＳＥ係０９年３月１日買架啦，用咗就黎３年，佢就快撐唔住了！目前已頻死邊緣……（各位，經常搵唔到我係等閒既事，祝君好運。羊咩，ｓｏｌｌｙ！＞＿＜）

　　同埋，過年窮得滯，頭髮都無剪，家陣個死人頭，超級肉酸，呵呵。不過一直處於貧窮線以下，怕且又係唔過多兩個月都無本事去髮型屋。^ ^"

　　我從１０月開始，轉咗用ｅｘｃｅｌ理財，唔再用黑色硬皮紅角既會計薄嚕～不過Ｄ開支都仲係ｐｌａｎ唔掂。（笑）

　　***

　　哎呀，好鬼掛住豬豬呀！

　　今日推咗佢個午間約會，眼淚在心裡流，嗚嗚嗚……

20:32
10 Feb 2012

回鄉渡歲 (Updated)

2012-02-09T20:18:00.011+08:00

都唔知隔咗幾多個年無返去囉，今年出動到１２道金牌，又點可以唔返去呢？

　　＝＿＝

　　我竟然返咗去５晚，係足足５晚呀！！！難以置信，我自己都唔係好信我可以返去活過咁多日……

　　鄉下超凍呀，得四五度（清晨時份係室外既植物會表面結霜添），幸好我有備而戰，帶定ｋｎｉｔｔｅｄ　ｇｌｏｖｅｓ同ｅａｒ　ｍｕｆｆｌｅｒ咋，係呢Ｄ小物至有效保暖。

　　雖則今個ＣＮＹ係好凍，但我又覺得ＯＫ喎，唔太辛苦。我呢兩年，好似變得耐寒咗。嘻。

　　行李方面，衫又無帶太多喎，足夠保暖既ｏｕｔｆｉｔｓ，我預先襯定咗３套帶返鄉下；外套就著一件長褸，帶一件短褸；鞋就踏住對長靴返去，另外拎多對ｈｉｇｈ　ｈｅｅｌｓ。以上所講，只佔我２６吋硬喼既一半。

　　其餘？Ｎｅｔｂｏｏｋ一部同大量護膚品、化妝品囉～（笑）仲有枝電髮棒，哈哈哈～
　　岩岩開喼，護膚品已堆滿一個枱面。

　　Ｕｎｐａｃｋ半個鐘後，執好曬啦，但望落去都……好似無乜分別，一樣咁亂。 ^ ^"

　　哎呀，唔係呢，其實係亂中有序架，按照我既護理次序黎擺陣架。

　　係鄉下咁多日，我日日都化妝，仲頗重手添，痴埋假眼睫毛架～～～（為了令令）

　　不過怕且係Ｄ粉底唔岩我，幾日後返到香港，塊面起曬粒粒，爛面哩，勁醜樣呀！＠＠＂

　　嗯，肉鬼酸既皮膚，咁既狀態下復工，無面見人。＞＿＜

　　又慶幸，過咗個年，無肥太多咋。

　　***

　　回鄉咁多日，我只使咗２３０蚊人仔。買咗Ｄ咩？犀利囉～我買左七張戲飛！

　　Ｙｕｐ～我請大家入戲院睇《逆戰》，好刺激呀～

　　間影院好闊落呀（Ｄ凳唔係摺架，係梗凳之餘，條巷仲好闊ｆｏｒ人行過，已坐低既人可以完全唔使縮腳，正），收費仲好平添，所以７張戲飛，我捨得眼都唔眨咁同我堂大佬爭住俾錢。明明係６０蚊張飛，結果只係收３０至３５蚊一位咋喎。

　　另外仲睇咗《八星抱喜》。

　　***

　　睇戲之外，就得返放煙花呢項活動囉。

　　一大躉煙花，價錢不單止貴咗，連放既時間都短埋！今年天氣唔好，煙花買少咗放少咗。

　　一躉煙花要幾錢？Ｄｅｐｅｎｄｓ啦……靚既放個１分鐘，已值８００蚊人仔啦（多係半分鐘貨仔既咋，都要４至６百蚊），所以自家放燈花呢，即係燒銀紙！（８００大元喎，係鄉下Ｄ工廠妹既大半份糧啦）
　　手機影既咋，所以質素好低。

20:53
9 Feb 2012

PS 岩從鄉下返黎, 有一樣野好唔慣... 我鄉下間房係呢度既3倍大, 仲有獨立廁所添.

超錯

2012-02-09T19:31:00.003+08:00

　　今日，屋企收到封咁既野……

　　咦？乜我住響何文田咁富貴架咩？真係唔知添～

　　咁錯既地址都派得到既，真係犀飛利！

　　整個地址，唯獨３０８室係同我屋企ｍａｔｃｈ架囉。

　　但有３０８室既大廈，全港又何其多呢？但就偏偏錯中我住緊既呢棟，太妙了。

　（笑）

20:16
9 Feb 2012

PS 睇埋個郵chop, 2月2日投寄既信, 今日至派?! 有無離譜D呀, 乜香港郵政既服務承諾係咁架咩? 理應3號派架啵!!!

44歲

2012-02-09T00:00:00.000+08:00

生日快樂

00:00
9 Feb 2012

My Late 古古力 Cake

2012-02-08T19:22:00.006+08:00

多謝明哥哥，你是最好的（國語）！＞３３３＜　　不單止有蛋糕，到咗年十六，我都仲逗到兩封利是添～（順便益埋水草同打令寶）

　　同事問我，點解可以咁強？

　　好簡單～Ｒｅｓｅｒｖａｔｉｏｎ囉～哈哈哈～

　　我每年都會保留追討既權利！！！（只限ｃａｋｅ同利是姐）

　　ＸＤＤＤ

19:26
8 Feb 2012

PS 豬豬同邦邦, 少擔心啦, 我絕對唔會放過你地架, 咪話我唔一早提醒你地. ^ ^

PS2 個cake係意大利蕃茄既產品, 第一次食, 好好味呀~~~ (1磅cake, 我自己一口氣食左半磅, 嘻~)

末日之後

2012-01-19T14:56:00.002+08:00

踏入２０１２年，越黎越多人講末日。

　　唔……今年真係末日既話，咁我真替班明星難過，龍Ｂ出世無耐就末日，該猥哩。

　　而係末日前，又好多人想趕１２年１２月１２日結婚喎，又係結婚無幾多日就要末日？天呀……

　　其實１２月１２日真係好日子咩？我反覺得係末日之後既２０１３年１月４日咪仲好！

　　２０１３１４＝愛你一生一世

　　但其實好骨痺。＝＿＝”（打上邊個句時，成身打曬冷震）

　　***

　　明哥平安地從曼谷回來了（新聞一直講曼谷可能會受到恐擊）。

　　好野～我既利是同蛋糕有著落～ＸＤＤＤ

　　噢，忘了問佢有無從泰國帶回椰青蛋糕添，哈哈哈。

15:11
19 Jan 2012

PS 過年前, 個心十五十六緊好無再電一次髮呢... 又或好唔好狠心剪短佢呢... 唔唔嗯嗯...

恕不招待

2012-01-18T10:26:00.006+08:00

我要講既野，同半島酒店謝絕招待兒童一事無關。

　　***

　　琴晚１１點，占占老爺送揮春黎我屋企。

　　三更半夜有人禁門鐘，個心即刻離一離，然後一沉……

　　我個家居ｌｏｏｋ唔見得人就梗係固之然啦（但慶幸琴晚個已算係最好既家居ｌｏｏｋ了[笑]），我又話曬係一個絕頂出色既乾物女，間屋就肯定係唔見得人啦……＝＿＝”

　　係眾多姊妹好友中，就只得水草可以隨便出入我屋企同睡房，其他人啦喎，ｓｏｒｒｙ，一律拒絕招待。

　　其實都唔係因為同水草特別情深而俾佢咁大既優待，而係佢屋企比我既更加拿西，似十足我未搬之前既恐佈深淵！所以呢，水草黎親我屋企，覺得我屋企唔亂都不特止，仲盛讚頗整齊，哈哈哈哈哈～～～

　　***

　潘師奶：咦？妳朋友呀？做乜唔招呼人地入黎坐下？

　無聊芝：佢趕住返屋企，唔好阻人啦。（答得斬釘截鐵，而心中係諗：點可以俾人入屋！）

　　話曬我出街個樣都執到乾淨企理；俾人見到我間屋係咁慘不忍睹既，我咪咩形象都無曬？！

　「算啦～妳一向都無形象架啦～」

　「你同我收聲！」

11:03
18 Jan 2012

PS 好掙扎, 呢個年關唔知要點過至好... ~"~

出街食「飯」

2012-01-16T23:37:00.002+08:00

‧２ＰＭ　Ｓｕｎｄａｙ‧

　子：食唔落啦……

　女：仲有好多飯喎。

　母：幫手食多Ｄ啦。

　子：做乜要嗌３個套餐咁多喎！

　女：午市係得餐加錢配小食，咁就當然係「飯」多，餸少架啦。

　子：咁都唔使４個人嗌兩碟炒飯同一個海南雞飯，咁多「飯」卦！等於大大煲飯呀大佬！

　女：咪講咗係出街食「飯」囉，主角梗係「飯」啦～

　子：吖頂！

　母：哈哈哈哈哈哈哈哈～～～

23:50
16 Jan 2012

PS 十九年一次, 農曆新曆係同一日牛一, 潘師奶聽日生日啦.

新力回歸

2012-01-13T12:18:00.002+08:00

巧令令呀！！！
　　Ｓｏｎｙ回歸，強勢第一炮：Ｘｐｅｒｉａ　Ｓ

　　我承認我膚淺，只看外表。ＸＤＤＤＤ
　　但真係好靚嘛！睇下佢排制，係前後透明架！

　妹：好想要……

　哥：妳仲想椿個頭埋去呀？

　妹：轉左名喎……

　哥：賣左Ｄ盤姐。

　妹：三千就好囉……（細細聲咁講，心知自己咁講係發夢都無可能，事關邊會平過四五千銀）

　哥：妳賣返出去就三千！

　　＝＿＝”

　　Ｓｐｅｃ：http://www.ringhk.com/index_phone_spec.php?id=2068

　　Ｎｅｗｓ：http://www.ringhk.com/news2.php?id=4706

　　不過真係要我自己拎錢出黎買，又真係唔使得，咁鬼易壞既牌子，有人送就差唔多～

12:56
13 Jan 2012

15天時間可以做什麼?

2012-01-12T21:23:00.004+08:00

　　既然中國人有咁既能耐，又何必仲起Ｄ豆腐樓？

　　Ｒｅｔｒｉｅｖｅｄ　ｆｒｏｍ：http://www.gotrip.hk/diary-2539.html

21:28
12 Jan 2012

Paper Tales Exhibition

2012-01-11T10:51:00.004+08:00

又有好介紹！Paper Tales 紙藝裝置展覽
日期: 2011年12月11日至2012年1月20日
時間：上午10時至晚上8時 (最後入場時間晚上7時30分)
地點: 太古坊康和大廈1樓ArtisTree (港鐵鰂魚涌站A出口(地圖)或上落客區:濠豐大廈地下(路線圖))
查詢: (852) 2284 4877
***免費入場

取材於安徒生的童話故事「冰雪女神」，11位藝術家運用天馬行空的想象力，發揮細緻複雜的紙藝技巧，創作成獨具風格的立體裝置，探索紙的嶄新面貌，參觀者在這段奇幻旅程上將會拓闊對紙這種日常物料的固有印象。

免費活動：
DIY雪花掛飾
公眾導賞團：2012年1月7日及8日，下午2時 (歡迎即場報名參加，名額有限，先到先得)

展覽的背景音樂由Nick Harvey www.nickharveycomposer.com 創作

　　Ｒｅｌａｔｅｄ　Ｐｏｓｔ：http://ellasomnus.wordpress.com/2012/01/07/paper-tales-exhibition/

　　***

　　我好似從未踏足過太古呢類咁高級既商業區（只去過康怡乞嗤島咋）。

　　真係要快快去睇，剩返最後１０日咋！

11:03
11 Jan 2012

Full Moon

2012-01-09T23:59:00.002+08:00

今日空氣好差，到左夜晚，煙霞都仲好勁。

　　不過，月色朦朧，反而仲靚，呵呵～

　　我好似係第一次係滿月既晚上跑步呢。

　　Ｄ煙霞勁到，好似眼鏡佔滿霧氣咁，咩都睇唔清。

　　好想抹走佢哦。

　　***

　　Ｄ　ｆｏｒ　Ｄ＆Ｇ，ａｌｓｏ　Ｄ　ｆｏｒ　ｄｙｉｎｇ，ｈａｈａｈａ。

　　今次既禁攝ｈｅａｄｌｉｎｅ，十分有趣。

　　評論，都唔使我多講啦，慳返Ｄ口水先。（但我最鐘意都係話意大利既陰謀論，刻意要中國人既身份令人反感，有起事上黎，意大利等窮國，可以乘亂世撈一筆嘛，呵呵）

　　反而，我比較奇怪，做乜無政界人物企出黎抽水既？人民力量班友仔死左去邊？

　　咁又係，牽涉到中國人既身份問題，俾個豹子膽佢，都唔敢企出黎抽水啦。就算抽到，都驚無命享哩～（種族分化，仲唔係想顛覆國家政權？同我拎去打靶！ＸＤ）

　　仲有，今日睇報紙專欄，見到句妙句：

　「廣東道不講廣東話，北京道都是北京人。」

　　可會同「蘭桂坊鬼多過人」、「皇后像廣場被菲律賓人佔領」等，有異曲同工之妙？

　　唉……香港地一個彈丸之地，仲有幾多地方可以俾香港人企？

00:23
10 Jan 2012

史上最棒老婆之好老婆守則

2012-01-08T15:28:00.003+08:00

（網路轉載）
史上最棒老婆 1、心裡只有你一個男人
史上最棒老婆 2、從後面抱著我睡覺，我乖乖地蜷成一團，不轉過去看你
史上最棒老婆 3、半夜醒來的時候替你掖好被子
史上最棒老婆 4、吃你餵給我的你認為好吃的東西，並且也覺得好吃
史上最棒老婆 5、不打聽你不想我知道的任何事情
史上最棒老婆 6、相信你的每一句話，不揭穿你的謊言
史上最棒老婆 7、努力適應你的生活方式和生活的圈子
史上最棒老婆 8、友好地對待你的朋友，把他們也當作是自己的朋友
史上最棒老婆 9、在你的朋友面前給足你面子
史上最棒老婆 10、繼續做你喜歡我做的工作
史上最棒老婆 11、把頭髮留長，不燙卷，不使用者哩水等讓頭髮變硬的東東
史上最棒老婆 12、控制飲食和鍛煉身體，以保持身材的苗條和改變太平公主的現狀
史上最棒老婆 13、為你剪指甲
史上最棒老婆 14、拉你一起去廣場上吹肥皂泡泡
史上最棒老婆 15、收起我的壞情緒，自己擦乾臉上的淚，你看到我的時候我會盡量多的微笑
史上最棒老婆 16、在電台點《天使與海豚》送給你
史上最棒老婆 17、珍惜每一次和你的會面
史上最棒老婆 18、在卡拉ok唱《勇氣》的時候打電話給你
史上最棒老婆 19、買煙給你，但是只買一點點，因為吸煙有害健康
史上最棒老婆 20、讓你背著我在屋子裡打轉
史上最棒老婆 21、趴在你的肚子上和你一起看電視
史上最棒老婆 22、一起洗澡，幫你擦乾
史上最棒老婆 23、看a片，學習做一個解風情的女人，而不一直是天真的小女孩
史上最棒老婆 24、為愛變成一個笨笨的小女人
史上最棒老婆 25、替你洗衣服，特別是臭襪子
史上最棒老婆 26、幫你擦所有的皮鞋，不管你什麼時候需要穿哪一雙它們都是乾淨的
史上最棒老婆 27、陪你到菜市場去買菜
史上最棒老婆 28、吃光並稱讚你做的菜
史上最棒老婆 29、跟爸爸學會做他的金牌紅燒蹄膀
史上最棒老婆 30、保證手機的暢通，你隨時都能找到我
史上最棒老婆 31、告訴媽媽和你的故事，她有權了解誰把女兒變成一個女人
史上最棒老婆 32、好好保存你送我的每一件東西
史上最棒老婆 33、用一個pp的小本本記下你發給我的每一條短信
史上最棒老婆 34、默默地等你回來
史上最棒老婆 35、不再見網友
史上最棒老婆 36、你開心時比你還開心，你難過時比你還難過
史上最棒老婆 37、真心地認為你做的每一件事都是有道理的
史上最棒老婆 38、去照相館拍情侶照，做成漂亮的小冊子，我還要穿婚紗
史上最棒老婆 39、把你送我的禮物一直放在床頭
史上最棒老婆 40、介紹我所有的好朋友給你認識
史上最棒老婆 41、保護你不受一點委屈
史上最棒老婆 42、申請一個我們的郵箱，寫好多情書放在裡面等你去看
史上最棒老婆 43、每年都從家來看你
史上最棒老婆 44、倒水哄你吃藥
史上最棒老婆 45、偷偷扯你的衣服角，提醒你要少喝酒
史上最棒老婆 46、在你苦難的時候絕不放棄你
史上最棒老婆 47、隨時做好準備跟著你背井離鄉
史上最棒老婆 48、學會省錢,為將來做打算
史上最棒老婆 49、答應你的求婚，哪怕沒有玫瑰和戒指（如果有這麼一天）
史上最棒老婆 50、在你不再愛我的時候靜靜地走開

　　男士們、女士們，你地點睇？＿？

　　***

　　喔～邦邦無死到呀，不過我都忘了要買西瓜。

　　哎呀，冬天難買西瓜嘛～

15:30
8 Jan 2012

自省吾身

2012-01-06T14:09:00.003+08:00

我既２０１２年，開始得有點茫然。

　　感覺上係，一ｓｅｔｔｌｅ落黎，一變得安穩，我就失去左目標同動力。

　　明明，我舊年係威係勢咁話要準備考ｉｎｓｐｅｃｔｏｒ；但唔覺唔覺咁半年下來，我好似乜都無準備過……＝＿＝”

　　跑步方面，自從手腕起左瘤後，停了個多月無跑嚕～難得地，星期三晚冒住雨，又跑返啦～

　　果然都係天氣凍跑得舒服Ｄ。

　　工作方面，好唔掂！

　　擁有燈飾知識唔係唔好，但份工真係除左俾我養家同三餐溫飽之外，無乜大作為了。以咁簡單既工作內容，亦無法要求人工太多。

　　老實講，我覺得我份糧都幾係ｏｖｅｒ　ｐａｙ。＝＿＝”

　　明明只係低能白痴既文員工作（唔知係我低估自己定高估Ｄ工作崗位啦），有成皮野喎！比起我係田氏踎，做到隻茄咁既（綜合/多功能）會計文員，都只係得八叉幾野，咁就發覺呢個世界真係無奇不有。

　　好想做Ｄ實質Ｄ、專業Ｄ既工作囉。

　　單係靠浸得耐，做得長，呢Ｄ算係乜優勢呢？日子有功，係人都取替到你啦。價唔價值，我覺得無價值囉。（正如我係田氏算得上係咩呢？做得耐囉，五年喎，咪好似好有「價值」咁囉，但查實又咪轉眼間就煙消雲散。）

　　講講下，又唔知扯左去邊添……

　　我想話我專業不足囉。

　　唉，求變不單講求決心，亦好講天時地利人和同經濟。

　　***

　　知識，呢排不斷咁吸收緊Ｄ減肥資訊。

　　我係上兩個月買左７本減肥書，全係日韓出版的翻譯本。

　　原來我既減肥知識好貧乏，睇書增長一下正確而又健康既減肥理論，十分值得。

　　***

　　唔……我仲未係好知公司打算點放農曆年……

　　＠＠”

14:47
6 Jan 2012

Happy New Year

2012-01-01T12:52:00.001+08:00

２０１２年，第一篇～

　　但其實無野要講……

　　***

　　係啦，潘師奶好命，上廣州一事，擱置了。

　　佢第一個反應：

　「好野，慳返幾千銀。」

　　恭喜曬喎。

12:55
1 Jan 2012

Last Day

2011-12-31T11:27:00.002+08:00

見係２０１１年既最後一日，加上返工好得閒，咁就打多篇ｂｌｏｇ啦，呵呵～

　　***

　　問我今日有咩節目？

　　無～節～目～喎～

　　我反而想好似平安夜咁，放工後去做ｇｙｍ。（笑）

　　好多朋友都讚我叻，揀係人人都出街既日子去做ｇｙｍ，肯定無人同我爭機。

　　Ｏｆ　ｃｏｚ，哈哈哈。

　　***

　　潘師奶死死地氣執好行裝，聽日就會返大陸陪婆婆了。

　　呵～幾唔情願都無得揀架啦，求神拜佛黎緊兩三個星期都唔好凍。

　　近來氣溫十八九度，真～宜人。

　　***

　　忘了一些感受，不知是好是壞。

　　離世界末日愈黎愈近，哈哈～

　　各位，Ｈａｐｐｙ　Ｎｅｗ　Ｙｅａｒ。

11:33
31 Dec 2011

懵

2011-12-29T15:32:00.003+08:00

如同水草所講，我都覺得自己既思想，升華左去另一個更高既層次。

　　***

　潘師奶：今個月有無３１號？

　無聊芝：無架，所以你無女。

　　***

　　潘師奶近來，不論有意定無意既單打，我一Ｄ火都無。

　　真架，我唔在乎了，唔會再嬲，唔會再動氣。

　　我係好討厭１２月，但點都好，日子總要過。

　　***

　　好懷疑……

　　潘師奶經常話潘生偷佢Ｄ野，或靜靜雞掉左佢Ｄ野。

　　大姊呀，潘生一日得瞓覺個８粒鐘會留係屋企，其餘時間都會身痕，無法係家中坐定定（我亦唔排除潘生免得礙潘師奶既眼，而選擇日間時間，唔留係屋企），是問又邊有機會搞你Ｄ野呀？

　　你錢又唔夠潘生多，佢使偷你既？掉你Ｄ野？有乜為先？

　　況且，你自己都成日唔記得Ｄ野擺係邊，又憑咩咁肯定Ｄ野唔係自己亂咁擺，而係潘生搞鬼？

　　不過我都懶理你係真傻定假懵了，只希望你少Ｄ撩事鬥非，收斂一下，唔好咁神憎鬼厭。

　　終有一日連亞哥都唔妥你，我就真係替你難過。

15:48
29 Dec 2011

冷血基因

2011-12-27T13:10:00.003+08:00

原來我既冷血因子，係來自潘師奶。

　　***

　　中午，亞姨來電話，婆婆對腳，始終撐唔住，長期潰爛，要截肢至得。

　　潘師奶一聽亞姨講，要佢返大陸陪婆婆去廣州醫院做手術，即刻耍手擰頭，又乜又七咁，話自己唔方便出遠門……

　　吊那星，個係妳亞媽黎架！凍咪帶多件衫囉，全世界人都係咁過冬天架啦。要帶好多藥出門嫌麻煩？亞姨身體又好好咩，又咪周身病痛都要照顧婆婆！做人夠曬麻煩啦，咁妳咪做人啦！！！

　　真係好睇唔過眼……

　　妳自己做人子女時，都係咁樣對自己既父母，咁唔好怪我呢Ｄ子女會有樣學樣。

　　種咩因，就得咩果，我信架。

　　（所以為免自己他朝都會俾子女如此「善待」自己，我梗係唔會生啦！！！）

13:21
27 Dec 2011

體貼

2011-12-25T18:33:00.003+08:00

今日收到……　　ＨＳＢＣ既服務，真周到～

　　時間真係岩岩好，正當我諗緊點問銀行借錢，佢就黎喇。

　　***

　　今日牛一了。

　　祝自己福如東海，壽比南山。

　　亦要祝大家，Ｍｅｒｒｙ　Ｘ’ｍａｓ。

　　著多件衫，唔好凍親呀。

18:37
25 Dec 2011

Do Re Mi

2011-12-23T21:49:00.004+08:00

　　過去的星期日，就係買咗呢３對ｂｏｏｔｓ。

　　***

　　信用咭月結單到咗啦，要面對殘酷的現時了。

　　點還？小額貸款囉，萬零二萬蚊，即批既，分１２期還，息口平過信用咭嘛。

　　正如琴晚《天與地》入面，佘詩曼有句對白：邊有香港人唔係爭緊銀行錢架？個個都乖乖準時還錢既話，Ｄ銀行肯定會好驚。

　　同埋，我真係仲想買。

　　怕且係過去一年，我太過壓抑自己，黎到年尾，Ｄ情緒爆曬出黎。

　　Ｗｅｌｌ，我琴日係ｅｓｐｒｉｔ睇中對ｗｅｄｇｅｓ同ｎｅｃｋｌａｃｅ，我恨咗好耐既款。

　　Ｈｏｗｅｖｅｒ，我個ｅｓｐｒｉｔ　ＶＩＰ會藉，好似ｅｘｐｒｉｅ咗。

　　***

　　唔知是禍是福，我今個月無收到喜帖，係因為舊同事ＫｅｎＫｅｎ結唔成婚。

　　臨門一腳，斷正未婚妻有第二個，真唔知要講咩好。

　　不過，都好過結左婚至發覺既。

　　同埋又真係救咗我一命，慳返份人情。

　　我既第一次，可以繼續ｋｅｅｐ係備用狀態，哈哈。

　　***

　　ＫｅｎＫｅｎ件事，係今日同Ｊｕｄｙ（舊同事ＪＨ呀）傾ＭＳＮ至知。

　　Ｊｕｄｙ有ｋｅｅｐ住睇我個ｂｌｏｇ，好關心我，超感動。＞３３３＜

　Ｊｕｄｙ：失戀呀？

　Ｐａｎ　：妳知我無戀，又何來失。

　　我有咩事？哎呀，女性好友們都知我活係世上，只會煩一樣野既姐，嗰咪屋企囉。

　水草：屋企……咁即係又妳亞媽啦……

　　再明顯不過啦。

　　咪當我細路女扭計囉，人地覺得飲茶緊要過我睇醫生嘛，再加Ｄ醬醋茶，發下發下……

　　結撻撻，未係最差。

　　***

　　今年聖誕，覺得特別擠迫。

　　我想搵個空擴既地方，休息下。

22:10
23 Dec 2011

頸枕

2011-12-23T00:17:00.001+08:00

00:19
23 Dec 2011

突破

2011-12-18T23:28:00.002+08:00

　　三對ｂｏｏｔｓ，全係我買俾我自己既！

　　二三千蚊一對ｂｏｏｔｓ，我都買得落手，我都服咗我自己。

　　一次過買三對ｂｏｏｔｓ，不得不佩服自己。

　　黎緊期咭數，七八千蚊埋單，絕對唔夠錢找咭數，我真係癲咗！！！

　　但亦懶理，我心情真係差到要使四千幾蚊至回復返平靜。

　　聽日會再買其他野，買埋應該可以回復返無野既狀態。

　　愁咭數？下個月至算啦……大不了咪捱貴息，又或……

　　都係唔好諗咁多，我要自己心情好緊要Ｄ。

　　***

　　Ｓｔｉｌｌ，大家唔好搵我。

　　我喪買衫褲鞋襪，唔係要黎聖誕著俾人睇。

　　***

　　星期五晚，公司又有飯局，我地去咗尖咀間Ｃａｓａｂｌａｎｃａ。

　　唔錯喎，環境幾好，又有人唱ｌｉｖｅ，仲唱得好好聽添。

　　***

　　羊咩話要曳一場，找秘密情人。

　　ＯＫ喎，人唔趁後生做呢Ｄ事，唔通到七老八十至黎玩咩？

　　加油～我心底裡支持妳～

23:45
18 Dec 2011

心情欠佳

2011-12-17T20:31:00.002+08:00

今年餘下既日子，我想收埋自己。

　　未到出年，都唔好搵我啦。

　　但黎緊數日，已約好既ｍｅｅｔｉｎｇ，我會照舊。

20:33
17 Dec 2011

今期流行

2011-12-15T13:15:00.004+08:00

今個Ｆ／Ｗ，一直未有買ｂｏｏｔｓ既衝動，因為一直都遇唔到令我一見鐘情既靴。

　　直到琴日，係你啦！！！見到Ｔｉｍｂｅｒｌａｎｄ，愛上了～

　　自從有對Ｃａｔ牌工程靴後，就對呢類牌子有好感。

　　唔知對靴要幾錢呢？＿？

　　上官網查到了，ＨＫ＄１３９９，平過我對Ｃａｔ成八舊幾水喎，超抵～

　　***

　　今季，好想要豹紋既服飾。

　　Ｓｏ　ｆａｒ，我有一條豹紋窄身短裙既（都買左好幾年），但一直唔知點襯好，鮮有機會著出黎。（除左襯黑，諗唔到其他更ｓｕｂｔｌｅ或ｄｅｃｅｎｔ既ｓｔｙｌｉｎｇ了，但次次係咁，又好悶）

　　我諗豹紋鞋或手袋，我較易ｃａｒｒｙ得黎。

　　***

　　嘻……又被發現了～

　　岩先ｌｕｎｃｈ，ＢＫ問我：Ｐａｎｓｙ，妳屋企究竟係咪有幾十件厚外套或大褸？我見妳日日唔同款囉！

　　哈哈，係呀，我有十幾廿件外套，但依然覺得不夠，成日都想再買多Ｄ～

　　單係乾濕褸，唔同色唔同長度唔同質料單排或雙排鈕既，我都有成１０件。

　　雖然係咁，但我都唔覺得多囉。

　　Ｗａｋａｋａｋａｋａ。

　　***

　　大家不難發現，我係一個物質主義既人。

　　我心靈唔空虛，我理解自己既所作所為，但我就係喜歡擁有。

　　但唔係曾經，我要永久咁擁有。至少，直到我厭惡要拋棄你為止。

　　而我亦懂得量力而為。我唔會貪求一個ＬＶ或Ｇｕｃｃｉ而錄爆咭，然後死慳死抵節衣縮食咁還咭數，如此咁唔ｆａｂｕｌｏｕｓ既做法，我絕不採用。我寧可豪氣地一步達到黎追求我能力範圍內既物質。

　　所以我買，但亦買得好經濟實惠。

　　***

　　係啦，我知道啦，我今個禮拜六再去陳醫師度囉……

　　睇多兩次都無益善既話，咁醫院見啦！

　（嘩，今期醫療開支好甘囉……）

13:37
15 Dec 2011

Presents List (Updated)

2011-12-14T20:52:00.009+08:00

我想要……

１）智能手機
　　　　　　　　　ｉＰｈｏｎｅ　４Ｓ　白色
　　　　Ｓａｍｓｕｎｇ　Ｇａｌａｘｙ　Ｓ　ＩＩ　粉紅色
　　　　　Ｓａｍｓｕｎｇ　Ｇａｌａｘｙ　Ｎｅｘｕｓ

２）Ｂｏｏｔｓ
　　　　　　　　　　Ｔｉｍｂｅｒｌａｎｄ

３）Ｈａｎｄｂａｇ
　　　　　　　　　　　　　　豹紋的
　　　　　　　　　　　　　　格仔的
　　　　　　　　　　　　　　彩色的

４）Ａｎｉｍａｌ　Ｐｒｉｎｔ　Ｐｕｍｐｓ

５）Ｌｅａｔｈｅｒ　Ｊａｃｋｅｔ
　　　　　　　　　　黑色ｂｉｋｅｒ款為佳

６）ａｇｎｅｓ　ｂ　朱古力
７）Ｃｏｓｍｅｔｉｃｓ（品牌不能盡錄）

８）名牌鋼筆（ａｎｙ）

　　歡迎自行認購啦喂～

　　***

　　哎呀，呢排搞生產物料，好煩。

　　改完又改……究竟有乜方法可以有效率Ｄ呢？

　　唔……~"~

21:40
14 Dec 2011

又到聖誕

2011-12-12T21:03:00.002+08:00

聖誕月，破財月。

　　１２月，一年中折扣最多既月份，要喪買。

　　１２月，好多禮要送，噢噢……

　　１２月，仲係結婚既好日子。

　　老闆娘生日，大鑊。

　　舊同事（ＫｅｎＫｅｎ呀）結婚，我唔知會唔會收到帖呢？＿？

　　原本仲想換手機，都係過左農曆年先算啦……

　　***

　　公司電腦，裝咗好多ｉｎｓｔａｎｔ　ｍｅｓｓｅｎｇｅｒｓ。

　　我既第一個Ｓｋｙｐｅ同第一個ＱＱ，都俾咗瑞榮，哈哈哈～

　　係呀，每日返工要都開住３個ｉｎｓｔａｎｔ　ｍｅｓｓｅｎｇｅｒｓ：　ＭＳＮ、Ｓｋｙｐｅ同ＱＱ。

　　ＭＳＮ係對太子女。

　　Ｓｋｙｐｅ係對大陸工廠同事。

　　ＱＱ係對國內客人。

　　結果咪搞到日日好多ｍｅｓｓｅｎｇｅｒ對話畫面浮係電腦桌面，哈哈哈。

　　對手好忙。

21:22
12 Dec 2011

尋人

2011-12-09T21:22:00.002+08:00

好耐唔見邦邦ｏｎ　ＭＳＮ。

　「你死咗去邊呀））））））」

　　我唔想嘥錢買西瓜喎。

　　***

　　左手，完全唔覺有咩改善。

　　連最發雞盲既亞爸，都睇得出我隻左手畸型，仲嗌我自己捽下佢。（痛喎！）

　　哎呀呀，我咁辛苦花了錢捱痛，為咩呢？

　　亞哥狠狠拋下一句：開刀好過啦！

　　妖！唔係你捱一刀，梗係咁口響！

　　***

　　咦？乜聖誕將至啦？我又真係無乜感覺喎……

　　一年，過得真快。

　　噢，要買聖誕禮物，好煩。

21:29
9 Dec 2011

覆診後

2011-12-05T22:49:00.003+08:00

今日放工後去咗覆診。

　　無點，俾陳醫師禁完推完，換過藥走得。

　　仲使唔使覆診？自己睇情況喎，消咗腫，粒瘤散咗就算好返。

　　嘩，目前仲好痛。同埋，我又唔覺粒瘤有細咗幾多喎。同正常既右手比，個位仲係異常地凸出。

　「得閒既自己搓下佢啦。粒瘤原本係好大，但依家細咗好多啦。我上次幫妳禁完，我對手都仲痛緊。」

　　＠＠＂自己黎……超痛喎！

　　聽天由命咁話啦啵……過多十日八日消咗腫，粒瘤仲係度既，咁係再睇跌打好吖，定做手術好？

　　唔……

　　粒瘤有成粒波子咁大，係正手腕關節上。

　　目前手腕不能屈曲，超痛。

　　得一隻手做事，好唔方便（ｂｒａ都難戴，該猥＝＿＝＂）。但幸好，有事既係左手，換著係右手，真係變廢人。

23:04
5 Dec 2011

今晚打老……鼠！

2011-12-03T23:15:00.007+08:00

今個星期，係我住既大廈樓層裡，最議論紛紛既話題係：鼠出沒注意！

　　點解會咁唔好彩，又係我……又係我見到佢囉。＞＿＜

　　***

　　琴晚，我係深夜１點半過後至返到屋企。

　　係房執完一輪野後，約１點５０分，走出房，啪著廁所盞燈，我即刻見到一小團灰黑色既物體，以極高既速度竄出廁所，然後一枝箭咁飆咗入廚房。

　　我即刻呆咗，恐懼感悠然心生。

　　心諗：有無咁仆街吖，又係我半夜三更見到Ｄ污糟野……＝＿＝＂（編按見《午夜驚鼠》）

　　肯定我無睇錯，唔認得佢個樣，都認得佢條尾！

　　我即刻轉身，衝入亞媽間房，然後大叫：有‧老‧鼠‧入‧咗‧屋‧吖‧！

　　不過我連續嗌咗幾聲，亞爸亞媽都不為所動。＝＿＝＂

　　直到我大嗌第六次，亞媽反射神經地彈起身話：乜話？！

　女：快Ｄ（有點兒沒氣了），今晚打老鼠。（嗚……兩點都未有得眠……）

　　結果，芝媽係廚房，同小老鼠閉門奮戰咗３５分鐘，然後取得完滿既勝利。

　　之不過……其後……我成晚都訓得唔好……

　　到今朝，完全唔知琴晚上演過一幕人鼠大戰既亞哥（到今朝起身至知）係度嘲笑我：無鬼用既貓，見到老鼠唔捉都不特止，仲要驚到呢埋！

　貓：咩……咁我跛咗手，依家變咗做三腳貓嘛。＝＿＝＂

　　***

　　琴日（星期五）下晝，我邊做野邊同亞草ＭＳＮ之際，突然發覺自己隻左手好唔妥。

　　手心向下屈起手腕時，手腕背畸型地凸起咗一大舊，摸落去好硬，大力禁仲會有Ｄ痛添。

　　大檸樂，唔係手腕骨有事卦？但呢排做野又唔覺手會痛，只係左手一向無力，唔可以撐住，都習慣了……

　　放工返到屋企，兩手伸係芝媽面前，佢一睇就話：嘩！亞女妳搞咩黎？

　　唉，今日非搵醫生睇不可。結果去咗觀塘睇跌打。

　　好英既陳醫師一睇，又係：嘩！靚女妳隻手都好誇喎，吽咗咁耐，嚴重到要做手術架啦喎。

　　＠＠＂

　　嗚……最唔想聽到「做手術」呢三個字。唔係我拍痛，而係我無錢……＝＿＝＂

　　總之千祈唔好呀，我無買醫療保險……（淚）

　「不過放心，唔係骨有事，係筋膜有問題姐。做手術割咗個瘤佢就一定得，唔割既，我幫妳拉返正個手腕，再推散佢……」

　　其實之後陳醫師講咩，我都無意識去聽了，只諗：點算好……

　　成個過程，痛到我死……自己禁個瘤，都無乜感覺。但俾醫師銳兩銳，已痛到標眼水。

　　完成診療後，超痛。原本唔痛架嘛，依家就跛咗，手腕郁下都痛，更加唔使講用力。

　　點解會搞成咁？我點知喎……呢輪係無整親過四肢，但不排除由細到大咁多鑊，從無認真治療過，一直係咁累積又累積，經歲月醖釀又發酵，咪變得咁嚴重囉……＝＿＝＂

　　希望有救，唔得既，要入醫院做手術，真仆街喇……嗚嗚……　　我隻手咁幼，點捱一刀好呢？

　　***

　　雖然手跛，但腳無跛，ｐｉｎｇ係照ｓｈｏｐ無誤既～

　　咁難得有Ｒｏｘｙ半價優惠，幾大去睇睇啦！

　　不過ａｐｍ間Ｑｕｉｋｓｉｌｖｅｒ真係大而無當，無滑雪用品賣架囉！

　　幸好，５ｐｍ時，亞哥嗌我出旺角陪佢逛街～（我今日出咗３次門，嘻）

　　我地去咗西洋菜南街間Ｑｕｉｋｓｉｌｖｅｒ睇，貨品好齋全，多好多選擇唷，Ｄ滑雪服裝好靚呀～

　　我睇中好多野呀～有斗篷啦～有雙面羽絨外套啦～有紅色軟喼啦～　　但又可惜正值糧尾，無錢買……（上期卡數都未找囉＝＿＝＂）

　　算啦，我唯有同自己講：件卡其色斗篷唔夠卡其（哭），件雙面羽絨外套既袖長得滯（哭），個紅色Ｒｏｘｙ喼無掟擺（哭）。嗚嗚嗚……

　　最終得我哥買咗一件羽絨過聖誕。

　　哥好衰架，今晚仲將件舊羽絨送俾芝爸，話要襯平，聽日再去買多件。

　　＞＿＜

　　算啦，我唔買囉！（有錢都要留黎醫隻左爪先）

　　大家真係有買趁手啦，真係好鬼死抵，個優惠去到４號（聽日）既咋！
00:20
4 Dec 2011

PS 影響到考警察既, 咁點算好... 身體機能唔好, 當唔到差既, 咁連Lasik都無必要做...

好哥哥

2011-12-02T12:08:00.002+08:00

琴晚，屋企個廁所水箱壞左。

　　沖完廁，Ｄ水ｒｅｆｉｌｌ極都唔滿，咸水一直巴巴聲咁漏出黎。

　　我試圖自己開蓋整，但水箱蓋被芝爸封死左……

　　當時係深夜１１點幾啦，我只好向唯一未訓既亞哥求救。

　　嗯，結果梗係我哥整好佢啦。而且佢都無得揀，佢床頭與馬桶只係一牆之隔，水箱一直不斷放水既話，嘈都係嘈佢囉，呵呵。

　哥：頂～早兩日至整好公司個馬桶，依家又輪到屋企個……

　妹：咁咪幾好，水喉佬都做埋，多一門手藝。

　　而且，馬桶對潘家黎講，真係性命悠關！飯桶可以無，但馬桶不能缺！（笑）

　　正如我家小龜，糧可以幾日唔食，但屎不能一日唔拉！

　　哈哈哈哈哈～（上面個句笑死左芝媽）

　　***

　　今朝……

　　我刷完呀，含緊漱口水之際，突然醒起一Ｄ野，即刻衝出廁所，對住我哥……

　妹：唔！咁情唔唔唔唔嗯唔唔嗯！（Ｄ「唔唔唔唔」有高低音之分，我仲同時堅起三隻手指）

　哥：（轉身向住我，手持一包即沖咖啡粉）係啦，我知聽日係３號要去惠康入貨。

　妹：唔！（跺一下腳）唔唔嚕唔唔嗯嗯唔唔唔唔唔哼。（兩隻手板一攤）

　哥：吓？妳講咩呀？

　妹：（側頭）唔唔嚕唔唔嗯嗯唔唔唔唔唔哼。

　哥：啊，係喎，我聽晚行街，咁點去掃貨呢……

　　全家都依賴我哥張ｅｎｊｏｙ卡，有折至會買野，哈哈。

　爸：（路過）貓，妳咦咦哦哦講咩呀？

　哥：撞鬼囉！妳講到咁，點解我都仲聽得明架？！

　妹：（吐了漱口水）哈哈哈！其實你唔係狗，你係一隻貓，貓既咕嚕咕嚕你都識聽～

　　我同我哥既感情，真係太～好了。

　　***

　　唔係講笑，我覺得我哥真係幾好仔，又顧家，絕對嫁得過。

　　佢係學歷差Ｄ，收入又好一般咁姐，其他方面都無乜唔好。

13:32
2 Dec 2012

好野益街坊

2011-11-30T23:37:00.003+08:00

員工及家屬優惠 - 正價貨品5折優惠

為了讓大家盡情選購聖誕禮品，Quiksilver特別於節日裡為集團全體員工推出購物優惠，現凡購買任何正價Quiksilver及ROXY秋冬貨品，即可享獲5折優惠選購貨品。

你們只須於付款前出示以下的優惠邀請卡，即可享獲優惠。

如你們想與親友同樣享受Quik'mas的歡樂氣氛，歡迎把這優惠邀請卡連同節日的祝福傳送給每位摯友親朋，一起盡情購物！
　　***

　　嘩！係咪真既咁筍呀？

　　即刻ｆｏｒｗａｒｄ俾Ｄ遲下去滑雪既人先～包括水草同我哥～

　　水草可能同男朋友去瑞士滑雪呀～我哥可能同舊同事去韓國呀～

　　千幾蚊既雪褸，半價後只係幾百蚊，同買件羽絨一樣價，真係抵，岩曬佢地啦～

　　大家有買趁手啦喂～優惠只去到１２月４日。

23:51
30 Nov 2011

Adaptation

2011-11-29T11:43:00.002+08:00

換左新眼鏡，個頭赤赤痛……

　　所以其實呢，就算有錢，我都唔係咁鐘意換眼鏡。初初佩戴既呢段適應期，真係好痛苦。

　　我明白人體係好唔對稱，但我既高低耳又未免太過嚴重兼離譜。（目測都明顯睇到，真係肉酸到死）

　　每次適應新眼鏡，都擔心壓住耳仔神經線，血液運行唔好，細胞組織會壞死，咁個耳仔咪會甩落黎……！？

　　嗯，有Ｄ自己嚇自己，但又不無可能。＠＠”

　　有錢既，想戴ｃｏｎ或做Ｌａｓｉｋ，與貪靚無關。（因我都唔覺得自己唔戴眼鏡會靚Ｄ，應該睇慣左自己個四眼樣，有眼鏡會順超Ｄ，哈哈。）

12:06
29 Nov 2011

PS 咁又月尾啦, 2011年只剩返一個月咋! Time flies by so quick.

浪漫不浪漫

2011-11-27T23:21:00.002+08:00

琴日今日都同羊族朋友行街。

　　兩位羊朋友，都不約而同地同我講起浪唔浪漫既問題。

　　Ｗｈａｔ　Ｄａ　Ｈｅｌｌ！

　　妳地搵山羊座既人黎傾浪漫事？！係咪搵錯咗對象呢……

　　＠＠＂

　　***

　　先係琴日羊咩問我，點睇女朋友扭男朋友係美國冒險樂園玩拋銀仔，誓要頭獎的限量版毛公仔。

　　唔……我當然唔讚成咁做啦。要掟中，肯定花費不菲，而且乜鬼限量版都好，都唔會只得一隻架嘛，工產既訂單有ＭＯＱ，ｓｏ點都有一定既數量生產咗出黎，仲係市面上流通，只要有心搵，一定買得到。

　　羊咩就話，願意咁做既男人，當然浪漫啦（咁叫「陪個女朋友癲埋一份」正確Ｄ囉），但該十個男人都無一個肯咁做。而羊咩近來識咗個人，為咗女朋友，真係掟銀仔囉……不過係一個我意想不到既方法，雖則都係貴，但絕對有效，聰明。

　　嗯，我係理智分析型，絕對比男人黎得更唔浪漫，呵呵。

　　***

　　今日，水草（又）講起佢個山羊座男朋友（亞哎呀哥），期間係指住我個鼻話山羊座人太過唔浪漫了！！！

　　Ｗｅｌｌ，乜妳第一日識我咩？

　　山羊座不解溫柔、木獨、戇直，係與生俱來既特性喎。

　　不過又咁，我諗真Ｄ，山羊座人唔識得講甜言蜜語，咁怕且哎呀哥同水草講既野，係真心說話黎架啵～

　　***

　　我今晚沖涼時，有反省我唔浪漫既呢一點。

　　啊……係啦，我既第二任男朋友（Ｖｉｎｃｅｎｔ），係我１７歲生日時，同我去咗黃金海岸過生日。

　　佢精心鋪排好曬ｂｕｆｆｅｔ、行沙灘、紅酒、蛋糕、荷蘭玫瑰、項鏈生日禮物……一般既正常女生，該當覺得成件事都好浪漫至岩，可惜……我……Ｓｏｒｒｙ，無感覺。

　　咁我承認，我當時個心唔響佢樹既。

　　仲有，Ｖｉｎｃｅｎｔ一直刻意保持神秘，唔俾我知佢要點同我慶祝生日，一心係要俾個ｂｉｇ　ｓｕｒｐｒｉｓｅ我。

　　又唔知點解，我直覺一早話我知，佢既安排就係咁咁咁同咁咁咁。Ｏｈ，咁唔知係佢太無新意，定我太識得推測與分析，驚喜欠奉，難忘就的確有Ｄ難忘……

　　我仲好記得，當日我係唔浪漫到問佢：我既衣著打扮有無限制架？

　　佢諗都唔諗就話：無。

　　好啦，咁我唔理三七二十一，梗係尖頭高踭長靴襯短裙咁出門啦。

　　咁結果咪就出事囉！！！我著住對三吋豆零踭行沙灘……（真係要講句：ＰＫ）

　　Ｇｏｏｄ，都稱得上係一段難忘既經歷。

　　而行沙灘嗰陣，我知Ｖｉｎｃｅｎｔ都覺得有Ｄ唔好意思、有Ｄ對我唔住，佢無諗過我會咁著……

　　真係要講句「頂你吖！」，女朋友一向著開咩衫咩ｓｔｙｌｅ，你無留意架咩？

　　Ａｎｙｗａｙ，總之我係咁唔浪漫架啦！

　　***

　　但其實，浪漫唔係形式上既事情，而係心靈既感覺，ｓｏ幾精心既鋪排都好啦，唔一定打動到我。

　　我要既只係窩心既感覺，唔知大家明唔明我講咩呢……

　　亦都可能，我要求太高了。

　　***

　　Ｇｏｏｄ　ｎｉｇｈｔ，　ｅｖｅｒｙｏｎｅ～

00:13
28 Nov 2011

聯想

2011-11-24T01:29:00.002+08:00

呢排用緊潔面粉ｓａｍｐｌｅ。

　　洗洗下面，我往往都會諗到，潔面粉個概念，係咪黎自洗衣粉架呢？潔面產品一向好地地都係液體狀，做乜要無啦啦出粉狀呢？

　　唔……若然係抄洗衣粉既，咁會唔會洗到「白色更加潔白，彩色更加光鮮」呢？

　　哈哈哈哈～

01:33
24 Nov 2011

PS 燒肉放題, 我黎啦~ (肥死都照吃不誤!!!)

到期

2011-11-22T17:25:00.002+08:00

首先要恭喜我自己先～

　　剛好入職瑞榮３個月了。雖不知自己個ｐｒｏｂａｔｉｏｎ有幾長，但ｎｏｒｍａｌｌｙ當３個月咁計，咁我當我完左ｐｒｏｂａｔｉｏｎ啦～

　　３個月，似慢還快地，咁就過左啦喎，真既係唔覺唔覺囉。

　　***

　　同埋要恭喜亞迪個仔仔，小一自行派位ＯＫ左，愁雲慘霧無胡家份。

　　Ｃｏｎｇｒａｔｕｌａｔｉｏｎ～

　　***

　　報告返亞水草點樣係長洲撞車撞到要直升飛機送入東區醫院先。

　　話說，係一個風和日麗既星期日（其實都唔知係咪好天，當住係先啦：Ｐ），水草踩住單車落邪，失控撞左落停泊係路邊既貨車度。衝力太勁，一個反彈，佢就連人帶車撻返落地，唔郁得要送入醫院。

　　除塊面無事之外，其餘部份都有不同層度既擦損、撞瘀同扭傷。

　　嘿，最要塊面無爛姐，其他咪忍下痛，等佢自己好返囉。

　　呵呵～

　　***

　　聽晚唱Ｋ，ｙｅａｈ～

17:55
22 Nov 2011

郊遊

2011-11-20T20:06:00.004+08:00

今日山長水遠地入咗太和。

　　搭巴士入新界呀，經馬騮山過去，一路上既風光都唔錯；到大埔道沙田段，有好多豪宅添。

　　其實我入太和既目的，係要去大埔體育館。

　　落咗巴士，仲要行一小段路至到體育館，途中經過大埔舊墟鄉公所，係入邊傳出好大既麻將聲……

　「噗哧！」

　　真失禮，我真係忍唔住笑咗出黎。事關真係咁老土兼市井，不論係戲入邊定現實，又不論係香港定大陸，好似全世界既鄉公所呀、村公所呀、村委會咁呀，用途都只得一個：攻四方城。

　　唔係好好笑咩？哈哈哈～

　　***

　　有時唔四圍去下，都唔知原來有好多地方，自己早就去過留下足印。

　　新界既居住環境同九龍真係相差得遠。市區好迫夾呀，乜鬼都密麻麻；新界就好得多，疏落點、舒服點，起碼抖到氣。

　　仲有，見到好多餐廳有露天座位，市民都帶住狗仔一齊用饍，好開心呀～

　　同埋，最緊要係Ｄ西餐廳好抵食，ｌｕｎｃｈ　ｓｅｔ只係四十雞左右咋。

　　***

　　下個星期日，再入去一轉先～

21:15
20 Nov 2011

PS 今日係長者日啊~

問與答

2011-11-18T23:46:00.003+08:00

Q: What do you gain from previous job?

　A: Losing weight.

　　***

　　每次提起早前的搵工經驗，都會諗起呢段Ｑ＆Ａ，哈哈～

00:12
19 Nov 2011

人生無常

2011-11-15T00:04:00.004+08:00

‧時間：２０１０年４月　地點：北京

　　一星期既北京之旅，我都同Ａｕｎｔｉｅ鳳儀同房。

　　每晚，我地都傾到好夜好夜至訓，又明明，第二朝要神咁早６點就起身。

　　有幾次，我地講到感人既事，差Ｄ就攬埋一齊大喊一餐。

　　而有一晚講到我既人生大事，Ａｕｎｔｉｅ鳳儀話，我結婚既話，一定要請佢，就算係香港擺酒都唔緊要，佢會申請自由行黎飲我嗰餐。

　「唔使啦，我係大陸擺多次咪得囉～　^ ^」

　　Ａｕｎｔｉｅ鳳儀聽完，即刻心花怒放，差少少就要攬住我黎又啜又鍚。

　　其實，我身為潘家長房既么女，真係出嫁既話，又點少得要係潘家圍村度大宴親朋吖，所以我咁講亦不無可能。

　　不過，我當時只係講黎氹下Ａｕｎｔｉｅ鳳儀，事關我從無諗過要結婚呀。

　　***

　‧時間：２０１１年１１月１４日傍晚時分　地點：香港

　　從無諗過，個承諾會咁快就斷定永達都實現唔到。（哭）

　　今晚芝爸同我講，Ａｕｎｔｉｅ鳳儀比堂家姐既公公早一個星期走咗。

　　聽完我當堂呆咗……

　　係半年前，我都聽到鄉下傳黎消息，話Ａｕｎｔｉｅ鳳儀有乳腺癌。但誓估唔到，原來已係末期，診斷出黎無幾多個月，咁就過咗身……

　　聽講Ａｕｎｔｉｅ鳳儀一直以黎都無病無痛又無病徵，所以到病發嗰陣，為時已晚，藥石無靈。

　　咁即係話，好可能係北京之旅個陣，Ａｕｎｔｉｅ鳳儀身上已有癌細胞……

　　***

　　人生，真係化學，一個人原本好似好地地，估唔到可以咁快就唔係度。

　　Ａｕｎｔｉｅ鳳儀只得四十零五十歲，仔女都未完全出身。

　　我好喜歡Ａｕｎｔｉｅ鳳儀既大情大性、大癲大肺。

　　我同Ａｕｎｔｉｅ鳳儀既人生，交叉點竟然只得一個，從無諗過只有唯一一次。

　　所以啊，大家要珍身邊既人，哪管只係一名過客，都好可能係一瞬即逝，永無第二次相處既機會。

　　原本諗點打呢篇ｂｌｏｇ，情緒都尚算平伏；估唔到真係敲住ｋｅｙｂｏａｒｄ時，眼淚忍唔住喎。

　　***

　　Ａｕｎｔｉｅ鳳儀，Ｒ.Ｉ.Ｐ.，一路好走了……

00:55
15 Nov 2011

PS 一個月內講三次「安息」, 感覺真難受.

睇穿

2011-11-11T11:45:00.005+08:00

都唔明點解，去到邊都俾人對我有咁既ｐｅｒｃｅｐｔｉｏｎ……

　　以前在公在私係咁，依家在公在私所接到既新人物（即現時既同事），都仲係咁，一黎就覺得我揀情人，一定係要較年長、較成熟既……

　　哎呀，我乜都無講過、無做過，大家咁都仲ｆｅｅｌ到？唔係我身上既氣息，散發出黎有咁猛卦？

　（暈）

　　***

　　今日好句：科技產品令作息與工作的時間界綫變得模糊，結果不是消磨時間，而是消滅時間！

　　打工仔要咁做人，真悲哀。

　　***

　　幫手表揚一下好人好事先～


	老乞丐遊戲代幣買餛飩　好心店主不拆穿獲讚賞
		明報　2011年11月8日星期二上午5:35 【明報專訊】內地網民近日爆料，稱一名老乞丐經常光顧吉林省長春市一家餛飩店，他常用遊戲代幣當成真錢來買餛飩，但好心店主一直不拆穿，照樣給老人餛飩吃，引來網民讚賞。網民稱，他在長春市朝陽區新疆街市場附近一家餛飩店吃飯時，發現一名長者拿着一把摻雜有遊戲代幣的零錢買包子和餛飩，店主卻「一聲不吭」把遊戲幣放到兜裏，從來沒有當面拆穿，為的是讓該老人有尊嚴地吃飯。「我非常感動，我支持餛飩店老闆的做法」。有網民讚賞店主的高尚情操，不但幫了那名老人，還顧及其尊嚴。「應讓老人有尊嚴生活」記者日前找到餛飩店的店主劉大軍，他說：「我感覺這只是一件小事，不值一提，我相信普通人都會而且能夠做到的。」劉大軍稱，該老人的眼睛和耳朵都不太靈光，相信他不是故意用遊戲代幣買食物，自己不揭穿他只因覺得「應該讓老人有尊嚴地生活」。劉大軍拿出老人給他買餛飩的「4個硬幣」，當中只有1個標有「大玩家」字樣的遊戲幣，其他分別是日圓、港幣和人民幣。劉大軍說，該老人主要以乞討為生，但很愛面子，「他乞討從來不去人多的地方，他總去人少的地方」。報道指，這名老人約70多歲，頭部在年少時受過傷。俗語有云：好心有好報，劉大軍的好心事迹經報道後，其餛飩店生意隨即好起來，顧客都要排隊入內進食。長春市一名孩子還受到劉大軍的好心感動，把自己平時儲下來的硬幣捐給該家餛飩店，稱要用來替換老人今後吃飯時的遊戲幣。

16:41
11 Nov 2011

PS 光棍節快樂~ 老闆娘收到老闆買俾佢既艾瘋4S!!!

磨合

2011-11-09T20:52:00.002+08:00

今日睇報紙專欄，有段好野。

「每段姻緣能否開花結果，並不單單看兩人是否情投意合。熱戀容易、羅曼蒂克的感覺也來得容易，但要發展出一段長相廝守的愛情，在生活中互相磨合，這卻遠比想像中困難。」

　　***

　　有Ｄ亂……

　　深呼吸，冷靜Ｄ。

21:15
9 Nov 2011

區議會選舉

2011-11-08T20:35:00.002+08:00

個心，涼曬～

　　班癲狗話要狙擊人地，結果咪俾廣大選民狙擊返轉頭，真係笑死我。

　　公司內，同事們都話投票俾癲狗或律師黨既對家就係，唔理參選既張三李四定七菇碌，為唔為到居民辦事都唔係重點。目標只得一個，唔俾佢地既人當選。

　　好囉，玩火玩出禍囉～

　　***

　　可惡，又落雨……

　　我‧想‧跑‧步‧呀））））））

　　打令寶問我做乜唔參加馬拉松？

　　噓，報名要俾錢既，ＮＯ　ＷＡＹ！

　　而且，我都唔係次次都跑到１０公里咁多，有時跑得六七公里就跑唔落去，好視乎當日狀態。

　　參加比賽，要密集式ｔｒａｉｎｉｎｇ，我又唔想喎～

　　***

　　水草係長洲炒車黎。

　　講真，話係長洲撞車，十個人聽到，九個都會Ｏ咀兼反問：乜離島有車架？！

　　係囉，咁都撞到要直升機送入醫院，真係威過龍咁威。（可惜，新聞紙好似無賣呢單意外）

　　唔……咁係咪第一次搭直升飛機呢？＿？

　　***

　　好肥，胃口好大。

　　天呀……

20:47
8 Nov 2011

R.I.P. (Updated)

2011-11-04T21:54:00.006+08:00

堂家姐既公公過咗身。

　　……

　　***

　　今日ｌｕｎｃｈ時，老闆對ＧＣ講：

　「Ｄ蟹同妳有仇吖嘛！」

　　我即刻又瞳孔放大咗兩秒，哈哈哈。

　　老闆一家今晚去食大閘蟹。

　　***

　　周身痛咗好多日，尤其係左邊鎖骨位。

　　痛咗個多月，係咪該去睇醫生呢？

　　Ｓｉｇｈ……

　　***

　　今日係工廠工程部主管既生日，但不幸地，有「大禮」送俾佢……

　　我都唔想架，但有Ｄ單又成日都急到拉屎，今日既都唔例外。

　　以下為國語對話：

　ＸＹ：那我怎麼辦啊？！

　ＰＰ：照著辦。（答得斬釘截鐵）

　　唉，大家都辛苦。做既辛苦，追交貨既亦都辛苦。

00:44
5 Nov 2011

吹氣

2011-11-03T15:47:00.002+08:00

我真係覺得今年自己成個吹氣公仔咁，時肥時瘦，體重上上落落有１０磅既差距。

　　真係又肥到ｆｅｅｌ得到了（亦有少少睇得出）！著衫好痛苦……＞＿＜

　　但今舖好難減，工作又唔夠辛苦，野又食得多。

　　噢…噢噢……

　　***

　　豬豬好衰架……

　　我講下之嘛，佢真係當真，嗚嗚嗚。

　　豬豬係我心入邊，點都佔一個位置既，邊有咁易掃得走。

　　只係，我地既緣份好弱雞。＠＠”

　　一個月都見唔到一次，暈……

　　怕且我地想偷情，都要按季度計至得，哈哈。

　　好啦，我地出年見～

16:00
3 Nov 2011

Evil Actually

2011-11-02T15:47:00.006+08:00

我唔否認，我份人，性格極之邪惡。

　　係９月時，我一口氣買咗兩隻錶，同款唔同色。　　嗯，我買咗一紫一綠。

　　做乜我會無啦啦買隻螢光綠既錶？嗰明明唔係我既ｔａｓｔｅ？無咩既，為咗吊某人既癮囉。

　　^ ^

　　我一副正氣凜然，應該呃咗好多人。Ｗａｋａｋａｋａ～

　　***

　《我係四號仔》

　　都好耐無睇九型人格既文章，早幾日返返下工，係Ｙａｈｏｏ！度亂ｃｌｉｃｋ，睇咗篇……

　　9型人格:推拉的遊戲

有沒有見識過推拉的遊戲？那遊戲是這樣玩的：想像一位朋友A進入了一個派對中，找了一個角落靜靜的坐下，然後內裡的人開始叫著A，高呼他的名字，對他熱情如火，但他不理不睬。久而久之，大家見A沒什反應，便回到原本的位置各有各玩時，A却抱怨大家對他不施予專注力，開如流露出不悅，小則黑起臉來，大則發脾氣哭鬧，或衝出門外，更下一句註腳「都話嚟到無人會理我啦！」。事實上對A的朋友而言，那只是「神又係你，鬼又係你」。告訴你，那位很大機會是九型人格中的「四號仔」。

第四號在九型人格中，可謂藝術家的佼佼者。四號仔同時是非常浪漫的人，在家中燃點起蠟燭，播著淒美的音樂，隨著音樂流著淚的，都是他們的行常動作。他們都很討人喜歡，他們都充滿神祕感，他們不會很容易給人看到最內在的自己。最吊詭的是，四號仔他們最善長是玩推拉的遊戲，就是先把人推開，說是別人對他不好，然後拉你回來，又再把你推開。不過千萬別把著眼點放在這裡，你要了解這個行為背後的因由。四號仔一生人都只看見自己的不完美，所以他們很努力的想追尋完美。完美的背後，是沒安全感的一顆脆弱心靈。偶一為之，他們把人拉到很近時，他們又提醒自己，別人會看到自己的弱點與不完美，於是又再次把人推開。你或許會問，那麼要怎樣證明給這類情人知道，自己對他們痴心一片呢？那倒是知易行難的尋常做法：就是他們如何把你推拉，你都留在他們身邊，讓他們感受到你的寵愛。

　　準到痺……

　　所以我將你／妳／祢推開時，唔好嬲亦唔使唔高興，我天性如此。

　　***

　　繼續睇，睇到篇……

　　星座:愛上一頭羊

羊看似溫純，却是裝傻的強人；牠們群居，是安全感欠奉，難抵孤獨感。山羊座是踏入一年的第一個星座，他們是實際與虛無的完美結合：實事求是却又愛追求感覺，專注力強、聰穎且有魅力，在工作與感情上都會默默耕耘。不過狀態不佳的山羊座，可以是很呆板，死跟隨權威和服從傳統。

山羊座對感情非常認真，從不信口開河，一旦喜歡你和肯說「我愛你」，那麼這一定是認真的關係。若果你追求浪漫，遇上山羊座的男女朋友，只可以說你是找錯對像了，雖然他們著重感覺，但他們不解溫柔，亦不懂下一步，只是一味以感受自己愛著對方來肯定自己在這段關係上的存在。但說到從一而終，山羊座絕對是做足一百分。山羊座的人不太愛表達自己，你要在山羊座身上找尋激情，抱歉了，除非你可以忍受做對方的秘密情人，不過要知道他們飲水思源，不會輕易離開原有穩定的共患難的關係，就算他們有多真心對你，最終都未能戰勝家中有感情、要付責任的那位。要跟山羊座的人分手後做朋友，簡直是天荒夜談！他們不是如此無情，倒過來是他們感情太脆弱了，他們寧願隔離自己，扮作冷漠，其實是自我保護的一張皇牌呢，因為他們太害怕又會回到不能自拔的境地上。山羊座自信不足，可以為了維護自己或所愛的利益，不惜犧牲別人的利益，在利益面前讓山羊座可以變得很醜陋。

　　剖析得好赤裸呀……

　　***

　　今日睇《都市日報》，黃毅力個專欄中有句精句！

轉載：2011年11月22日　《都市日報》
作者：黃毅力

　- 節錄 -
説到Facebook上的相片，除了留意上述所説之外，我還有另一個喜好，就是愛看看相片是從甚麼角度來拍攝的，這會是一件十分有趣的事。

現今有許多年青女孩子，不論在何時何地、每分每秒都努力地為自己找出一個最「自然」、最「美麗」的角度來自拍、自拍、自拍再自拍，總之但求拍出一張超乎想像、充滿美感兼且要看來像宅男女神Angelababy般的照片放到網上，然後藉以暗示別人知道：「我是一位美女啊！」

可是她們卻沒有想過一個重要的問題，便是在互聯網結識過後，最終會面之時，真相還是要被揭露，Facebook中的Angelababy頃刻間都變成現實中的王祖藍了！「睇相就公主，真人就蕃薯」這種巨大差異，也給新結交的朋友造成了莫大的失望甚至驚嚇，我也深深為這些受害者寄予無限的同情。

正因如此，我放到Facebook上的相片，盡量都希望選取一些「有咁醜得咁醜」、「有咁老得咁老」的照片，更甚的，便是一些你看完也好像沒看到我、樣子極其迷濛的相片，那就最好不過了。

原因十分簡直，一張照片當與真人相比時，如果真人是較為好看一點點的話，自然會帶給別人一個喜出望外的感覺，這感覺是正面的，總好過我放一張看以劉華般有型有款的「黃毅力」相片到Facebook，你們後來才發覺真正的「黃毅力」原來竟是挺著個大肚腩的，那不把所有讀者嚇跑才怪呢！

這就是所謂的「期望感管理」。你希望別人看見你是失望還是驚喜？現在你可以參考我上述的説話，再自行去判斷貼一張怎樣的相片到Facebook了。

Source: http://www.eric-wong.hk/main/PunBB/viewtopic.php?id=8936

　　哈哈哈，講得太好了，我都比較喜歡管理人地對我既期望。

　　又ｓｏ，若然要見網友，我ｐｒｅｆｅｒ見真人好過見相。至少，咁我都仲呃到餐飯食，又唔使俾人ｋｅｅｐ住我既相。

　　***

　　增磅中……好ｄｅｐｒｅｓｓｅｄ……

　　不過又低處未算低，體重未算重，更ｗｏｒｓｅ的，陸續有黎。

　　天呀！！！下星期一三五晚都有大餐等緊我食呀！！！！！

　　星期一：日式燒肉放題

　　星期三：Ｎｅｗａｙ　ＣＥＯ　Ｋ－Ｂｕｆｆｅｔ

　　星期五：三軍會ＢＢＱ

　　又其實……今日ｌｕｎｃｈ至食完ｂｕｆｆｅｔ黎囉……

　　＝＿＝＂

　　咁落去，怕且我跑多Ｎ百千萬公里都無用，嗚嗚嗚）））））

　　***

　　好囉好囉，出糧囉，有錢開飯啦！

　　但望住嗰四位數，真係要嘆息……比以前份糧少一大截，點維持生計呀……

　　何解人生要受金錢既束縳呢，真難過。

　　二奶三奶四奶，ｅｖｅｎ五六七八九奶我都唔介意做架，有無有錢佬肯包養我呢？

　　發下夢先。

21:15
2 Nov 2011　　

見底

2011-10-30T01:17:00.002+08:00

原來儲備已用曬……

　　今日去銀行打簿，至發現原來撳穿咗嚕～好窮，正一死窮鬼。

　　慘啦，聽日仲要陪羊咩買衫……好驚呀！！！

　　睇住個銀行數字，又令我諗返起０６年那慘不忍睹既悲慘歲月。

　　唔可以俾自己返轉頭……唔可以……點都唔得……

　　***

　　我堅信，一個人係無意中所講既野，係最能反應其真心既。

　　其實我好細心聽人地講野架，聽完仲會反覆思量……

　　我有時會唔會諗多咗？未試過多喎；我所諗既，多數係貼近事實既真相。

　　有意圖所講既野，反而唔可信。但不經意地一句說話，請留心聽好。

　　***

　　呢排刨緊基本法。

　　都幾好睇，唔會悶。（比嗰本《人性的弱點》要好睇得多，真係救命……）

　　***

　　呢幾日唔知搞乜鬼，周身筋痛，無錯，係筋痛！

　　正確Ｄ講，係ｌｉｇａｍｅｎｔ囉。

　　行路跛下跛下，做野時隻右手又吊下吊下咁。

　　我真係完全無頭緒我點解會咁痛。＠＠＂日日都只係返工對住電腦，並無做咩特別事情。

　　雖然痛，但今晚依然去咗跑步。

　　＝＿＝ｖ

　　唔使佩服我，我一向都係耐痛型。

01:30
30 Oct 2011

拒絕

2011-10-28T23:03:00.003+08:00

上星期，大學同學約我去海洋公園，我推咗。

　　今個星期，中學同學約我去海洋公園，我都推咗。

　　嘿……乜咁唔了解我架，我一向唔去海洋公園。

　　我要做一個非典型香港香港人，我要保持我個記錄，從未去過海洋公園，呵呵～

　　其實迪迪尼都係。

　　我又真既係一個怪人，由細到大，都對主題公園無乜興趣。（同埋入場費咁貴，以我慳家既天性，梗係唔去啦！！！）

　　不過又咁，我只係唔會去香港既ｔｈｅｍｅ　ｐａｒｋｓ姐，外遊異地，我諗我又唔拒去主題公園玩，哈哈哈～

23:08
28 Oct 2011

花生

2011-10-26T21:09:00.003+08:00

相信同我比較熟既朋友都知，我雖唔揀飲擇食，但都有兩樣食物，我係絕少會掂既。

　　係咩？

　　咪就係午餐肉同花生囉。

　　不過，我呢幾日發現，有一種花生，我不單止會食，仲幾鐘意食添。

　　其實，橋妙在於烹調方法呢！

　　我食既係……鹽水煮花生～連瞉烚嗰種～

　　嗯，呢幾日，亞媽買咗好多鹽水煮花生，我勁剝咗好多花生，哈哈哈。

　　***

　　今個月，重咗好叉多……＠＠＂（抵死，食咁多野，把口唔停吖嗱……）

　　唔用個「肥」字，係因為外表上變化不太明顯，係個肚腩大咗Ｄ咁囉。

　　只不過，上磅時會嚇自己一跳，就黎又重上高峰……

　　啊）））天呀））））））

　　點算好……＝＿＝＂

21:22
26 Oct 2011

乜展物展

2011-10-25T13:16:00.002+08:00

香港國際秋季燈飾展２０１１將於１０月２７至３０日舉行。

　　有無人有興趣呢～？

　　香港眼鏡展２０１１將於１１月３至５日舉行。

　　又有無人有興趣呢～？

13:22
25 Oct 2011

蘋果

2011-10-20T23:59:00.003+08:00

今日睇咗篇文章，有段野好有趣～

　　內容講到：話說有三個蘋果，改變了世界。

　１）《聖經》中夏娃吃下的蘋果；

　２）掉到英國科學家牛頓頭上的蘋果；

　３）Ｓｔｅｖｅ　Ｊｏｂｓ創立的蘋果公司。

　　Ｆｕｎｎｙ～

　　不過又咁，雖然喬布斯所創造既蘋果，改寫了歷史，以及好多人既日常生活，但佢都仲係賺唔到我既錢。：Ｐ

　　暫時都仲係咁啦。

　　我話就話想今年換電話，但真係太赤貧，算啦……反正有所謂既，又唔係我。

　　我都唔會主動搵人既，無咗手機，只係人地搵唔到我姐，覺得不便既只係別人，對我本人無影響，哈哈哈～

　　Ｂｔｗ，另一美國大大大公司ｆａｃｅｂｏｏｋ，亦都無法做到我既生意。：Ｐ

　　全球最搵錢又如何，我無聊芝唔賣帳～

00:09
21 Oct 2011

PS 又開始懶了... 好多野想係Blog度share, 但一諗到要捱住眼瞓黎打字... 算, 投降~

努力跑

2011-10-18T00:18:00.004+08:00

我跑步，並唔係著跑鞋。

　　講真，我都幾求其，反正我知，乜鬼運動鞋都相差無幾，分別只在於個廣告ｓｅｌｌ唔同既野姐。又唔見細個時著白飯魚跑步會跑跛腳～咁著乜都差唔多啦～

　　之前係著開Ｎｅｗ　Ｂａｌａｎｃｅ，貪佢夠輕，不過鞋底好薄……　　今日無啦啦身痕，換過對Ｖａｎｓ黎跑……　　出事囉，呢Ｄ板仔鞋，更加唔適合著黎跑，哈哈。

　　對Ｖａｎｓ有Ｎ年無著過，變得超ｕｎ腳，一著就要黎跑步，真係搵自己笨。今日都唔知係狀態唔好，定對鞋累事，跑得好差！無上次跑得咁過癮……

　　結論：為方便腳踝活動，著黎跑步既鞋都係無筒既好。

　　其實我越黎越討厭呢對Ｖａｎｓ，都唔明自己當年，點解會咁戇居用八舊水買佢返黎！嗯，某年情人節買既，東京限量版喎，但過咗無耐，ＨＫ都出咗款差不多咁色既鞋，仲平一大截，真係激死……

　　無穿無爛，著又唔係，掉又唔係，ＳＩＧＨ。

　　不過佢都有可取地方既，顏色囉。

　　我著桃紅色衫、黑色褲跑步架，同對鞋好襯色，再加上手戴ｓｈｏｃｋｉｎｇ　ｐｉｎｋ既跳字錶，手持ｍｅｔａｌｌｉｃ　ｐｉｎｋ既手機，配色真係一絕～哈哈哈～

　　但又話時話，咪睇佢咁笨重，佢比Ｃｏｎｖｅｒｓｅ要輕得多。我都唔明點解Ｃｏｎｖｅｒｓｅ個鞋底咁死重，竟然係藍球鞋？！乜方便跳起咩？

　　好，等我下個月，或下下個月至正正經經咁買對鞋黎跑步先～

　　Ｎｅｗ　Ｂａｌａｎｃｅ嗰對都好殘啦。上面Ｄ相係０９年２月影的，可想而知Ｄ鞋都著咗好一大段日子……

　　***

　　唔知今星期要唔要上廠呢？＿？

　　將有兩個大客到廠唷……

00:38
18 Oct 2011

短命

2011-10-15T20:20:00.002+08:00

先黎文藝版。

　　有人話，機械錶隨住人既活動而運行，即係人活著，錶活著，錶既生命，就隨住人而去。（好～淒～美～喲～）

　　噢，那你的生命太短暫了……

　　***

　　再黎市井版。

　　真‧短‧命。

　　唔係完全無上鏈架……得閒嗰陣，我有ｆｉｎｇ下佢……但佢都真係短命，連兩晚都擺唔到……＝＿＝＂

　　我隻機械，係今早發現佢停咗嚕……咁仲唔係短命鬼？哈哈～

　　究竟要上幾多鏈至足夠行一日呢？＿？

　　***

　　快Ｄ再涼Ｄ啦～我好想著長ｂｏｏｔｓ～

20:28
15 Oct 2011

咁啱遇著剛剛

2011-10-14T22:31:00.005+08:00

７月６號，係第１日。

　　７月３１日，係第２６日。

　　８月３１日，係第５７日。

　　９月３０日，係第８７日。

　　１０月１０日，係第９７日。

　　１０月１３日，係第１００日，恭喜曬。

　　其實數日子，好視乎以當天做第一日，定係第二日做第一日，所以會有一日既差別。

　　***

　　我琴晚得到咗人生既第一隻自動機械錶。　　差不多咁既款啦。

　　正好係百日既禮物。

　　又咁橋，我琴晚無帶錶喎～

　　世事真係有咁巧合喎。

　　***

　　肥咗好叉多。

　　今星期好眼訓，用腦太多，睡眠太少。

　　返工時，鬼打都無咁精神。但一放工就跌曬ｗａｔｔ，成個癮君子咁，頻頻放蚊。

　　哈哈……

22:41
14 Oct 2011

下個不停

2011-10-12T22:01:00.004+08:00

呢場雨，落咗幾十個鐘都仲未停，似乎要補返夏天無落既雨。

　　哎呀，咁怕且，我到聽晚都仲未有得跑……

　　***

　　瑞榮三位助理級員工，可稱得上做「三小花」。

　　三小花好後生呀，加埋先得嗰８５歲，呵呵～

　　Ｂｔｗ，我要更正一下：瑞榮三小花中，ＪＣ係有男朋友架，仲感情好好添。

　　***

　　今日屋企有人牛一，夜晚去咗吃泰國野。

　　Ｔｕｍ　Ｙｕｍ　Ｔｈａｉ，大件夾抵食～

　　老爺，佢地既蒜蓉包係即叫即整，好正架，岩曬你口味～

　　***

　　廠工程部係咁俾人鬧，真替個主管難過……

　　其實我覺得我同工程部主管（ＳＹ）既性格好似，都係爛好人。但佢都有一點比我優勝，佢會指摘（某）人；但我係絕不（或絕少啦）批評家人以外既人……

　　我話得你既，咁代表我同你好熟，當你好似屋企人咁囉～（即水草會係其中一員，呵～）

22:35
12 Oct 2011

PS 嗝, 今晚食到好飽...

PS2 爭D出事, 爭D唔記得找咭數... @@"

得手

2011-10-11T20:53:00.003+08:00

　　千辛萬苦、困難重重，終於到手喇！

　　***

　　又落雨，搞到我無得跑步，好乞人憎囉！

　　難得我喜歡，難得我有心，難得我想繼續，個天卻又咁對我，灰曬……

　　好鬼想試著另一對鞋，又好想測試下不同跑姿架嘛。

　　***

　　好忙，好多ｃｏｓｔｉｎｇ趕住要做。

　　我Ｄ精神病又發作，形住自己唔記得好多事情，兼好似……我做錯咗好多野囉……

　　實情……其實又……無乜差錯發生過喎～：Ｐ

　　不過我份人又異於常人，我喜歡攬Ｄ錯失上身。

　　上星期工廠做錯咗樣辦，其實我既責任唔係最大那位，但又責無旁賃，於是第一個企出黎認錯，哈哈……

　　而我覺得，最錯嗰位係……其實係……算啦。

　　呢排睇邦邦送俾我嗰本《人性的弱點》，就有講犯錯同批評，正正道出咗世人既態度。

　　Ｂｙ　ｔｈｅ　ｗａｙ，睇咗幾篇，我覺得本書好悶好廢。我唔係書中講既ｍａｊｏｒｉｔｙ，故對我既影響或啟發性係：零！

　　毫無諀益，都唔知做乜要嘥時間睇本咁既垃圾……

　　＝＿＝＂

　　唔係應承咗人，真係唔想……唔想……囉……

21:11
11 Oct 2011

十月‧蟹

2011-10-09T19:09:00.002+08:00

　　吼！

　　***

　　好彩，星期五晚食咗雪場蟹。

　　肥美，Ｄ膏好邪惡，但又忍唔住勁食，嘻～

　　Ｂｔｗ，我到咁大個人，都仲未食過大閘蟹囉。

　　***

　　忘了講，連打令寶都覺得，我同我哥太唔似樣了，ｏｕｔｌｏｏｋ完全係無關係既兩個人。

　　我不嬲都話我似係執返黎養既。事關我哥同我兩個堂哥都好似樣，明顯睇得出係潘家既人，我就十足無血緣咁款。

　　異類～（異形）

19:24
9 Oct 2011

大滿足

2011-10-08T20:27:00.003+08:00

個心就想節食減肥，把口識得講琴晚吃得太多，但行動起上黎啦喎，梗係繼續食咗先算啦～哈哈～

　　我不嬲都話：肥都抵死～　　一直都好想試太子餅店既ｃａｋｅ，今日終於有機會啦～

　　１０蚊件（都算平），買咗四件。由左邊起依次序為：抹茶紅豆、栗子、芒果、士多啤梨。

　　今晚，我一個人食曬右邊嗰三件，依家大滿足中，呵呵～

　　但其實，太子餅店既ｃａｋｅ唔似日式蛋糕咁鬆軟，即比東海堂既產品黎得實淨。

20:35
8 Oct 2011

公司扒地 (Updated)

2011-10-08T00:29:00.006+08:00

今晚公司吃飯，慶祝老闆牛一，好開心～

　　我地十幾人去咗廣東道一樓上日本餐廳（叫松戶呀），而我本人係第一次去有ｔａｔａｍｉ既地方，好好坐呀～

　　餐飯食得好豐盛，人人都捧住個肚腩走。我係第一次食到咁美味既刺生！第一次食秋刀魚刺生，估唔到係咁肥美可口，而且好難得吃到極爽極有咬口既油甘魚。（睇怕今餐埋單要過皮野）

　　而最最最可愛既，就梗係同事們既小朋友啦（ＫＣ囝囝得三四歲，ＭＬ囡囡得１１個月大）～佢地超級好玩，帶俾我地無限歡樂～

　　仲有，我第一次飲清酒咋～ＸＤ

　　食咗三粒鐘，肥死都抵，哈哈～

　　***

　　今朝返工時，撞見一位大學同學（尼古拉斯）。

　　講真，做咗咁多年野，第一次撞見同學囉！佢型仔咗，真替佢高興（上海人黎架）。

　　不過我唔明佢詫異Ｄ乜？猛話我Ｄ頭髮變返黑，做乜咁純良之類……

　　真想話佢係認錯人定記性差呢？我對上一次染啡色髮，已係０６年７月既事。過咗咁多年，有色既頭髮一早留長剪鬼走曬啦！

　　我髮色一向都自然黑（事關根本就唔染髮），有咩問題？

01:34
8 Oct 2011

PS 明天週六不用上班... 我返咗工個半月, 只返得一次星期六, 感覺上, 份工好似係五天工作咁, 呵呵~

PS2 羊咩今個月返香港啦, 仲會stay一段長時間, 好開針~ >333<

憶‧童年校園生活

2011-10-06T21:32:00.002+08:00

嘩！琴晚唔計ｗａｒｍ　ｕｐ同ｃｏｏｌ　ｄｏｗｎ既行圈，都足足跑咗有４５分鐘！

　　唔知係咪跑姿唔同咗，跑完後，到今日，都無腳痛！（上次係大脾內側頂痛到我屎）

　　不過……反而係後腰兩側既肌肉好痠痛。

　　咁即係點呢？下星期跑嗰陣再留意下先～

　　今次再跑返步，我決定次數跑疏Ｄ，但每次就跑耐Ｄ。舊年係每週日數跑得多，但每次跑得少，而對腳就勁辛苦。

　　希望今次ｋｅｅｐ住跑長Ｄ里數，慢慢增加日數，咁對腳會適應到啦～

　　***

　　琴晚跑跑下步，又諗起細個Ｄ野。

　　係大陸讀書時，逢星期一都係最忙既。除咗每日例牌早晚跑１０圈足球場外（大陸地方大，小學都有標準運動場），仲要做值日生；同埋我係升旗禮既銀樂隊成員，逢星期一升旗前，都要操練。

　　起初跑圈，真係好死慢，要成粒鐘至跑完４公里（我當時得六七歲咋，唔好同大人比）。跑多幾個月，速度快左一倍有多，跑１０圈都唔使半粒鐘。

　　啊，忘了講，大陸好興「自幼栽培」呢套學說，故任何ｔｒａｉｎｉｎｇ，都興由低年班開始揀入社訓練。我一入小學，就入咗田徑隊。

　　起初只係練徑賽，我都無乜所謂既，不過後來加練田賽，我就頂唔順了。跳高跳遠同跨欄，真既唔係我個瓣。每日早晚都要練兩粒鐘喎，大陸讀書又比香港學校返得早、落堂晏（上堂時間係朝７點半晚４點半，另加練跑既話，真係鐵人黎架），都唔知Ｄ學業要點兼顧……所以未到三年班，ｑｕｉｔ咗～

　　我只係講咗武，文嗰方面都未講。其實放學後，練跑前，仲要補課（語文）先！有得補好威架，因學校行精英制，只有成績好既學生，先會更加放資源係佢地身上。（我係大陸讀嗰間係重點小學，好多人爭住入架）

　　仲有做值日生方面，同香港既完全係兩回事！！！

　　大陸學生做值日生，唔淨係抹黑板同拎薄去教員室咁小兒科，更要早晚打掃班房同學園！！！唔係講笑，真係拎掃帚掃地架，仲要每一班負責校園既一個地方，例如走郎、花園、禮堂、室內球場、室外球場、跑道之類。而且值日生係每星期做一次，星期一係坐第一排既學生，星期二係第二排，如此類推（嗯，每日每班起碼有８個學生做值日生）。我係大陸讀咗三年小學，三年都係坐第一排，故星期一要值日，好忙。

　　而銀樂隊啦喎，我負責小軍鼓架，逢星期一四既朝早要操練。

　　Ｂｔｗ，其實我哥都曾經係田徑隊成員，後來俾藍球隊挖咗去。佢呢，亦都係銀樂隊成員，負責吹伸縮號。

　　嗯嗯，無錯，其實潘氏兩兄妹係校內好出名，深得各師長既喜愛，唔單止成績好，運動叻，仲好有禮貌同家教添～（好假，但為咗做人上人，就係要咁）

　　當我呢個又黑又奀又瘦十足馬騮乾咁既ＰＰ黎到香港升學時，真係覺得港童幸福無比！

　　嘩！咁晏（８ａｍ囉）至返學，好幸福呀～嘩！神咁早（１ｐｍ囉）放學，好幸福呀～嘩！無課外活動，好幸福呀～嘩！唔使補課，好幸福呀～嘩！做值日生咁ｅａｓｙ，好幸福呀～

　　初返學，見到學校有咁多校工，真係好詫異……後來至知，原來校工係負責打掃學校，學生係唔使做架！

　　咁又係，比著要香港學童打掃，Ｄ直升機父母唔嘈唔投訴就有鬼！肯定大聲吼叫話「我Ｄ仔女係黎求知識，唔係黎俾你地勞役架！」

　　Ｓｏ，我係香港讀書唔夠一年，已養到肥肥白白，事關真係太他條呢，勢無諗過原來讀書可以咁輕鬆！明明以前好似當兵咁辛苦。（唔係講笑，學校每學期都會安排解放軍黎學校兩個月，進行軍訓架）

　　結論：無可否認，國內學童既學習環境，真係助佢地更獨立、擁有更高既自理能力。

22:29
6 Oct 2011

我以後唔敢啦!

2011-10-05T23:16:00.003+08:00

我以後唔敢咁曳、唔敢唔聽話落吧飲野啦！＞＿＜

　　事關都無好野發生……

　　***

　　琴晚，終於見到闊別５年既打令寶啦！＞３３３＜

　　真係好鬼死掛住佢，同埋佢屋企個動物園，呵呵。

　　***

　　首先，我約咗打令寶７ＰＭ係女人街某意大利餐廳吃晚飯。

　　好橋地，食飽一行出間餐廳，我見到個人好鬼似我哥個ｂｅｓｔ　ｆｄ，正當我諗我會唔會認錯人之際，後面一位行人，正是我亞哥！

　　哈哈哈，其實琴晚既旺角多人到暈，逼爆曬成條西洋菜南街。而我地兩兄妹又不約而同地好曳咁唔返屋企吔飯。

　　吃飽飽後，同打令寶逛咗陣街，之後就向尖沙咀既酒吧出發。

　　不過，我係一個善變的懶人，只係行到佐敦，就已決定唔再多行，係莊士倫敦廣場樓上飲就算喇～

　　嘩……估唔到咁平，女士任飲，只需入場時擺低百五蚊（男士收二百五）。

　　其實我係約左水草飲野在先，但又唔捨得放打令寶走，ｓｏ拖埋佢去飲～後尾水草又ｃａｌｌ啲ｆｄｓ黎，結果我地係全女班，５個人咁多～

　　***

　　噢，睇黎我地都好唔熟悉任飲場既文化。我地本來係想一杯杯ｃｏｃｋｔａｉｌ咁ｏｒｄｅｒ，點不知佢全部係一ｊａｒ一ｊａｒ咁上枱……天呀，精酒唔使錢架咩，就算我地飲得到咁多，但Ｄ冰都會溶，溝到Ｄ酒淡曬無味囉。

　　高峰時，枱上有六ｊａｒ不同味道既ｃｏｃｋｔａｉｌｓ（有ｌｏｎｇ　ｉｓｌａｎｄ、ｓｅｘ　ｏｎ　ｔｈｅ　ｂｅａｃｈ、ｎｏｔｈｉｎｇ、ｓｕｎｓｅｔ等等），真係飲到你肚脹！

　　***

　　我一心係諗住全女班落吧，無需預先係網上吹雞約男仔出黎。事關全女班落到任何一個場，都會大把仔擁埋黎啦。所以預先約定Ｄ仔，係多餘既舉動！：ＰＰＰ

　　嗯，仔係有呀，但超乞人憎……

　　***

　　先黎係隔離枱一位肥妹（水草ｆｄ嗌佢做一件豬扒）話不如侵埋佢嗰枱一齊玩啦，結果走黎一位衣不稱身既西裝友，坐埋黎後賴死唔走。＝＿＝＂

　　佢樣衰都算喇，又唔飲得又要玩，仲斗膽到咸濕我個打令寶！一早俾我知道既，睇我著短裙都起佢飛腳滅佢子孫根！

　　大家係度玩大話骰，但我無參與其中。眼見條西裝友俾水草同Ｚｉｔａ（水草的朋友）耍到陀陀擰，我又真無咩興緻喎，懶理～

　　西裝友同豬扒走後，換黎佢地個七頭朋友坐落黎。

　　***

　　呢個七頭，我真係想用我畢生人所識得既粗口黎鬧爆佢！講真，我幾醉都好，都好少講粗口，但佢逼到我想問候埋佢祖宗十八代！

　　不過，我係一個好有修養既人，只係想姐，並無真既還口。唔還口不特止，我仲微笑地繼續聽佢講。不過佢見我唔還拖，就更加肆意地講下去！講個沒完沒了！

　　其實我都唔係好知發生咩事，當張枱走剩我、打令寶同七頭時，個七頭突然一輪咀咁連珠炮發，教訓起我上黎！話我咩咩咁唔得架，無人鐘意我架，識唔到人架，我無朋友架，諸如此類……最後仲話埋打令寶，話佢好寵壞我！

　　Ｏｈ　ｙｅａｈ，Ｉ　ａｍ　ａ　ｓｐｏｉｌｅｄ　ｃｈｉｌｄ～

　　真係發神經……明明我就一直都只係坐埋一邊做旁觀者，無加鹽又無加醋，亦都無取笑過佢同西裝友，但七頭又無啦啦燒埋我嗰疊，真係佛都有火……

　　我相信，可能性得兩個：１）佢見我個樣好吋，就忍唔住黎同我撩交嗌；２）全程唔出聲，斷估我係最怕事最ｕｎ春最淋善最好恰嗰位，於是乎搵我祭旗，當幫朋友報仇。

　　唉，算我倒霉……講真，琴晚可算係人生中最差既一次落吧經驗。

　　但又查實呢，我琴晚係一心同打令寶聚舊，無意要識男仔或俾人界囉。

　　Ｂｕｔ　ａｎｙｗａｙ，見到打令寶，我都好滿足。而且我地係由９點半，飲到今朝５點，間吧都要打烊至走，ｗａｋａｋａｋａｋ～無諗過可以飲咁耐，通頂唷～

　　希望下一次全女班飲野，會再開心Ｄ啦。

　　***

　　我係留言板話要聽Ｄ朋友講，趁後生時多Ｄ出去玩，臭豬（要將豬豬改名：Ｐ）見到，即刻話「呢Ｄ豬朋狗友要拎去打靶！」。（笑）

　　臭豬喜歡我乖乖地，唔想我受到污染。（再笑）

　　而其實，個豬朋狗友就係邦邦囉，即邦邦要拎去打靶啦～

　　Ｗａｋａｋａｋａｋａｋａｋａｋａｋａｋａ～～～

00:26
6 Oct 2011

Times Fly

2011-10-03T00:53:00.006+08:00

太快了，２０１１年已過咗四分之三，仲剩返最後一個季度咋！

　　１０月，來得太快。

　　***

　　原本今日又諗住大執屋，點不知磨磨下，睇鐘時，已係下晝４點幾，太晏了，結果乜都唔使執……（太多野啦，一開波就起碼要執七八粒鐘，絕對會花上一日既時間；只得小半日，肯定搞唔掂。）

　　我間房超亂呀！（搬屋後）史無前例地亂咁堆滿野！！！自己睇到都頂唔順！！！！！

　　天呀……點解我會有咁多ｓｔｕｆｆ架……間房真係無幾大，邊塞得落咁多野呢……＠＠＂

　　***

　　今日最主要磨乜？之唔就係集郵囉～呵呵～

　　無錯！我就係集郵芝喇！Ｗａｋａｋａｋａｋａ～

　　咪淨係得個講字，俾大家望望我既集郵冊啦～　　儲咗好多年啦（由小學低班開始），但絕少認真地整理，故今日下晝花咗兩三粒鐘既時間係集郵冊上邊。

　　整理好，滿足曬～

　（亞芝小姐，但妳間房依然好亂，咁妳想Ｄ集郵冊塞去邊？）

　　Ｅｒ……等……等放假時，咪執囉……星期三有假嘛……

　　＝＿＝＂

01:09
3 Oct 2011

Telesales

2011-09-30T21:02:00.005+08:00

噢，無諗過放一日打風假，Ｄ野會做唔曬……＠＠＂

　　好死唔死，今晚仲要入荃灣覆診！

　　勁想ＯＴ，但Ｏ不得（要７點前由觀塘去到荃灣，ｃｒａｚｙ），結果我都係遲咗……＝＿＝＂

　　***

　　今日下晝，係我忙到出煙之際，收到個背景好嘈、語氣懶係熱絡既電話。

　　一把超高音既陌生既女聲，由電話另一端從傳黎，開場白係大致上話，早前我幫佢做過一份有關通脹既問卷調查，依家係打黎ｆｏｌｌｏｗ　ｕｐ……

　女：喂～係咪潘小姐吖？

　芝：我係，有咩貴幹？

　女：咁既，之前潘小姐妳幫過我地做一份有關通脹既問卷調查。依家隔咗一排，再打黎跟進一下情況。

　（心諗，我有做過問卷調查咩？又係度亂吹……仲有咩咩咩「跟進」話……妳估妳係ｓｏｃｉａｌ　ｗｏｒｋｅｒ呀？不過又咁，就唔收線住，睇下你咩葫蘆賣咩藥～）

　芝：哦……（查實我想收都收唔到，我部ＳＥ手機虧咗好耐，哈哈）

　女：之前訪問潘小姐時，妳表示現時既通脹好厲害，咁依家係咪都仲係咁認為？

　芝：係。

　女：咁妳覺得份人工追唔追得上通脹呀？

　芝：完全追唔上。

　女：咁潘小姐妳有無咩方法抗通脹？

　芝：使少Ｄ，各方面都縮緊開支。

　女：係呀……咁會唔會連子女既教育經費都縮減嘛？

　芝：我無小朋友喎。

　女：Ｅｒ……乜係呀……（我內心竊笑，哈哈）咁有無諗過有咩方法可以保值份人工？

　芝：無。

　女：其實政府都有推出一Ｄ債卷，去幫香港市民抗通脹架喎，有無聽過ｉＢｏｎｄ？

　芝：知道有樣咁既野，但ｄｅｔａｉｌｓ唔知。

　女：ｉＢｏｎｄ都幾好架，息口唔錯架，萬零蚊已買到一手，用幾萬黎買返兩三手，好過Ｄ錢齋擺係銀行度，連利息都蝕埋。

　芝：係呀～無興趣喎。

　女：點解呀？拎少少閒錢出黎，就可以抗通脹喎……

　芝：無閒錢。

　女：吓？！唔會卦……

　芝：我岩大學畢業。

　女：Ｅｒ……聽唔出喎……

　　哈哈哈，當對方得知我係一個窮光蛋後，已急不及待地草草收我線～（後尾佢係點打圓場既，我唔記得嚕～）

　　我真係覺得佢嗰句「聽唔出喎」超假囉！平常我係屋企聽親Ｄ電話訪問，對方都好唔耐煩咁話：「有無１８歲以上既成年人係屋企呀？」咁架，爭在前邊唔加多句「小弟弟」咋！

　　哼！明明十個有十一個人都覺得我把聲似細蚊仔，今日嗰人話聽唔出，實在有違常人既準則了。

　　同埋，講多兩句，都知佢係ｓａｌｅｓ，電話訪問絕少有ｆｏｌｌｏｗ　ｕｐ。我自己都做過呢行，知行規既。

　　***

　　講到電話訪問，即係市場調查，多由受托機構如ＡＣ　Ｎｉｅｌｓｅｎ實行。

　　其實呢類正宗市場調查，有好多明文行規，只要你知道，就可以好輕易咁打發佢地走，比起粒聲唔出就ｃｕｔ佢地線，會黎得有效。

　　第一大行規：假如受訪者本人、其家人、其親密好友、其慣常往來既人，有受僱於市場調查公司既，就不適宜受訪。

　　Ｓｏ，每當ＡＣ　Ｎｉｅｌｓｅｎ打黎，我話會我係做Ｓｙｎｏｖａｔｅ既（其實我以前真係做過Ｓｙｎｏｖａｔｅ既訪問員，半年咁多啦）；當Ｓｙｎｏｖａｔｅ打黎，我就會話我係做ＡＣ　Ｎｉｅｌｓｅｎ既。咁訪問員就會好識趣地話「唔好意思，打擾曬」，咁就收線架啦～同埋好手尾既訪問員，仲會響佢地個系統入邊ｄｅｌｅｔｅ埋你個電話，免得再有其他訪問員又盲樁樁咁打多次去騷擾人。（未成功受過訪既電話號碼，系統會不斷ｒａｎｄｏｍｌｙ　ｇｅｎ出黎俾訪問員打電話）

　　大家第日都可以用呢招架，一定好過齋ｃｕｔ佢地線。事關ｃｕｔ完線，你個電話號碼依然係個系統入邊碌緊，過無幾多日，盞又聽多次個電話；只有被ｄｅｌｅｔｅ，至無後顧之憂。

　　***

　　嗚……覆一次診，又掏空我個荷包了！

　　仲有幾日至出糧呢……＞＿＜

　　***

　　嘩嗚～

　　靚女上司有男朋友啦～

　　我記得我初入職時，佢都尚未確立對方身份。而近日，俾咗個名份人地嚕～

　　真覺得嗰位人兄犀飛利，可令到我個靚女上司芳心暗許，殊不簡單唷～

　　^ ^

　　我都要努力下至得～

　　目標：高人。

　　我實在沒辦法長此下去等亞豬豬ａｖａｉｌａｂｌｅ……（心酸）

　　嘻。

22:00
30 Sep 2011

Overheard

2011-09-29T00:29:00.004+08:00

今日臨放工時，ＭＬ講起佢Ｄ表哥既女朋友如何如何。

　ＭＬ：唉，一件比一件好肉地，真係一蟹不如一蟹。

　　唔覺意聽到，但即刻觸動我既神經。

　　又是好想食蟹，不如聽晚或星期六晚去食啦。

　　***

　　占占老爺，水草問起幾時一齊食飯。

　　但坦白講，我唔想佢地見面。

　　嗯，我好小家。

　　***

　　黎緊，我除咗想睇鐵甲鋼拳之外，更加想睇色謎睡美人(Sleeping Beauty)。

　　不過可惜，上畫既戲院太少。

　　Ｓｉｇｈ……

00:40
29 Sep 2011

認識女人

2011-09-28T09:41:00.003+08:00

１）再講理的女人，係鬧情緒時，都一樣會不可理喻。

　２）唔好刺激Ｍ到既女人。

　　***

　　琴日，俾邦邦話我步姿古怪，兩條腿好似唔聽使咁。

　　哎呀，咁人地前一日跑咗成粒鐘，第二日Ｄ肌肉梗係攰死啦。

　　不過琴日都算好，今朝起身仲衰，兩腿肌肉係僵、硬、梗、痠、痛！（其實琴晚都已痛到做唔到睡前床上運動－－ｓｉｔ　ｕｐ了）

　　今日行路，更加古怪，哈哈哈～

　　***

　　今日無簧管，所以第一次係瑞榮ｏｆｆｉｃｅ度打ｂｌｏｇ。

　　Ｋｅｅ～

　　早晨呀，咁多位～ ^ ^v

09:48
28 Sep 2011

Maru

2011-09-27T21:36:00.003+08:00

　　可愛到痺……

　　***

　　今早返工，行過隧道，有位ｕｎｃｌｅ係度吹色士風賣藝。

　　睇佢一身既裝扮，相信佢曾經係一位酒廊樂手，相當有台型。

　　不過，神早流流係行人隧道中吹到色士風響一響，說實話，有點兒吵兒（但又正好嘈醒睡眼惺忪既上班族，呵呵）。

　　***

　　Ｗａｋａｋａ～邦邦中計啦～

　　一如我上星期話齋，今星期要老屈邦邦請飲ｃｏｆｆｅｅ，今晚成真了～（仲另加一件ｃａｋｅ，甜到漏，肥死～）

　　我真叻～

　　***

　　噢，ｂｏｓｓ下星期生日，成班同事打算夾錢送禮。

　　你地話吖，邊可能唔夾咁肉酸？

　　唔見一筆……算啦～Ｂｏｓｓ咁好人，有乜所謂～

　　^ ^

　　***

　　今個月買咗５對鞋，但仲想買第６對。

　　天呀，世上點會有我呢種人……

　　＞＿＜

22:01
27 Sep 2011

運動場上

2011-09-26T22:10:00.002+08:00

人生百態啊。

　　***

　　哎呀，我果然唔適合陸地上既運動。

　　唔……對上一次運動，應該係宿霧既海中，哈哈哈。自由自在～載浮載沉～

　　今晚無啦啦心血來潮，又見運動場ａｖａｉｌａｂｌｅ，於是乎去咗ｊｏｇｇｉｎｇ。

　　跛啦……我對天殘腳又跛啦……但都跑咗９個字，十圈有多，ＯＫ啦。

　　***

　　邊跑，邊喜歡觀察其他人既跑姿。

　　（笑）

　　唔話你地知我笑咩。^ ^

　　我笑人，可能人地都笑返我，呵呵～

　　***

　　跑完後行圈，ｆｅｅｌ到條馬尾一直滴緊汗。

　　咦？剪髮後，好耐無紥起頭髮，感覺怪怪的。

　　講返滴汗，令我諗起我家小龜拉完o殊o殊後，條尾亦都會係咁，滴……滴……爬出一條路……

　　哈哈哈，有夠噁心。ＸＤＤＤ

　　話時話，我家小龜好耐無係呢度出場，遲Ｄ幫佢地影下相ｐｏｓｔ上黎啦～

22:20
26 Sep 2011

PS 十月有秋季燈飾展, 好期待呀~!!!

天壤之別

2011-09-26T00:55:00.004+08:00

Ｓｉｇｈ……

　　我係田氏上深圳分公司接手業務一個月，即瘦咗３公斤。

　　而係瑞榮入職一個月做ｂｕｓｉｎｅｓｓ　ｄｅｖｅｌｏｐｍｅｎｔ，即刻肥咗３公斤。

　　兩份工，由我既體重，即高下立見，哈哈。

　　唔……前前後後，加加減減，合指算多兩算，即我體重去返以以以前個ｌｅｖｅｌ。過去１５個月暴肥又暴瘦一輪後，原來好似無野發生過咁……

　　唔得！我明明話過要減到４８公斤架嘛，家陣目標又遠咗！再唔加把勁，過去就係白辛苦了！

　　＞＿＜

01:00
26 Sep 2011

PS 等出糧... 諗到好多大支出, 煩... 一係全部唔好郁, 不變應萬變. 但唔變唔進步, 即係退步喎, 哎呀呀...

大牌

2011-09-24T00:21:00.002+08:00

返工一個月後，聽日終於係我第一個要上班既星期六啦，ｗａｋａｋａｋａ～

　　怕且，工廠Ｄ同事，實以為我Ｐａｎｓｙ地位超然，竟好似老闆一家咁，只係五天工作？

　　非也非也，只係事情有咁湊巧姐，呵呵～我都要返長短週架，只係……

　　第一個週六，短週。

　　第二個週六，長週，但我請咗假去ｉｎｔｅｒｖｉｅｗ。

　　第三個週六，理應係短週，但公司要舖地氈，ｓｏ老闆宣佈全公司休息，長短週順延。

　　第四個週六，短週。

　　第五個週六，即係聽日，我終於要返工啦！哈哈～

　　不過我估唔到既係，原來唔係法定全國都五天工作，東莞係可以六天工作架！Ｓｏ瑞榮廠既同事，星期六都要返工。

　　***

　　琴晚同老爺吹水時，講起Ａｄｍｉｎ　Ｄｅｐｔ；我今晚亦忍唔住，繼續思考，究竟Ａｄｍｉｎ係點樣既一個部門呢……雖然我都係Ａｄｍｉｎ出身，但都對佢既分唇，充滿疑惑。

　　讀咗咁多年商科，一間公司內既各個部門，粗略概括地，都總會介紹下，亦都確實地叫做有個知字。偏偏係Ａｄｍｉｎ　Ｄｅｐｔ，Ｄ教科書係唔會提起佢架囉！

　　以前讀ＨＲ時，堂堂都好有衝動想問亞靚女Ｍｉｓｓ，究竟Ａｄｍｉｎ　Ｄｅｐｔ同ＨＲ　Ｄｅｐｔ有乜分別？不過又始終無問到出口，覺得無謂難為人……（係咁簡單既，Ｄ書都一早有解啦，偏偏我睇咗Ｎ本都無講）

　　係我響田氏既經歷，佢話俾我知，Ａｄｍｉｎ　Ｄｅｐｔ係萬能兼百搭既。

　　單單係名稱上，Ａｄｍｉｎ　Ｄｅｐｔ可以獨立地出現，但亦可ｌｕｎｇ住其他部門名喎，例如ＨＲ　＆　Ａｄｍｉｎ　Ｄｅｐｔ、Ａｃｃｔ　＆　Ａｄｍｉｎ　Ｄｅｐｔ、Ｓａｌｅｓ　Ａｄｍｉｎ　Ｄｅｐｔ，等等。

　　通常，邊個部門缺文員，咁Ｄ　ｐａｐｅｒ　ｔａｓｋｓ咪推俾Ａｄｍｉｎ　Ｄｅｐｔ既人做囉，大家覺唔覺得都係咁？

　　又以田氏為例：人手招聘福利考勤保險清潔保安庶務，固之然係Ａｄｍｉｎ　Ｄｅｐｔ做；電腦公司無ＣＳ，交Ａｄｍｉｎ　Ｄｅｐｔ做；會計無人？唔使驚，都係Ａｄｍｉｎ　Ｄｅｐｔ做；要臨時私人助理？都係搵Ａｄｍｉｎ喇！

　　由此可見，Ａｄｍｉｎ　Ｄｅｐｔ既百搭性，好比一碗白飯。

　　白飯，除咗可以齋咁食之外（獨立地出現），仲可以（配搭其他部門）用黎炒啦、焗啦、煲粥啦、泡湯飯啦、攪成糊仔餵ＢＢ啦，係咪花款多多呢～

　　***

　　好，夠無聊，咁又寫成一篇ｂｌｏｇ了，哈哈～

　　晚安，祝大家有個愉快既週末。

00:50
24 Sep 2011

PS 噢! 好多日無見邦邦了, 不如下星期搵日放工後, 屈佢請飲咖啡先, 哈哈~

Law Lay Shui

2011-09-23T00:41:00.005+08:00

攞黎衰……

　　其實都唔係第一次囉，我經常覺得，自己口快快應承人，十居其九，到頭黎，都係自己搵自己笨Ｘ。＝＿＝＂

　　就好似今日咁，好ｅａｓｙ地答應咗人買ｃａｋｅ。但隨即又醒起，我今日收到由日本ｓｈｉｐ黎（收件地址我填咗公司）既兩對鞋同一袋衫，塞爆咗兩個環保袋。咁我放工回家時，仲邊有手買ｃａｋｅ呢？

　　我絕對唔係一個會反口既人。我好憎人地反口覆舌，所以自己亦都係一言既出，駟馬難追既人，律人律己嘛！

　　好啦，頂硬上都要。

　　其實買同拎都唔係問題，只係估唔到個天咁陰毒，夾埋地鐵黎玩我呢個弱質女流姐。

　　頂……我都已經差不多成７點至收工架啦，上到地鐵站，墟坎到呢……晏收工過咗ｐｅａｋ　ｈｏｕｒ都上唔到車囉（Ｄ人仲多過６點鐘嗰陣）！擺明ＭＴＲ唔知壞過Ｄ乜，搞到Ｄ車ｄｅｌａｙ曬。

　　千辛萬苦地迫上車，一抽二ｌｕｎｇ，無手扶住，唔仆死都算我好彩，哈哈～

　　結果，磨咗成粒鐘，８點至可憐兮兮地返到屋企。

　　＠＠＂

　　呢趟路程，真）））唔容易。

　　嗱，再一次教訓自己，日後應承人地任何野之前，都要諗清諗楚，唔好咁ｃａｓｕａｌ就ｓａｙ　ｙｅｓ。

　　***

　　Ｐａｕｌ　Ｆｒａｎｋ，我想要！

　　今期７－１１既印花玩換Ｐａｕｌ　Ｆｒａｎｋ，我想要呀！　　尤其覺得第二ｒｏｕｎｄ既造型特別ｋａｗａｉｉ～

　　我喜歡Ｐａｕｌ　Ｆｒａｎｋ？咁又唔係喎～只係見佢幾得意，想收歸芝有咋，呵呵～

　　可惜，我作為一個精明既師奶仔，又點會去便利店買貴野咁笨七吖。

　　Ｓｏ，ｉｆ有朋友仔不刻意地去７仔買野後留有印花，送Ｄ印花過我就好囉，嘿嘿～

　　ＸＤＤＤ

01:05
23 Sep 2011

PS 啊... 加入瑞榮公司一個月了, 真快... 不過, 我唔知自己既probation係幾耐喎~ Ka~

家眷

2011-09-22T00:20:00.004+08:00

唔……Ｅｒｒｒ……

　　講返公司飯局，老闆話可以攜眷出席，太子女隨即問我有無男朋友，而一眾女同事亦旋即好奇地，將視線集中係我身上……

　ＰＰ：無……

　ＢＫ：唔係卦，妳唔似囉。不過我都無，哈哈～

　ＪＣ：我都係，ＫＡ～

　　嘩！成間公司既女助手，都似乎有ｐｏｔｅｎｔｉａｌ做剩女，哈哈哈。

　　***

　　今日，我無啦啦諗起上份工係４月時去廣州公幹既見聞。

　　嗯，無他既，我諗起蟹姐，哈哈哈～

　　之前都講過架啦，係廣州見到架大眾汽車車尾個ｌｏｇｏ，俾車主加工成為咗一隻蟹，真係超級可愛～　　嗯～就係呢款車貼喇～只要係貼係圓或橢圓形既對稱ｌｏｇｏ上，都會好ｋａｗａｉｉ架喇～

　　有無楂Ｖｏｌｋｓｗａｇｅｎ既朋友想貼ｃｒａｂ　ｌａｂｅｌ？肯貼既，我就去買！

　　Ｗａｋａｋａｋａｋａ～

　　***

　　有時，我真係覺得水草同佢男朋友，好鬼恩愛又好鬼ｓｗｅｅｔ。

　　水草嫌佢男朋友係山羊座好悶咩？都唔係呀，我見佢地個個月至少有兩三次出走去郊區玩樂喎。

　　以我近來各個星期所知，佢地分別先後去咗澳門、長洲、南丫島、迪士尼、大嶼山……（單係９月，都遊咗至少兩次啦，你估咁多人咁得閒咁好體力架？）

　　大姐！妳仲想點呀！節目比好多情侶都還豐富Ｎ倍！唔該知足下好無？

　　邊個唔著，我呢個旁觀者，都無法分析，因兩人自身都各自有好多缺點。

　　但相愛係埋一齊，就係一場持久既磨合角力，每事上，總要一方讓步、妥協、或包容，情路方可走下去呀。

　　千世修來同船渡，萬世修來共枕眠。

　　講完～

00:41
22 Sep 2011

爽

2011-09-20T23:01:00.003+08:00

今晚終於可以洗頭了～舒～服～曬～

　　兩日無洗頭，個死人頭真係超笠，好難頂。

　　***

　　嘩哈哈哈哈～１０月１至９號，自由啦～

　　黎啦黎啦～大家快Ｄ約我啦～我可以期間限定地夜夜笙歌～Ｋｅｅｋｅｅ～

　　１ｓｔ　ｂｏｏｋｉｎｇ：１０月７號，公司飯局。

　　２ｎｄ　ｂｏｏｋｉｎｇ：同ｓｅｘｙ　ｇｉｒｌ飲野，日子待定。

　　要填滿Ｄ日子至ｄｕｃｋ！

　　：ＰＰＰ

　　***

　　明天上廠。

　　唔……其實我都唔知我上去有乜搞作，好似渾渾噩噩咁，有Ｄ嘥時間。

　　當然，又唔可以抹殺，話上到去無野學咁樣喎。

　　我都仲有好多野唔識，但至弊係往往唔知自己唔識Ｄ乜，又唔知自己要知Ｄ乜，嗰下都幾煩。

　　所以，唔好話我唔問問題，係我唔知要問乜或點問至岩。

　　哎呀，真係成個白痴低能兒咁，哈哈哈～

　　唯有，不足既地方就改善下啦，不論有無必要知得咁深入都好，學下睇工程圖ａｎｄ認識下Ｄ佢識我我唔識佢既螺絲、鐵管、牙節同油漆諸如此類咁囉。

23:21
20 Sep 2011

Haircut

2011-09-20T01:13:00.002+08:00

Ｉ　ｈａｄ　ｍｙ　ｈａｉｒｃｕｔ　ｌａｓｔ　Ｓａｔｕｒｄａｙ‧

　　好彩，無俾人殺姐。^ ^

　　不過，其實有剪同無剪，連我自己都覺得無分別囉！！！但又明明，個髮型師手起刀落，剪咗好多～

　　Ａｎｙｗａｙ，我都係掛住靚仔髮型師Ｗａｌｌａｃｅ多Ｄ。

　　***

　　唔可以洗頭兩日，真辛苦……＞＂＜

01:16
20 Sep 2011

PS 果然好多肥貓都只係虛有其表!!! 今日Maru有張出浴照, D貓毛濕到撻係身, 咁又顯得佢唔係好肥咋喎~ 相反, 仲好細粒, 好似BB咁~ ^O^